موبينيل 15 قرش لكل الناس عرض دائم خط الكل وبقى فيه امكانية التحويل من باقى الأنظمة للنظام دة.
عرض للطباعة
موبينيل 15 قرش لكل الناس عرض دائم خط الكل وبقى فيه امكانية التحويل من باقى الأنظمة للنظام دة.
نظام ال19 قرش لاي شبكة أو أرضي
الرسالة ب 29 قرش
الاستعلام عن الرصيد 868 بـ 29 قرش
خدمة العملاء 888 بـ 50 قرش للمكالمة
للاشتراك كلم 880 مجانا وتكلفة الاشتراك 99 قرش
عرض فودافون في رمضان لمشتركي تظام الـ 19 قرش اتصل بـ #1519* وتمتع بسعر 15 قرش للدقيقه لاي شبكه او ارضي في اي وقت حتي اخر رمضان (تكلفة الاشتراك 10 قروش)
متهيالي مفيش بعد كده
وبكرر تاني فودافون كده عملت الي عليها وزياده
ويا جماعه حد يعمل موضوع علشان باقي الناس تعرف
A.Yakout
يبقى كدا فودافون و أتصالات أحسن شبكتين في مصر
خدمة ممتازة + أسعار معقولة جدا .....
مش هاضم موبينيل خالص .......
بصراحه يا استاذ توت مش متفق مع حضرتك في موضوع ان اتصالات ليها خدمه كويسه
ممكن شبكه كويسه لاكن خدمه وتحديدا خدمة العملا
ومن واقع خبره معاهم مش نقل كلام علي لسان حد
خدمة العملا اي كلام وبيعتبرو ان المتصل بيهم ده بياع خضار وبيقولو اي اعذار في الهوا مفيش بني ادم عاقل يصدقها
ودي تجربتي تحديدا
كنت عايز احول 80 جنيه رصيد
المهم روحت لسنترال في الشارع عادي قالي هبعتلك 50 في 30 علشان 80 متنفعش علي بعض
قلتله مفيش مشاكل
فعلا لاقيت رساله وصلتني بالـ 50 بس بعد كده مفيش رسايل باي مبلغ تاني
روحت مستعلم عن الرصيد لاقيته زاد بالـ 50 بس
والراجل بيقولي حولتلك الـ 30 التانيه ومتاكد انه حولها والمشكله اني انا كمان متاكد لاني انا الي كاتب رقمي بايدي وشايف موضوع التجويل من اوله لاخره
قلتله انا هكلم خدمة العملا من خط التحويل ده والراجل طلع ذوق وقالي اتفضل
كلمت خدمة العملا والمفاجاه يقولي اتحول للخط رقم كذا كذا الي هوا رقمي يعني 50 في 30 فعلا
بس الـ 30 اتبعتت في لحظه كنا بنعمل للسيرفر رسيت reset والرصيد لسا متعلق في الشركه واستني 24 ساعه وهينزل للخط ومفيش مشاكل وبتاع ومن البحر طحينه وزي الفل
قلتله اديني تكت نمبر للمشكله
في الاول قالي مش محتاجه تكت نمبر والكلام ده قلتله انا بقولك اديني تكت نمبر
المهم اداني تكت نمبر وتاني يوم كلمتهم لسا الرصيد متعلق وهنقدم طلب لبتوع المبيعات ولا ايه مش عارف
وبقي كده معايا رقمين رقم التكت نمبر ورقم الطلب
سبتهم تلات تيام والمفاجاه بعد كده الرصيد الي كان متعلق في حسابك اتسحب منك لانه مر عليه اسبوع ومحدش اهتم بيه
قلتلهم طيب والتكت نمبر الي معايا ورقم الطلب الي قدمته ده يبقي ايه مش اهتمام يعني؟؟
قالي ده الي قدامي يا فندم
سلام عليكم وعليكم السلام ويعوض عليا في باقي الـ 80 جنيه وان الله يحب المحسنين
مشكله مشابهه مع فودافون وهقولكم الي حصل فيها بس بعد شويه
A.Yakout
دايما لما الواحد بيقابل مشكلة بيعتبر أن الخدمة مش كويسة
بس أنا أتعلمت حاجة و هي أن عُمري ما هاحصل على خدمة 100 % من أي شركة في العالم ( عن خبرة مع شركات أوروبية )
و لكن أجمالا ...... أتصالات خدمتهم كويسة جدا ..... و كذلك فودافون ....
و خبرتي مع موبينيل ............................. أنها شركة أي كلام من ناحية خدمة العملاء و بيهتموا بزيادة عدد المشتركين بدون دعم حقيقي للهارد وير بتاع الشركة و بالتالي دائما الخدمة نفهسا أي كلام .
بالظبط ...... عمر ما شركة هترضي كل الناس
بالاضافة الى ان الشركة - اي شركة - فيها فريق ضخم لخدمة العملاء
بالمئات و الالاف
غلطة فردية ما تعيبش الشركة كلها
بس اما تبقى ثقافة فريق العمل بالكامل غلط دي مصيبة
فودافون محترمين فى حكاية رد فلوس العملاء
1- مرة عملت دوان لود للعبة من موبايلي من فودافون لايف ب 15 ج , الموبايل هنج , فقمت بإعادة المحاولة هنج تانى وتالت وفوجئت بخصم 45 ج ثمن 3 مرات داون لود , كلمت خدمة العملاء وردوا لى ال 30 ج الزيادة خلال 24 ساعة
2- مرة حاولت شراء فترة صلاحية ب 20 للسنة واتصلت 858 عشان عملية الشراء وبعد اتباع الخطوات سمعت ( لا يمكن أخذ المكالمة ) وأعدت المحاولة مرتين وفوجئت بخصم 40 جنية من الرصيد وسنتين صلاحية , كلمت خدمة العملاء وارسلت اى ميل لهم ردوا الى مبلغ 20 جنيه وخفضوا لى الصلاحية لسنة كما كنت ارغب فى 24 ساعة وارسلوا لى ميل بذلك
اتصل ب442
لكن المفروض ممثل خدمة العملاء واجهة للشركة و المفروض بكون على اعلى مستوى
دا حتى لما بيحصل و احد العملاء لا مؤاخذة بيشتم ممثل خدمة العملاء.. هو مش بيكون قاصد يشتمه هو شخصياً ... بل يقصد شركته (بغض النظر)
رأيي في خدمة العملاء في فودافون .. تمام
إتصالات ... تمام برضه (لكن اول ما اتصلات نزلت كانوا وحشين جداً)