ربنا إن شاء الله يبارك لحضرتك فيها
خدها كلمة من أخوك
بعد 8000 كم إن شاء الله قول رأيك في الفتيس و أداء العربية إجمالا
رقم العضوية : 33438
تاريخ التسجيل : 19Feb2009
المشاركات : 14,563
النوع : ذكر
الاقامة : استراليا
السيارة: None
السيارة[2]: Toyota Camry
دراجة بخارية: Harley-Davidson
الحالة :
السلام عليكم
من ساحل البحر الابيض المتوسط نرحب بكم و ننقل لكم (عبر شبكة اتصالات تلاتة و نص جي .... برضه اعلان !!) التقييم المبدئي
ده مجرد تقييم مبدئي للسيارة لسه فيه تقييم كامل بالصور بعد 2000 كيلو بعد ما التليين يكون خلص (1000 كيلو) و اكون جبت اخر العربية :)
بسم الله ...... نبتدي
1- الشكل العام:
السيارة عائلية ذات شكل ظريف جدا مستساغ .... و كمان غير منتشرة يعني لم تألفها العين بعد ......
2- الصالون
الصالون اتساعه رهيب .... اضف الى ذلك ان حوض موتور السينيك مضغوط و صغير جدا و ده زود مساحة الصالون ..... يمكن ما شفتش صالون واسع كده غير في الكارينز ..... الخامات فخمه جدا و الشكل عصري و انسيابي ..... فيه كمية ادراج تخزينية و احواض تخزينية خفية تصلح لتهريـ ....... إحم .... تصلح لنقل "احتياجاتك" بشكل امن ..... فرامل اليد كهربائية مما يوفر مكانها ...... الكراسي مريحة جدا و الكرسيين الاماميين بهما مسند للفقرات القطنية Lumbar support يمكن ضبطه للامام و الخلف حسب الراحة ...... التابلوه واسع جدا و يشيل حاجات كتير و الابواب تنجيدها فخم للغاية ...... الكونسول الاوسط يمكن تحريكه للأمام و الخلف بسهولة و يحتوي على وحدتين تخزينيتين واحدة كبيرة جدا و التانية صغيرة للركاب الخلفيين بالاضافة الى حامل لكوبين و طفاية كوب يمكن وضعها في الحامل ...... الفتيس مرتفع و راكب في التابلوه برضه ..... المساحة للارجل وهمية جدا .......
نيجي بقى لورا ...... الكنبة متقسمة تلات اتلات مش تلت و تلتين ..... و كل كرسي من التلاتة يمكن طيه للتخزين عليه و كذلك تحريكه للامام و الخلف حسب الراحة او لزيادة سعة الشنطة ..... الكرسي الخلفي الاوسط ضهره من ورا بلاستيك لامكانية استخدامه كترابيزة للشخصين اللي ورا (يلعبوا كوتشينة .... تكتب و تقرا .... تحط عليه لابتوب ..... الخ) و ضهر الكرسيين الاماميين فيه ترابيزة زي بتاعة الطيارة بتتفرد و تتني و فيها حامل اكواب برضه ...... غير حوامل الاكواب الخلفية اللي في القايم الخلفي
احزمة الامان الخلفية افضل بكتير من سيارات تانية كتير شفتها ...... كل كرسي ليه حزام باتنين كليبس ...... و فيه مكانين لربط الحزام ...... بحيث تجيب الحزام بالورب على جسمك تثتبه في الاول ..... و بعدين تشد الكليبس التاني و تثبته على الحوض في الفتحة التانية
مساند الرأس مريحة جدا و المساند الامامية قابلة للفرد للامام ......
3- الشنطة
اتساع الشنطة رااااااااااائع جدا ...... الصراحة الكارينز كانت اوسع ...... بس قشطة ...... اخدت صورة و العربية متحملة عالاخر و هاوريهالكم
4- تجربة القيادة .....
مبدئيا احب اقول لكل الاخوة احباب الياباني و اعداء الفرنساوي (و انا كنت واحد منهم لحد اسبوع فات) ان اللي ما ركبش فرنساوي ما ركبش عربية ..... الراحة و النعومة و السرعة و الثبات و استهلاك البنزين رووووووووووووووعة
العربية ناعمة جدا ..... و الباور ستيرينج لو نفخت فيه هيلف لوحده بس في نفس الوقت بدون التضحية بالثبات .... الفرامل قوية جدا و بتكلبش بشكل رهيب حتى مع زيادة وزن السيارة (حوالي طن و 400 كيلو فاضية) و مع التحميل الكامل ...... انا مرة سرحت و انا ماشي و الطريق وقف فجأة و اضطريت افرمل جامد و فرملت جامد و دهشت من سرعة التوقف الرهية
و تحية كبيرة جدا جدا جدا جدا للعفشة ...... كمان مرة العفشة ...... اول و تاني و تالت للعفشة ....... يخرب بيت النعومة ....... انا حاسس اني ماشي على وسادات هوائية.........
نفسي اعرف مين اخترع اختراع ان تكييف الاوروبي تعبان .... انا اهه نازل من ياباني و احب اقول ان التكييف لا يقل كفاءة نهائي عن الياباني سواء في سرعة التبريد او سرعة الوصول لدرجة التبريد المطلوبة او كفاءة التبريد .....
الاوبشنز وهمية ...... الكمبيوتر بتاع العربية بيدي قراءات دقيقة جدا و ظريف جدا ..... انا انبهرت صراحة ..... مثبت السرعة و محدد السرعة اضافة ممتازة للسيارة و انا على طول الطريق للساحل مستخدم المثبت و فعلا مريح جدا ان الواحد ما يبقاش خايف من الرادار او ان رجله تتقل شوية ..... المثبت بيغلط احيانا في المنازل او المطالع بس الخطأ لا يتجاوز 2 او 3 كيلومتر/ ساعة و بيلحق يلمها بسرعة
التسارع و الفتيس الصراحة حلوين بس احيانا الفتيس بيستغبى شوية يعني كنت واقف في الثبات باخرج من مدخل القرية عالطريق السريع و دست بنزين جامد و الفتيس اخد ثانيتين على ما قرر يعمل ايه و ده يمكن العيب الخطير الوحيد ......
جودة خامات السيارة و تقفيلها عالي جدا .....
الساوند سستم رائع .... التويترات الامامية اللي تحت القزاز الامامي رائعة و صوت الطرقعة بتاعهم حقيقي لدرجة عالية جدا و كذلك بقية السماعات ....
استهلاك البنزين رائع رائع رائع ..... دي تاني عربية اوتوماتيك اتملكها و اكتشفت ان استهلاكها قريب جدا من العربية المانوال اللي كانت معايا و يمكن احسن
طبعا انتوا عارفين طريق النطرون-العلمين كله مطالع تقريبا و دي بتحتاج عزم اكتر و بنزين اكتر ........ و مع ذلك انا فولت العربية قبل بوابات اسكندرية و صفرت العدادات كلها ...... و النتيجة ؟
8 لتر لكل 100 كيلو ..... او 12.5 كيلو للتر .....
مع وزن العربية و طول الشاسيه بتاعها
مع الحمولة اللي كانت فيها (هتشوفوا الصور ....... 3 شنط كبيرة + 2 وسط + عربية اطفال كبيرة + مرجيحة و عجلة + شوية حاجات تانية)
مع المطالع الرهيبة بطول طريق العلمين
مع ان العربية لسه في التليين (حسب تعليمات الكاتالوج ماعديش 130 اول 1000 كيلو)
انا ما توقعتش كده
و فيه اوقات كان معدل الاستهلاك كمان اقل (6 لتر لكل 100 كيلومتر) لما كان الطريق مستوي ...... و اقل لو في منزل كمان
نهايته ..... تقييمي للسيارة ..... 9 من 10 .......
تحفظي الوحيد على الفتيس و حركاته "القرعة" و على مساحة الشنطة اللي كان ممكن تبقى اكبر شوية ....
و اشوفكم في التقييم الكامل بعد 2000 كيلو ........ يعني بعد التليين بالف كيلو ..... اما نشوف امكانيات الموتور
رقم العضوية : 44725
تاريخ التسجيل : 10Aug2009
المشاركات : 5,325
النوع : ذكر
الاقامة : Triumph Sq. - Heliopolis
السيارة: لا يوجد
السيارة[2]: MEGANE EXTREME 2008
الحالة :
ربنا إن شاء الله يبارك لحضرتك فيها
خدها كلمة من أخوك
بعد 8000 كم إن شاء الله قول رأيك في الفتيس و أداء العربية إجمالا
رقم العضوية : 35540
تاريخ التسجيل : 14Mar2009
المشاركات : 26,487
النوع : انثى
الاقامة : Egypt_Alexandria
السيارة: لا يوجد
السيارة[2]: لا يوجد
دراجة بخارية: -
الحالة :
ما شاء الله ده انا حبيت العربية من كلامك وتقييمك
بس ياريت الصور
ربنا يباركلك فيها
رقم العضوية : 22857
تاريخ التسجيل : 21Oct2008
المشاركات : 1,117
النوع : ذكر
الاقامة : CAIRO
السيارة: renault megane II spd 2005
السيارة[2]: renault clio 2003
الحالة :
انا راى انك تنضم لمسكر التدريبى للوحوش فى ماربنا ال عاملوا الكوتش و المدير الفنى شويه تدريبات اطاله و لياقه و حمامات شمس لازوم التان
سلامى و تحياتى للجميع
د/أكمل حمدى عبد الله
رقم العضوية : 44725
تاريخ التسجيل : 10Aug2009
المشاركات : 5,325
النوع : ذكر
الاقامة : Triumph Sq. - Heliopolis
السيارة: لا يوجد
السيارة[2]: MEGANE EXTREME 2008
الحالة :
رقم العضوية : 35
تاريخ التسجيل : 17Apr2007
المشاركات : 385
النوع : ذكر
الاقامة : Cairo
السيارة: Lancer 1.6 M/T
السيارة[2]: Elantra '08 A/T
دراجة بخارية: لا يوجد
الحالة :
مبروك يا سيدى،
مع انى بقيت يترعب من الفرنساوى كله بس انت شكلك مبسوط و بسطنى.
ربنا يباركلك فيها.
رقم العضوية : 9524
تاريخ التسجيل : 24Apr2008
المشاركات : 6,381
النوع : ذكر
الاقامة : Cairo
السيارة: Tempra_1996
السيارة[2]: Cerato _2008_Auto
دراجة بخارية: NO
الحالة :
مبروك يا ابوحميد ....
تجربة متعة السيارة الاوربية ليها رونق خاص
صور ..ز صور .. صور ياباشا
Eng.Ahmed Ismail
You Can't Never Ever to Keep a Nice Car in This Country....!!! S.O.S
[sor2]http://www.wasit.net/alrowad/images/hit.gif[/sor2]
كل شيء عن السيراتو
_______________
اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..
اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..
اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك
______________________
[shfaf2]http://www7.0zz0.com/2011/11/29/23/575740455.gif[/shfaf2]
رقم العضوية : 33438
تاريخ التسجيل : 19Feb2009
المشاركات : 14,563
النوع : ذكر
الاقامة : استراليا
السيارة: None
السيارة[2]: Toyota Camry
دراجة بخارية: Harley-Davidson
الحالة :
رقم العضوية : 42820
تاريخ التسجيل : 22Jun2009
المشاركات : 3,171
النوع : ذكر
الاقامة : Damietta
السيارة: Skoda Octavia A7 2015
السيارة[2]: Kia Cerato 2010
دراجة بخارية: no
الحالة :
الف الف مبرووك يابو كمال
وبصراحه حببتنى فى العربيه دى من كلامك مع انى معرفش شكلها ايه :d
رقم العضوية : 19327
تاريخ التسجيل : 17Sep2008
المشاركات : 914
النوع : ذكر
الاقامة : cairo\tanta
السيارة: ماتيريا
السيارة[2]: دايهاتسو ماتيريا 2009 اوتوماتك
الحالة :
ربنا يباركلك فيها
انا ببحبها اوى اصل اخوك بيعز العربيات المميزه اوى
[mtohg=#ff0000]http://www.mlfati.net/uploads/images/mlfati-62c14c8f53.jpg[/mtohg]
اللهم لا اله الا انت سبحانك ............انى كنت من الظالمين
م/ محمــــــــــــد جمــــال رضـــوان
المفضلات