-
شوية تظبيطات للتمبرا
السلام عليكم
كل عام وانتم بخير يا شباب بمناسبة هذه الأيام وأعادها الله علينا جميعا بالخير
عندي 3 جاجات او 4
اول حاجه من فتره انا غيرت علبة فيوزات المروحة بعد ما غيرت العلبه بفتره لقيت فيشه من الفيشتين المربعين اللي داخلين العلبه اللي لونها احمر ساحت بالتالي المروحه ما بقتش بتشتغل المهم ستر ربنا اني كان معايا واحده كنت جايبها مع العلبه الاستيراد رحت فاكك الفيشه القديمه ومركب الجديده
ورحت للكهربائي عشان اعرف سبب ان الفيشه ساحت قالي ان المروحه بتشتغل كتير وده بيعمل حمل على الفيشه بتسيح وبالفعل المروحه بتشتغل كتير لما بشغل التكييف بس كل شويه هاقعد اغير فيشه هو قالي ممكن نشيلها وتعمل بدالها كليبسين مش عارف ايه الصح وممكن تكون المشكله فين في العلبه ولا في المروحه بتحمل على الفيشه ولا ايه بالظبط
الحاجه التانيه العفشجي باشا قالي محتاج تغير مساعدين ورا وقدام
ايه احسن نوع مساعدين ممكن اجيبه انا سامع ان في ايطالي وفرنساوي والماني وفي زيت وهوا وزيت وهوا مع بعض وقصه طويله ياريت تفيدوني من واقع خبراتكم وتجاربكم العمليه
كمان علبة الدركسيون اللي مصلحها في شامبليون من 4 شهور بدات تخبط اجيب واحده استيراد واركبها ولا ارجع للراجل ضمان العلبه لسه فيه شهرين
الحاجه الاخير من الاخوه زوي الخبره في التمبرا خاصة جاليليو باشا
عايز اعرف العربيه اقدر اعلي السلانسيه واوطيه منين لان الميكانيكي بيقعد يحرك اكتر من مسمار في حاجه للهوا وحاجه بتظبط ضخ البنزين في السلانسيه بس انا بصراحه مش عارف مين اللي بيظبط الدنيا
الحاجه الأخيره انا مغير الكشاف الشمال عندي وبحسه عاي اوي وضارب في وش الناس بالرغم اني رحت للكهربائي وطالي الريجلاش بتاعه على الأخر هل افور الوش واحاول اوطيه ولا اعمل ايه لأنه بيضايق الناس جدا
وشكرا للشباب
وكل عام وأنتم بخير
-
وانت دابما بخير و سعادة ان شاء الله
شوف يا معلم, المفروض المروحة تشتغل كتير مع التكييف , عشان كده عملوها سرعتين و بكتاوت
بيبقى ليها كتاوت راكب على القميص الفايبر بتاع المروحة عشان يظبط الكهربا
انت بقى يا المروحة اللى عندك سرعة واحدة يا الكتاوت بايظ
المساعدين , الوالد مركب delphi بولندى و دول غاز بس , كويسين و بيشكر فيهم
لو عندك استعداد تدفع مبلغ محترم يبقى مونرو , و عليهم ضمان و افتكر المونرو مش محتاج اتكلم عليه
علبة الدركسيون عملت كده عندى برضو بعد تصليحها بكام شهر , بقالى بتاع سنه ماشى بيها بتخبط
لو تعرف تجيب واحدة استيراد يبقى احسن
بتوع شامبليون بيفوروا العلبة و يمسحوا العمود الرئيسى على المخرطة و يخرطوا اويل سيل عشان العمود اللى رفع شوية
مهما حتعمل العلبة حتفضل تخبط عشان سمك العمود قل مع الخرط
ضبط السلانسيه من مسمار البنزين , خسب ما انا فاكر مسمار طويل مسدس الشكل ( زى الصامولة الطويلة ) و فيها مكان مفك
و يا رب اكون فاكر صح , هو على شمال الكاربراتير
مسمار الهوا بتظبط منه بعد البنزين و حتلاقيه مسمار جوا ماسورة افقيه صغيره تقريبا تقريبا على اليمين
الكشاف ده امره سهل , تلاقى الصدر عنك ورا الفوانيس واخد ترييحه , دقتين عند اى سمكرى يظبطولك الموضوع
و كل سنه و انت و جميع الاخوه طيبين
-
جاليليو باشا مش عارف أقولك ايه والله ربنا يباركلك
طيب كتاوت المروحة دي مكانها فين عشان اكشف عليها لأن كده فعلا ممكن تكون المروحة شغاله سرعه واحده
بس المقاومه انا لسه شاريها جديده وشغاله زي الفل وانا عارف ان دي اللي بتتحكم في سرعة المروحه فهل المتاوت ليها علاقة بسرعتها ولا الكتاوت دي مالهاش دعوه وتكون بايظة وبتحمل على الفيشه
-
انا ماليش فى الكهربائيات قوى , روح لكهربائى كويس يشوف الحمل الزيادة على الفيشة منين
السؤال , هل علبة الفيوزات اللى قدام شغالة مضبوط و كل التوصيلات شغالة ؟
لانها حسب ما انا فاكر ليها علاقة بشغل المروحة
Content Relevant URLs by
vBSEO 3.6.0 PL2