MaZDA 3 > <HonDa CiviC

**aly_hosny** · 14-08-2009 08:37 PM

المشاركة الأصلية كتبت بواسطة justs

حطيت ايه بقه في السيفيك يخليها زي المازدا ....
ركبت نظام كي ليس ، ولا ، حساسات نور ومطر ، ولا فتحت سقف ، ولا ايه ولا ايه ...

وهل هتكون زي ما تنزل في العربية وياباني 100% صناعة وتقفيل ( يعني اعلى جودة في العالم في الألكترونيات وما يتعلق بالتكنولوجيا )

ايه يعني اللي انت شايفه فارق .. مترين السيفيك ممكن تسبقهم على سرعة 180 ، انت شايف بقه ان المترين دول اهم من كل التكنولوجيا اللي في المازدا ؟؟؟؟؟؟ !!!!!!!!

من الآخر الجودة في الأتنين مقتربة وان كان في تفوق لصالح مازدا سواء بتقرير whatcar او حتى بالعين المجردة ، والمقارنة بينهم ظلم للسيفيك لأن وكيلها رافع في سعرها قوي على الفاضي ... انما المازدا تعتبر افضل قيمة مقابل السعر في مصر ... ومن الآخر اللي فارق معاه المترين فرق على 180 كم/ساعة يجيب سيفيك ، اللي فارق معاه كل حاجة تانية في العربية ، يجيب مازدا ..

دي الخلاصة .. ورزقي على الله

انا معاك في حتة الكماليات دي
وكمان في الشكل المازدا احلى بكتير وكشافتها نزلة عدسات وسموك وكلام عالي اوي
بس السيفيك عليها موتور بجد اختراع
اصل انا جربته بس هو تقريبا كان مركب فلتر وشوية حاجات عليه بس حاجات بسيطة
بس بجد حاجة جامدة اخر حاجة
مش معنى كدا ان موتور المازدا وحش
لا هو حلو بس السيفيك احلى كتير

**SAMEH_FOUAD** · 19-08-2009 10:05 AM

انا ركبت المازدا الجديدة 2010 امبارح السيارة شكلها من برة وهم ,ومن جوة خامات زفت ,وضيقة جدا جدا جدا جدا لدرجة غريبة ,والله حرام اللى بتعملة الشركات دة ,دة استهتار بالناس ,انها بتعمل سيارات من برة حلوة وشكل جامد وبيقللوا كفاءة السيارة وخاماتها وتقفيلها عن اللى قبلها ,

**bishoy02010** · 19-08-2009 08:37 PM

سيفيك طبعاااااااا

**PoweRPassioN** · 19-08-2009 08:45 PM

أيه التوتر اللي انتم عاملينوا دا
اللي عايز سيفيك يشتري
والي عاجباه المازدا الكامله .. الله يبارك له

والله ما مستاهله العمليه الجدل دا كله

لولا اختلاف الاذواق لبارت السيفيك ..

**Eng.Sameh** · 20-08-2009 01:07 AM

المشاركة الأصلية كتبت بواسطة hlmnz

استفسار: حضرتك بتتكلم عن علم ورؤيه ولا مجرد دفاع وخلاص؟ متهيالي التانيه ليه؟؟

1- مين قال ان الكماليات والاكسسوارات اللي في المازدا والهوندا ياباني؟؟ تصحيح كاسيتها صيني ميه في الميه وانا المسئول عن الكلام ده لانه حصل امام عيني

2- انت فاكرالحاجات اللي مركبه في السيفيك خلتها زي المازدا؟؟؟ حضرتك طيب اوي انا مركب حاجات مش موجود في بي ام نفسها زي كاميرا اماميه بتشتغل في اي وقت انا عاوزه من الكاسيت dvd

3- مين اللي اقنع حضرتك ان الحاجات اللي بتنزل مع العربيه هي الافضل والاحسن ؟؟؟ واضح انك طيب اوي اوي اوي اما التعديل اللي في العالم للعربيات اتعمل ليه

4- مشكله البلد ديه ان الناس بتشترى العربيه علشان الاكسسوارات مش المواتير وده واضح جدا في الشارع في انواع العربيات الماشيه المشكله مش ان الشركات تعمل بودي او اكسسوارات او فتحه سقف المشكله تعمل موتوووووووووووووووووووووو ووووووووووووووووووووووووو وووووووووووووووور

لأ مش التانية ... بتكلم عن علم ومش بتكلم بتحيز وخلاص ولا بقلب الباطل حق ولا فرحان بكام حصان وسايب كل حاجة تانية في العربية !!!! لأني امتلك المازدا3 وليه صديق في الشغل يمتلك السيفيك .

1 - بالنسبة لكاسيت السيفيك .. بصراحة معرفش اذا كان صيني ولا لأ .. انما لو قصدك على المازدا .. يبقى سامحنى ده كلام فاضي وفتي .. ومعتقدش انك حد ليه علاقة بالشركة المصنعة عشان تكون اهل انك تقول مسئول عن الكلام ده.

2 ، 3 - طبعا انا بشكرك انك وصفتني اني طيب .. ويا رب فعلا اكون كده ، اما بالنسبة للحجات اللي راكبة في المازدا فهي قطعا افضل من اللي راكبة في السفيك حتى الكاملة اللي فوق ال 170000 ، وأنا بتكلم على الأوريجينال اللي راكبة في العربية ، كونك بقه تعدل ولا تركب .. فممكن طبعا تجيب حجات زي اللي في مرسيدس وتركبها براحتك ، بص طبعا مش القصة بتاعة الكاميرا دي ( أنا بتكلم على حجات تانية خالص مينفعش اصلا تعملها زي الكي ليس ، وفتحة السقف وعارف انها بتتعمل بس عمرها ما هتكون زي الفتحة الأوريجينال ، وغيره وغيره ....الخ) ومش عارف انت مركب الكاميرا قدام ليه ولا انت مفيم الزجاج الأمامي دارك وبتمشي من الكاميرا ، انا عن نفسي مركبها ورا وبردو بتحكم فيها من ال DVD

4 - كل حاجة في العربية ليها قيمتها وليها اهميتها وحتى الكماليات والرفاهية لما تكون بجودة عالية بتكون متعة لوحدها والا روح هتلك موتور استيراد أو حتى جديد وسقطه على بودي عربية وعيش انت بقه مع الموتور ، وكمان اصلا التكنولوجي بتاع موتور المازدا VVT يعني لا تقل عن تكنولوجي موتور السيفيك ومشهودله بالكفائة في الدنيا كلها وكل فرق موتور السيفيك هو 15 ولا 17 حصان ، يعني مش فرق يستاهل اني انسى كل حاجة وامسك بس في الكام حصان دول اللي اصلا مش بيفرقو فرق يستاهل في الاداء الا مثلا بعد ال 180 كم/ساعة ، ده غير ان فتيس المازدا3 اعلى من فتيس السيفيك في الاداء والتكنولوجي ( يا راجل هو لسه فيه عربيات محترمة بتنزل بفتيس اوتوماتيك عادي )
عموما ...... ربنا يباركلك في الموتوووووووووووووووووووو ووووووووووووووووووووووووو ووووور

**hlmnz** · 20-08-2009 02:00 AM

المشاركة الأصلية كتبت بواسطة justs

( يا راجل هو لسه فيه عربيات محترمة بتنزل بفتيس اوتوماتيك عادي )

ليه انت فاكر السيفيك vti فتيس اوتوماتيك عادي!!!!!!!!!!!!!!

واضح جدا انك مركبتش خالص vti وواضح انك متعرفش ان فيها paddle shifter و فتحه سقف اصلا وواضح انت كمان متعرفش ان الفتيس بتاع vti هو الافضل في الياباني وهو سبب التفق الاساسي للسيفيك وواضح ان صحبك عنده سيفيك 2008 lxi وواضح انك مش قادر تفرق بين موديلات السيفيك

مش بقولك انك طيب وانت مش مصدقني

**kareemhisham** · 20-08-2009 02:23 AM

المشاركة الأصلية كتبت بواسطة hlmnz

ليه انت فاكر السيفيك vti فتيس اوتوماتيك عادي!!!!!!!!!!!!!!

واضح جدا انك مركبتش خالص vti وواضح انك متعرفش ان فيها paddle shifter و فتحه سقف اصلا وواضح انت كمان متعرفش ان الفتيس بتاع vti هو الافضل في الياباني وهو سبب التفق الاساسي للسيفيك وواضح ان صحبك عنده سيفيك 2008 lxi وواضح انك مش قادر تفرق بين موديلات السيفيك

مش بقولك انك طيب وانت مش مصدقني

هو حضرتك مش حاسس انك متحيز للسيفيك بطريقة غريبة ؟؟!!

انا اول مرة اشوف حد متحيز لعربية بالشكل دة ؟؟!!

ممكن تقولى عيوب السيفيك ايه ؟؟ عشان اكيد كل عربية و فيها عيوب .... ولا السيفيك مافيهاش ؟؟

**hlmnz** · 20-08-2009 02:59 AM

المشاركة الأصلية كتبت بواسطة kareemhisham

هو حضرتك مش حاسس انك متحيز للسيفيك بطريقة غريبة ؟؟!!

انا اول مرة اشوف حد متحيز لعربية بالشكل دة ؟؟!!

ممكن تقولى عيوب السيفيك ايه ؟؟ عشان اكيد كل عربية و فيها عيوب .... ولا السيفيك مافيهاش ؟؟

عيب السيفيك الوحيد تيل الفرامل لا غير نوعيته سيئه جدا وده هيخليني اجيب كيت brembo كامل ان شاء الله

وبعدين انا مش متحيز لاي عربيه مشكلتي اني متحيز للمواتير الصح مش اكتر يعني مثلا انا ركبت في الخليج من 4شهور nissan gtr مع احترامي تتفوق على البورش 911 اللي عملتها test drive من سنه ليه؟؟ الموتور وتجميعه المرعب وبعدين عاوز تضحك اكتر تمن السيفيك vti 2009 فل اقل من تمن دودج دورانجو 20 الف جنيه مصري في الكويت
مش بقلك الهوندا هي الصح يا مان وانا اسف على اي تجاوزات

**عبد الرحمن اسامه** · 20-08-2009 09:00 AM

الهوندا معروف عالميا انها احسن كان في مقارنة شوفتها بين في برنامج اجنبي مش فاكر اسمه بين سيفيك - مازدا ٣ - كورولا و كان الترتيب كالأتي

١- سيفيك
٢- مازدا
٣- كورولا

ممكن تعمل بحث عنه في اليوتيوب و تشوفه.

بس انا شخصيا بحب الكماليات الكتير فلو المازدا كمالياتها عجباك اكتر توكل علي الله.