لا والله يا باشا دا انا كنت ضيف
وشائت الظروف اني اكون موجود وقت العرض بتاع المتهمين
وكان المخبر مشاء الله عليه
يرزع الكف من دول ولا كانه بيضرب ناس
من صوت الضربه تحس ان قفاك نمل
الجميل بقي ان كان فيه واحد جاي تبع المرور تقريبا كان عكس اتجاه
والمخبر ماسكه من حزامه من ورا ومستني الظابط يتكلم
والظابط كان معاه مكالمه موبايل
فالمخبر مسك صاحبنا بتاع المرور ولقي ان الوقت حيطوم وممكن ايده تبرد وتصدي
فقال يضيع وقت بمعزوفه قصيره علي قفا الزبون
ولسه بيرفع ايده راح الظابط باعلي صوته قاله دا مرور ..مرور ..مروووووووووووووووووووووو ووور
والحمد لله طلع ان اللي بيمشي عكس الاتجاه بيدفع من محفظته بس مش من محفظته وقفاه
وما يتبعهما من كرامته المهدره الموسومه ببصمات اصابع الباشا المخبر جازاه الله عنا كل خير
ملحوظه
كل اللي كانو بيتضربوا كانت افعالهم تستوجب الحرق مش الضرب علي القفا بس
علشان محدش يقول ان فيه افتري
المفضلات