صديقي محتار قلتله محدش هيحلهالك إلا رجالة منتدى نايل موتورز

**aboelnagah** · 13-08-2009 06:18 PM

ليا صديق محتار جدا بين الإسبيرانزا و شيفرولية لانوس و الفيرنا
هو كل اليي معاه حوالي 35 الف جنية و هيكمل الباقي من البنك (تقسيط يعني ) فهو عايزها في حدود السبعين الف جنية
هو عموما زهق من المستعمل وبقى مش بيطيق العربيات المستعمله أنا إقترحت علية النوبيرا 2007 مثلا وهي عاجباة جدا خاصة أنه له عائلة مكونة من 5 أفراد وقلتله الهيونداي نيو اكسنت حلوة برضو والفيرنا كويسة أنت جوة إسكندرية

لكن للأمانه هو هيبقى عنده مشكله لما يخرج يروح الساحل ولا القاهرة بطبيعة عملة لأنه بيجري بالعربية ومبيتريحش إلا فوق ال 100 كم/س
أنا خبرتي مش كبيرة لكن عندي امل كبير انكم تساعدوه في حل مشكلتة

**aly_hosny** · 13-08-2009 06:25 PM

انا رايي ان ده الترتيب
سبيرانزا
لانوس
فيرنا

بالذات لان صاحبك بيجري ف الفيرنا هتبقى في الضيياع بالنسباله خالص
انا معايا لانوس ومع صحبي سبيرانزا والاتنين جداد
اللانوس كويسة وثابتة الى حد ما ولو جاب جنوط بتبقى تمام اوي
الاسبيرانزا دي حكاية
كنت مبسوط اوي وانا سايقها وجبت 160 على طريق مش كويس الى حد ما وكانت زي الفل
عجبتني سواقتها اكتر من عربيتي
بس عربيتي عجباني برضو

**M.Osman** · 13-08-2009 07:05 PM

اعتقد لو زود و جاب اكسنت يكون افضل من دول كلهم..
غير كدا اعتقد الفيرنا و جنوط هتكون كويسة ليه و تستحمل

و ربنا يوفق

**tata12001** · 13-08-2009 07:25 PM

وهي مالها النوبيرا ؟ أنا شايف انها عربية محترمة ولو هو عايزها علشان الجري يبئة يجبهه مانيول علشان الجري

**Samah AbdAllah** · 13-08-2009 07:28 PM

هى النوبيرا افضل من لانوس بس معتقدش فى نوبيرا جديد

يبقا يجيب لانوس

**sasam6** · 14-08-2009 07:34 AM

لو بيحب الجرى يبقى الاسبرانزا من غير كلام واامنلو من الانوس والفيرنا
وياريت يؤرس على نفسو ويجيب النوبيرا يبقى عمل الصح

**E30power** · 22-08-2009 06:02 PM

الاسبرنزا ....لو حاجة باظت فيها يلا السلامة صعب جدا ترجع زى الاول وبصراحة تقفيلة فقير جداااااااااا بس موتورها بصرحة حلو ومش بيقول لا انا بتكلم على ال200 سسى انا معايا قريبى بيجيب بيها 190 مرتاااااااح وثبات وهمى .... بس مش بحبها لله فى لله علشان صينى ومش معمرة

الانوس معايا ما شاء الله عليها هيا مش بتعت جرى اوى بس بتسد معاك كتير ووزنها على اد موتورها يعنى حلو اووى عليها وموتورها لما تفتحة سرعة ماشاء الله تضرب الفيرنا بالجزمةةةة جرب شد مع فيرنا بعد 100 وانتا هتعرف يعنى اية لانوس...وثبتاها اكيد اعلى منالفيرنا وياسلام لو جنط ....

الفرينا موتور جباااااار على بودى خفيف ومفيش عوامل امان ولا ثبات .... يا فرحتى

انما النوبيرا ........لا غبار عليها ويعتبر اعلى فئة فيهم ثبات ومكنة ملهمش .......

النيو اكسنت تعديل بسيط للفيرنا مع اختلاف الشكل ....بس محترمة كتيرررررررر عن الفيرناااا فى الثبات

عائلية فى السعر دة ومعمرة وقطع غيارها فى السوبر ماركت يبقى النوبيرا ملهاش منافس زى ما الاستاذ تميون نصحك

شبابى وجرى وسرعات وتجميع فى السعر دة تبقى الجيتز احسن اختيار.....زوكل سنةوانتوا طيبين

**Ghost2** · 22-08-2009 07:11 PM

بصانا هقولك حاجة .. موتور النوبيرا حلو لو مانيوال ..والعربية كويسة وعملية الا ان صاجها ضعيف ودي مشكلة هتقابلة لو ساكن في مكان زحمة .. غير ان ارتفاعها متوسط مش عالي اوي ولا واطي اوي .. بس انا ليا راي تاني ... انا شايف انه بيسافر وعايز كماليات .. لو صاحبك بيحافظ على العربية اللي بيركبها يشتري بريليانس frv >> دي هتكون عاملة في حدود السبعينات .. عربية حلوة وناس كتير شكرت فيها .. والبلدي على قد لحافك مد رجليك ,, هو حاطط رينج معين يتعامل على اساسة وياخد اقصى قدر من الكماليات والرفاهيه

-

الموضوع: صديقي محتار قلتله محدش هيحلهالك إلا رجالة منتدى نايل موتورز

LinkBack

أدوات الموضوع

عرض

صديقي محتار قلتله محدش هيحلهالك إلا رجالة منتدى نايل موتورز - انشر الموضوع فى :

-

-

-

المواضيع المتشابهه

ايه حقيقه اللى بيحصل بين منتدى نايل موتورز و منتدى....* موتورز بالظبط؟

الى ابطال منتدى نايل موتورز

نايل موتورز منتدى محترم

شكرا منتدى نايل موتورز

منتدى نايل موتورز ومشاكلك

الكلمات الدلالية لهذا الموضوع

المفضلات

المفضلات

ضوابط المشاركة