تجربة شاقة بالبيجو 405

**Nour_Peugeot** · 10-08-2009 11:49 PM

السلام عليكم يا رجالتنا

هحكي تجربه قمت بيها يوم 18/7/2009 و لمده اسبوع كامل و يوم حتي 24/7/2009

بس نسيت اهم حاجه اني اصور

مقتتفات سريعه عن الرحلة :-

الحكايه و ما فيها اني سافرت بالعربيه معا العائله الي بلدنا ( سوهاج )
و قدينا فيها يومين بليلهم و من سوهاج الي مرسي مطروح بدون ترانزيت في القاهره

و طبعا العربيه محمله كامل و انا و ولدي بنبدل في السواقه و العربيه قطعت مسافه كبيره اووي في الفتره دي كتر خيرها

نبدا بقي كفايه كده

الاستعدادات قبل السفر :-

1- تغيير زيت
2- تنضيف كلبرتير ( عملته بنفسي بالكامل )
3- تضبيط هواء الكاوتش
4- تاكيد علي السيور كلها و علي العربيه شامله و علي مياه الرديتير
5- فولنا التنك
6- طربيت عفشه
بس اكتشفنا ان العربيه عيزه جوان كرتيره بس قلنا لما نرجع كان تسريب بسيط بس كده

بدايه السفر :-

العائله الكريمه حسستني اننا مهجرين مش مسفرين سفريه سريعه و مصيف

عموما العربيه الشنطه اتملت تماما و كان في شويه حجات معانا جوه بس دي لزوم السفر بقي اكل و طرمس شاي و كده

طبعا احنا 4.5 اشخاص

والدي و والدتي و انا و اخيه الاوسط و اخويه الاصغر 11 سنه بس يتحسب نص

بدانا التحرك الساعه 6.5 صباحا و احنا اتحركنا من هنا و انا بدات نوم هههههههههه

نمت حوالي ثالت ساعات صحيت لقيت نفسنا لسه نقصلنا حوالي 300 كم علي سوهاج بامانه انا مكنتش عارف اي الطريق ده بس كان طريق نضيف نوعا ما والدي مثبت 100 كم عشان الردار

وصلنا سوهاج الساعه 1.30 ظهرا في عز الشمس و ما ادراكم اشلمس هناك نار غير طبيعيه

عموما قدينا يومين و ليله سريعه كده بس بامانه ماكلتش اكل في حياتي بالطريقة دي اكل طبيعي و ليه طعم بجد غريب بس كل اكلهم صحي فعلا استمتعت بالرحله دي

و الساعه 1 صباحا تاني يوم بدانا التحرك بدون توثف من سوهاج الي مرسي مطروح

و رجعنا القاهره الساعه 7 صباحا و معا دخلنا القاهره وادلي كنا جبنا حجات من سوهاج زياده فنزلنا بيتنا حطينا الحجات الزيادي دي بظبت 10 دقائق كنا متحركين تاني و احنا بنتحرك دخلنا البنزينه و فولنا العربيه و احنا لنفول قولت نشوف العربيه استهلكها اد ايه

و رحت مصفر عداد الرحلات معا بدايه خرجنا من البنزينه ( البنزينه في مدينه نصر )

اتحركنا و اخدنا كوبري اكتوبر و من كوبري اكتوبر 26 يوليو الي المحور ثم الي طريق الاسكندريه و الطريق كان واقف خالص في 26 يوليو ضيعنا في القاهره حوالي ساعه كامله

بدانا طريق الاسكندريه و السرعه مبين 100-120 كم و مفيش ردار خالص في طريق الاسكندرية

وصلنا الي الكيلو 100 و اخدنا طريق وادي النطرون - العالمين

طريق بجدا تحفه تجري فيه برحتك بس فيه رادار في او 25 كيلو من الطريق بس اجنا عرفين مكانه

و احنا لنعدي كان الردار لسه بيتنصب حظنا بقي

و من بعد الردار فتحنا نوعا ما ال سرعه مبين 120-140 كم

و في نص الطريق ريحنا شويه و شربنا شاء قعدنا حوالي 20 دقيقة لننا كنا ملينا بقي و كملت انا سواقه الي نهايه الطريق ( العالمبن ) بس انا زودت السرعه شويه وصلت ال 150كم و ثبت عليها حوالي 60 كيلو و معا بدايه الطريق الساحلي من العالمين و مطروح و انوار العربيات الجيه في المعاكس بدات ( يا حلاوه ردار ) و السرعه شويه يكتبو علي اللوحات انها 100 و بعديها ب 50 متر تلاقي السرعة مكتوب انها 90 هههههه

عموما رحت ركنت و خليت والدي يكمل سواقه عشان الرخصه و عيدنا الردار الاول بسلام بدون اي حاجه

بعيدها بشويه حوال 100 كم بدات انوار السيارات تشتغل تاني ردار تاني هههههههههههه

احنا كده كده كنا مثبتين 90 كم/س

عدينا الردار و شفنا الارجل البيصور و كان واضح اوووي غبي بقي

وصلنا الي نهايه الطريق و معا مدخل المدينه ( مرسي مطروح )

ردار تاني تانيه ايه ثالث بس كانت السرعه 60 و احنا كنا معدين السرعه بس محدش وقفنا

و صولنا بالسلامه لاكتر مدينة في جمهورية مصر العربيه بعشقها كنا هناك الساعه 12:45 ظهرا

بجد معا دخولك المدينه تحث انك داخل في متحف من الجمال من حيث كل حاجه

و المرور هناك مبتفهمش و مشددين جدا علي الحزامو احترام الاشارات و الكل هناك ساواسيه و دي حاجه تفرح فعلا

انا مصور شويه صور لشويه اماكن هناك

**Nour_Peugeot** · 10-08-2009 11:49 PM

عموما قضدينا 6 ايام ممتعه فعلا و لفينا مرسي مطروح من الالف للياء و دي سابع مره نروح فيها مرسي مطرووح

في ثاني يوم وادي راح البنزينه عشان نفول العربيه عشان نتحرك بحرية اكتر و التنك كان لسه فيه اقل من النصف حاجه بسيطه اووووي

العربيه اخدت 39 لتر بظبت للنهايه الزوور و كانت مشيت 576 كيلو ب 39 لتر

يعني بمعدل 280 كم تقريبا في الصفيحة مع التكييف

اعتقد انه معدل كويس جدا علي السرعه دي و علي عربيه كلبرتير و موديل قديم ( ما شاء الله )

عموما عديت الايام يسرعة اوووووووي

و جت ليله الرجوع لمصر

و انا بعمل تشك علي العربيه قبل السفر و بربط كل حاجه من تاني

و هوووووووووووووووووووووووو وووووب تقيلت زياده علي الكويل الحديد الماسك المنظم (فلتر الكلبرتير ) بتاع البنزين و المنظم اتكسر

الساعه 10 مساء مش هلاقي حد خالص اعمل ايه

رحت اشتريت اللحام الحديدي ده و عملت بيه المنظم و المنظم بيخر برده ايه العمل فضيلت افكر

دورتها في دماغي كده و هو ان المنظم فيته انه بيرجع البنزين الزياده للتنك

طيب انا ما الغي المنظم خالص

و قد كان لغيت المنظم و قولت ابطئ سرعة البنزين نسبيا رحت مركب فلتر بنزين تاني

و وصلته علطول علي الكلبرتير و قفلت خرطوم الرجع بتاع التنك

فاولدي خاف لا يحصل حاجه فقرر اننا نسافر الصبح

يوم 24/7/2009 الاحد تقريبا

الساعه 10 قبل ما نتحرك رحنا لبتاع كوتش قلل ضغط الكاوتش عشان كان مليان زياده

طبعنا علي الطريق 10:15 و مجرد متحركنا لجنه الرخص

شافو الرخص و تمام التمام و قلنا توصلو بالسلامه و مشنا

ثبتنا سرعه 120-130 طول الطريق لغيت مصر مكنش في ردارات خالص باستتناء الموجود في نهايه طريق ( العالمين - وادي النطرون )

وصلنا مصر و فولنا تاني عملت553 كم في الصفيحه مع التكييف ممكن الاستهلاك زاد بسبب المنظم

و انتهيت الرحله علي كده بس كانت رحله شاقه

العربيه قطعت مسافه 2435 كم من لحظه تغير الزيت الي العوده لغيت البيت في مصر في اسبوع واحد بس

استهلاك البنزين متراوح من 270-280 كم في الصفيحة مع تشغل التكيف طوال السفريه

بس الحمد العربيه اثبتت اعتماديه عاليه و انا كنت واخد العده كلها عشان كنت شبه متاكد ان هتحصل مشكله في العربيه

و لغيت وقتنا هذا معملتش حاجه في العربيه خالص الي اني جيبت منظم ب 10 جنيه و ركبته و شكرا علي كده

المشاكل الظهرت بقي بعد العوده :-

1- ان الزيت قل نسبيا بسبب جوان الكرتيره

2-العربيه محتاجه تغير تيل فرامل امامي

3-تغير زيت و فلتر زيت

بس العربيه رجعت من السفريه دي علي البنزينه عدل هههههههه

و اتغسلت غسله تحلف بيها طول عمرها ههههههههه

و الحمد لله البيجو 405 اثبتت جداره بعد 19 سنه في خدمه الشعب المصري

**محمد ابراهيم 1** · 11-08-2009 02:28 AM

الحمد لله على سلامتك

وبيجو 405 عربية ممتازة ولا شك وأتوقع أن تحتل البارس مكانها بجدارة للتشابة الشديد فيما بينهما ولكون البارس هى عبارة عن 405 معدلة

**the-hero** · 11-08-2009 03:01 AM

405 برضى فرنساوى على قديموا
اصلة. عرقة .وجاهة. شياكة .تحمل .اعتمادية
ماشاء الله بجد مش لاقى بديل ليها حبيبة قلبى
الف شكر يانور موضوع هايل
احنا عرفين الموضوع ده عشان أتحكا فى المقابلة