محدش يقول منتدى لادا نايم اى حد عندوا مشكلة فى لادا يضعها هنا وان شاء الله تتحل على يد العبد لله
عرض للطباعة
محدش يقول منتدى لادا نايم اى حد عندوا مشكلة فى لادا يضعها هنا وان شاء الله تتحل على يد العبد لله
انا عندى العربيه بتغيب فى الدوار ولما تدور بعد كذا تكه مارش
عشان بعديها يطلع عادم اسود وفيه اكل فى البنزين جامد
وتهريب شحن البطاريه هيا 2105 موديل 1993
ياريت الرد بهل اجيب كاربرتير جديد ولا ايه
معايا لادا سمارة فيه مشكلة فى الكهرباء اما المروحة تشتغل بتسخن فيوز ويضرب اجيب واحد تانى يعمل نفس القصة يبقى الوحده الكهرباء كلها باظت والا اركب كتاوت تانية فوقيها
شكرا ياباشا وانا باخد خبره من المنتدى هنا معاكم وكان عندى شويه خبره بسيطه من العربيه القديمه ال 127
ان شاء الله انا معاك فى الى اعرفه او الى حصل معايه قبل كده غير كده لو مش عارف مش هتكلم على شان معرفش
بس كل الفكره انى كان نفسى فى موضوع بيتكلم عن لادا او حتى ناس تتكلم عنها على شان كده انا جيت رخمت عليكم:biggrin2:
حبيبى يا حج عبده
موضوع جميل و مميز عاشت الايادى
تقبل مرورى اخوك هيثم
انا عايز اغير عفشة كاملة تقريبا يعني مساعدين و سوست خلفية و بارات دركسيون و فبر مناول ممكن اعرف ايه احسن انواع قطع الغيار دي و أسعارها التقريبية علما بأني العربية لادا 2105 موديل 1995
بص المساعدين فى نوع المانى اسمو مونرو تقربيا هو غالى بس كويس والسوست لو تقدر تجيب سوست عالية علشان لادا بتهبط بسرعة زى سوست البيجو كدا اما الاسعار
المساعدين 150 جينة - السوست 120 جينة - البارات 150 جينة ( دا البارات كاملة بالبيضات ) فبرمناول 5 جينة بس عايز منك طلب هبعت لك واقول لك علية على الخاص والاسعار دى تقبية من السوق
السلام عليكم :- انا عندى لاد2107 موديل 2008 المشكلة عندما اتحرك بيها على الاول بسمع صوت تصفير
لسلام عليكم .أريد حلا لهذة المشاكل
1- العربية ( لادا 2107 موديل 84 )بتسخن جامد وعداد الحرارة بيرفع بشدة بعد 5 كم ويثبت على هذا الحال لغاية ما أخلص مشاويري بعد ساعة أو ساعتين. سلكت الرادياتير أكثر من مرة وبغير المية كل عشرة أيام أرجو ذكر الأسباب المحتملة والحلول لهذة المشكلة جازاك الله خيرا.
2- وكيف أعرف أن هناك مشكلة ما بها أذكر لي بعض الأعراض مثلا .
3_ أرجو بعض النصائح السريع للحفاظ على موتور السيارة لادا وعفشتها
حذاري ثم حذاري من استخدام سوست البيجو في العربية الادا لأنها ناشفة جدا وهتضيع العربية في أقل من شهر وهذا عن تجربة شخصية .أحسن حاجة استعمل سوست فيات 131 وهي نوعين هات النوع الأغلى شوية سوف تحتاج تقص منه شوية عشان هو عالي
السلام عليكم جميعا انا لاعندى لادا 2107 موديل 2006 عملتلها تعديل مروحه على سير بدلا من المروحه الكهرباء لكثرة اعطالها هل ده صح ولا غلط وفين عنوان التوكيل بالظبط وارف ازاى انها مصرى ولا روسى و شكرا
انا بفكر اشتري لادا 2107زيرو .. بس تكون روسي . كم يكون سعرها و في اي معرض موجودة. ياريت العنوان .. وكل عام وأنتم بحير...
السلام عليكم
انا معايا لادا 2105 موديل 83 المهم انا كنت ماشى الصبح بيها ومره واحده وانا ماشى وواخد سرعتى راحت طفت منى بعد ما وقفت حاولت اشغل فيها مش راضيه تدور خالص
المارش شغال ولما فتحت الكبود ودورت تانى لقيت سير الكاتينه مش بيلف وانا بدور العربيه بصيت عليه لقيته فى مكانه ومش مقطوع
حد يفيدنى ارجوكم
المشكلة دواسة البنزين من لمسة تحس انك جبت أحر الدواسة في اي عربية تانية ودة بيخالى العربية تتنتش المشكلة بتبان في بين الغيرات اللمسة بعد تغير الغيار بتسحب جامد تحس لن واحد داس لأخر الدواسة هل كل اللادا 2105 كدة ولا اية الموديل 85 ياريت اعرف كل اللادا كدة ولا دة مشكلة عندة ويارت حل وشكرااااا
ممكن حد ينصحنى اشترى استبن منين و بكام (جديد أو مستعمل) لأن الأستبن لادا 2107 موديل 2009 اتسرق, و هل يركب جنط الموديلات القديمة على هذا الموديل؟ و ياريت حد يقولى أعمل ايه علشان الشنطة ما تتفتحش تانى, يعنى أركب جهاز انذار؟ فين و بكام؟ و لا ممكن أعمل صامولة تربط الأستبن بحيث يحتاج وقت أطول من الحرامى لفكه؟ حد جربها ممكن يدلنى؟ اعذرونى يا جماعة انا جاهلة خالص بالأمور دى مع انى( كلام فى سركم) فوق الاربعين
انا لسه شارى لادا جديده ممكن تنصحونى نصيحه لله وايه هيه احلى انواع السماعات:shine[1]::shine[1]::shine[1]:
عايز اخلى الموتور ملوش صوت زى العربيات الجديده ينفع ولو ينفع منين وبكام
عندى لادا 2105 موديل 94 الدركسيون بتاعها تاعبنى
والعفشجى بيقول العلبة عايزة تتغير فكرت اركب بدل العلبة أسكترة
بس ناس كتير وصنايعية خوفونى منها
انا عايز اخد رأيكم فى مزايا الاسكترة وعيوبها
وهل اركبها ولا اركب علبة احسن ولو ركبتها حتتكلف تقريا كام ؟؟؟؟
ولكم الشكر
انا عندى العربية بتعمل350 كيلو فى التنك كله وبتجيب ال120 بالعفية يعنى دواسة البنزين على الاخر هى لادا 2105 روسى 1300 سىسى عوزها تجيب اكتر من كدة عشان بمل على الصحراوى وانا مسافر هل كدة كويس ولا لو عملت حاجة فى الموتور حتأثر سلبى على العربية
انا عندى العجلة الامامى االيمين لما اخد مطب العربية بتدب على الارض نشفة اوى فى المطبات المطب ولو كان صغير بيسمع فى العربية دة عيب مساعد ولا سوست
السلام عليكم
اسف علي المداخلة لعدم امتلاكي سيارة لادا لكن أخويا عنده لادا 2107 موديل 2004 وعنده مشكله صغيره
لما يكون النور شغال ليلا ويدوس بنزين نور العربيه بيرتعش او بيحصل فيه ذبذبه حتي نور التابلوه والانابير فيا تري ده يكون من ايه ؟؟
ولك جزيل الشكر
انا عندي 2107 انجكشن 2007 روسي . المشكلة عندي ان العربية مبتسحبش بعد سرعة 90 كم بس في الاول والتانيوكل الغيارات بتسحب ذي الفل الا علي الخامس بعد ال90 . ارجو الافادة
اولا :- شراء جيهاز انذار نوع فوكسسعره 240 اما بخصوص الاستبن شراء الجنط من حمدى لادا فى "ميدان الجامع" 125 جنيه وشراء كوتش جديد مقاس 13 سعرة 195 جنيه
معايا لادا 2115 النور بتاع التابلوه و الفوانيس و الصالون بيرعش خفيف ده من ايه؟
سؤالين:
1- أنا كنت بافكر أجيب عربية نيفا 2010 لأنها جيب عالى و رخيصة جدا , بسعر الفيرنا , إيه رأيك فيها كمعدة و ليس كرفاهية؟
2- إزاى الوحد يحمى عربية لادا تقليدية من موضوع تطفيش الكوناكت و سرقتها؟ هلى فيه حاجة زى فصل الكهرباء أو ماشابه بحيث لو الحرامى اتنطط ما تدورش؟
بسمع صوت تكتكه كأن صاج بيخبط فى بعضه كل مادوس على الفرامل ويستمر شوية وبعدين يبطل هل ده معناه انى اغير التيل
بص يا جميل انت ممكن يكون صوت الماتور عالى عندك علشان التاكيهات مش مظبوطة فا نصيحتى انك تروح لميكانيكى كويس يظبطلك التاكيهات حتلاقى صوت العربية اختلف وسحبها والسخونية واستهلاك البنزين كمان
ياباشا انت تتوكل على الله وتركب علبة اسمها 5 بلية ودى حتخلى الدركسيون خفيف معك بأذن الله
من فضلك اوعى تركب سوست عاليه خالص خالص لانها حتخنقك فى عشتك وكمان حتخلى العربية مزندة وبتدبدب لانها بتفتح المساعد على الاخر ومبيقفلش فى سوست 131 ايطالى انا جيبتها بس الميكانيكى قصلى منها لفه بس خلى بالك القص يكون على البارد مش بالتسخين علشان السوسته متفدش خواصها والله المستعان
الكلام ده مظبوط جدا جدا
محدش عندو حل لتعديل العفشه للادا 2105
انا استعملت السوسته بتاعت 131 فعلاً حلوا جداً استخدمتها في الاثنين الى ورا بس ومديه نتيجه تحفا
انا عندي 2107 انجكشن 2007 روسي . المشكلة عندي ان العربية مبتسحبش بعد سرعة 90 كم بس في الاول والتانيوكل الغيارات بتسحب ذي الفل الا علي الخامس بعد ال90 . ارجو الافادة
سيدى الفاضل ارجو انك تعذرنى انتا بتجيب خامس بدري جداً لان معرفتى ان االلادا ديه 1500 سي سي فا جرب الاتى
1- الاول للتانى لحد 30 بالكتير
2- من التانى للتالت 45
3- من التالت للرابع حاول توصل لل80 --- 85
4- من الرابع للخامس عدي 100-110-120
5- لما تنقل خامس و انتا جايب 110 120 هتلائى العربيه مرتاحه
حاول تعمل ده مره واتنين هتلائي فرق واضح
والله اعلى واعلم
شكراً