السلام عليكم يا شباب:
فى ملحق أهرام الجمعة 7-8-09 فيه اعلان عن الميجان: السعر يبدأ ب 105000 جنيه بس لفتر محدودة:
يا ترى دى بدايه جديده لهبوط أسعار السيارات الجديدة فى مصر؟؟ بسبب الازمة المالية و\ أو حملة خليها تصدي ؟؟؟عموما أتمنى :10d5c8~1107:
عرض للطباعة
السلام عليكم يا شباب:
فى ملحق أهرام الجمعة 7-8-09 فيه اعلان عن الميجان: السعر يبدأ ب 105000 جنيه بس لفتر محدودة:
يا ترى دى بدايه جديده لهبوط أسعار السيارات الجديدة فى مصر؟؟ بسبب الازمة المالية و\ أو حملة خليها تصدي ؟؟؟عموما أتمنى :10d5c8~1107:
كمان فيات الجراند بونتو اللي كانت بــ ٩٠ بقت ب ٨٥٩٠٠ ... وكمان البڤو واللينيا
بس أعتقد دي عشان إحنا في أخر السنة
دا تقفيل الموديل اللى فات + دخلة رمضان والكساد المصاحب ليها
مافيش امل فى الوكلا لو عاوزين يخفضوا كانوا خفضوا فى عز الازمه
للأسف الأسواق العالميه بدأت فى الإنتعاش و إ حنا ما إستفادناش اى حاجه من الازمه
ربنا يعوض علينا
أعتقد السبب هو ان من السنة الجاية كل الأوروبى حينزل 10% من جمركه يعنى حوالى 5% من اجمالى السعر فعايزين يخلصوا موديل السنة دى بسرعة قبل ما يضطروا ينزلوا فيه اكتر من كدة لو فضل للسنة اللى جاية ..
غير كدة الشكل الجديد نزل و شكله هينزا عندنا قريب ,,
بس الفيات هما العملوا تخفيضات جامدة اوى ,,
تخليوا البرافو الكانت ب150 بقت ب135
الغريب أننا في مصر عارفين و فاهمين كويس أن سوق السيارات لابد و أن يشهد كساد و ركود خاصة الفترة القادمة مع بداية شهر رمضان و دخول المدارس و الجامعات و لكننا نأبي أن نستفيد من كل ذلك و نسارع بشراء السيارات الجديدة
خلوها تصدي ي ي ي ي ي ي
يا جماعة تقريبا على شهر 9 موديلات 2010 هتبدأ تنزل فمين المستهلك الذكى اللى هيبقه ادامه عربية موديل 2010 و يروح يشترى نفس العربية موديل 2009 .... واضح ان الوكلاء بيحاولوا يجذبوا الناس عشان يلحقوا يبيعوا عربيات 2009 قبل ما 2010 تنزل
المشكلة بقه ان لو فيه عربيات 2009 اتبقت بعد نزول الموديلات الجديدة اللى هيه 2010 انا متوقع ان العربيات ديه هتبقه بسعر التراب و ساعتها الناس هتشترى موديل 2009. و الله اعلم
هتبا بسعر التراب
معتقدش...............
علي فكرة التراب بقي سعره غالي برضه و لا مابتسمعش عن المتر أبو 6000 جنيه
طول مافيه مشروع التاكسي الجديد و مشروع قانون تكهين الملاكي القديم يبقي ماتقلقش علي الوكلاء و التجار هايبيعوا عربياتهم موديل 2009 زي ماباعوا موديل 2008 قبل كده و بربح عالي كمان , و ربنا يخلي لهم حكومة رجال الاعمال و يجعله عامر
الوكيل كداب سعادتكاقتباس:
علي فكرة انا سالت التوكيل قالولي ان الاسعار الجديدة للميجان لموديلات 2010
بصراحه تخفيض جامد جدا
مفيش ميجان 2010 الشكل القديم
حضرتك دا جر رجل و السلام
حضرتك روح كدا و شوف اى عربية منهم و شوف الvin plate
ودا موضوع بيوضح ازاى
http://www.nilemotors.net/Nile/showthread.php?t=74946
العرض فعلا على موديلات 2009
يقلك 2010 يقلك 2015 براحته
انت لو اتصلت باى وكيل وقلتله انا عاوز عربيه جديده بـ 20.000 هيقلك اتفضل ياباشا تعالى واحنا نظبطهالك
ولما تروح هتلاقى الواقع بقى
محدش بيصد من على التليفون - امال الزباين هاتتشد ازاى
الازمه بدأت تنفك بره واحنا اللى اخدنا المقلب بسبب حكومة رجال الاعمال
منحنى الأسعار بوجه عام بدأ يرجع لفوق بره
واحنا ضاعت علينا الفرصه خلاص ماهما بيبيعوا تاكس وقريب ملاكى وميكروباص بدل التكهين هينزلوا الاسعار ليه ... ما يتحرق الزبون مادام فى سوق بديل
انا بشتغل فى الاستيراد فى احد الشركات التجاريه وهقلكم على الموقف اللى فى السوق
لما الازمه وصلت لقمتها والطلب قل بره وجوه .... كل السوق كان عارف ان الزبون هيرجع يطلب تانى مع بداية النص التانى من السنه ....لانه ممكن يبطل يطلب دلوقتى لكن الحاجه الشرائيه اللى قدر يسكتها دلوقتى هتفوق تانى فى فترة من 6 - 9 شهور "الكلام دا كان فى شهر 10 تقريبا السنه اللى فاتت
فلما الموردين بره بدؤا يصرخوا من الكساد وقلة الطلبيات لانهم اتأثروا بجد برا ..... بدأنا احنا كوكلاء ومستوردين نضغط على النقطه دى ونولول مع الموردين ونصرخ احنا كمان من قلة الطلب ... مع العلم ان الطلب فى مصر ما اتأثرش ولو بـ 5% من اللى اتأثر بيه السوق بره
ماعلينا المهم الضغط دا وصلنا لخصومات لم ولن تحدث وتسهيلات فى الدفع وحاجات فى علم الاستيراد تساوى الاف اليوروهات فكل المستوردين تقريبا عملوا طلبيات بضعف حجم الطلب فى الفترة المماثلة من السنه اللى قبلها
طبعا حجم الطلب دا كان على امل ان البضاعه على ماتتصنع وتوصل وتبدأ تنزل السوق هنكون على اخر شهر 4 اول شهر 5 يعنى شهر بالكتير ويرجع الطلب ينتعش وابيع ابو قرش بـ1000 قرش
حصل لغبطه شويه ان عودة الطلب اتأخرت حوالى من شهر لـ شهرين حسب نوع المنتج فادى الى ان بعض المستوردين نزلوا تخفيضات قد تكون ملحوظه عشان خايفين يركنوا فلوسهم اكتر من كدا
فلو طبقنا الموضوع دا على العربيات هنلاقى ان الوكلا الللى موردينهم منزلين موديل 2010 بشكل مختلف ظاهريا هما اكتر ناس خدوا المقلب عشان عاوزين يبيعوها بدرى بدرى قبل الموديل الجديد ما ينزل
المهم ان الازمه عالميا للأسف على ابواب الانفراج والطلب فى مصر لم يتأثر كثيرا وعالميا بدأ يرجع سعر اليورو والدولار فى ذياده فى آخر شهرين .... المهم ان المستهلك هو الوحيد اللى اخد المقلب وشربوا لاخره والبطل الاساسى فى انقاذ حيتان السيارات فى مصر هو مشروع احلال التاكسى
اسف جدا للإطاله بس حسيت ان فى بعض الناس عايشه فى كلام الكتاب والجرايد وبعيده عن ارض الواقع
اللهم ما ارحمنا