استفسار عن العلاية مع التكييف

**romeio** · 08-08-2009 05:10 PM

سلام عليكم .. انا من يومين ركبت تكييف ساندن فى الوكيل .. السياره شاهين موديل 91 . تقفيل تركى 1600 سى سى..
تكلف 2500 فى عرض من الشركه + 50 جنيه ثمن مفتاح مروحه ثلاثى بدل الثنائى اللى راكب .
بس مركبوش هيدر على الكاربيراتير . هل المفروض اركبه؟؟ .
و سعره فى حدود كام؟؟ عندهم ب 250 بس انا مكنتش اعرف عنه الا بعد ما مشيت .

**romeio** · 08-08-2009 08:43 PM

يا ريت حد يخدمنى فى قصه الهيدر دى .. انا تايه .. و كمان لو تقولولى فين اركب سنتر لوك و زجاج كهرباء فى القاهره و متوسط السعرزز و جزاكم الله خيرا

**M.FOUAD** · 08-08-2009 08:50 PM

هو مادام العربية مبتبطلش مع التكييف و سحبها معقول يبقى مش لازم لكن هو بينزل طبيعي في كل العربيات ثمنة في الهيونداي 100 جية معرفش هل هيختلف في الشاهين و لا لا

**M.FOUAD** · 08-08-2009 08:52 PM

بالنسبة للسنتر لو عايزة بريموت يبقى لازم تركب انذار و احسن نوع هو وولف اعتقد معرفش سعرة كام بالضيط دلوقتي لكن هو في حدود 250 جنية
الزجاج اشتري مكن استيراد احسن من الوكالة او الحرفيين المكنتين بيعملوا 120 جنية تقريبا و التركيب على حسب الاتفاق

**romeio** · 08-08-2009 09:01 PM

جزاك الله خيرا على المعلومات القيمه

**amrbakly** · 12-08-2009 04:45 AM

بص يا ريس و عن تجربة

ركب العلاية دية بأي تمن

فعلا بتفرق مووووووووت في السحب و كمان مبتخليش العربية تفصل خالص و انت مشغل التكييف، يمكن انا مكبر قيمتها علشان ماتوري صغير، بس فعلا بتفرق كتير في السحب و الطلعة تحديدا علي الأول في الزحمة و كمان بتفرق ان في الوقفة بتخلي التكييف شغال علي الحد الأدني