هل الكبالن بتبتدي تودع؟

**thedeveloper87** · 11-08-2009 04:38 PM

السلام عليكم ورحمة الله وبركاته
لما باخد ملفات جامدة قوي ساعات بسمع صوت طقة واحدة (مش كل مرة في الملفات بسمع صوت طقطقة يعني).
أما الملفات الخفيفة مابسمعش صوت خالص. بس لو راجع بظهري ورا وبغير اتجاه الدركسيون بسمع صوت طقطقة. هل الكبالن كده باظت ولا محتاجة صيانة بسيطة؟ ولو مش هينفع يتعملها صيانة ينفع امشي بيها كده شوية (شهر كده ولا حاجة) وشكرا

**walids** · 12-08-2009 04:34 AM

ايوه كده ممكن فعلاً تكونمن الكبالن

و علشان تتاكد و تطمئن اكتر اكشف عليها عند عفشجي

**aYaBooY** · 12-08-2009 12:05 PM

بدام طقة واحد يبقي استبعد الكوبلن ده راي
اولا حضتك تتعب تاخد غطس تحت المحروسة و تبص على الكاوتشات الي راكبة على الكبالن لو فيهم واحدة ممقطوعة او فالتة يا ريت تصلحها
و بعد كدة تروح لحد بتاع زوايا شاطر يبصلك على جلب المقصات و البيض بتاع المقصات و يشوف نسبة البوش الي في علبة الدركسيون و يا ريت تكتب نوع عربيتك و موديلها و ماشية كام كيلو
و صحيح سيبك من موضوع صيانة الكبالن الكبالن بتتغير

**yahiahelaly** · 12-08-2009 12:11 PM

بص يا فندم لو عايز حضرتك تعرف ازاى كانت كبالن ولا لأ ممكن ترفع الهند فرامل اليد يعني وتكسر العجل كله وتطلع لو سمعت الطقطه دية ييبقى كبالن

**thedeveloper87** · 12-08-2009 12:20 PM

عربيتي مازدا 323 موديل 82 (عداد الكيلومترات مش مظبوط طبعا القراءة 32500) بالنسبة لجلب وبيض المقصات لسة مغيرهم من شهرين (جلب تايلاندي) وبالنسبة لعلبة الدركسيون لسة مغير طقم بارات ومشحم علبة الدركسيون من شهرين برضه. اما بالنسبة إن أخد غطس تحت المحروسة فأنا هعمل كده النهاردة بإذن الله. شكرا جزيلا على ردودكم.

**aYaBooY** · 12-08-2009 01:19 PM

طيب لو استمر الصوت طقة واحدة لما تكسر الدركسيون على الاخر ممكن يكون الصنايعي الي عمل علبة الدركسيون مظبطش العلبة يمين و شمال كويس و ترتب عليه ان الجنط يكون بيخبط في مسامير البيضة بتاعت المقص و ده علاجها بيكون عند بتاع الزوايا
بس الكبالن بيكون لما تكسر الدركسيون على الاخر او اقل بشوية و تدوس بنزين يعني مش ممور و تلف تسمع صوت طقطقة مستمرة مش واحدة و دمتم و بيكون الفاصل بين الطقة و التانية قليل اوي

**amado ibrahim** · 12-08-2009 06:13 PM

السلام عليكم يا شباب
انا عندى نفس المشكلة بالحرف فى عربية بيجو 405 بس كاوتشة الكوبلن كانت متاكلة و اتغيرت
يا ريت لو حد عنده تفسير للقصة دى
و هل هى كوبلن عايز يتغير لان اغلب استخدامى للعربية على الطرق السريعة
و خايف يحدث ما لا يحمد عقباه على السرعات العالية

**thedeveloper87** · 12-08-2009 07:05 PM

نسيت أقول حاجة. لما رحت أظبط زوايا من حوالي شهر ونصف تقريبا ، الراجل قاللي العجل عايز يتقدم (طبعا نفضتله علشان مش طالباها فزلكة) عديت على العفشجي وسألته قاللي سيبك منهم (من غير مايبص على الكاوتشات). ممكن يكون ده السبب؟

**SHNORY** · 12-08-2009 07:24 PM

المشاركة الأصلية كتبت بواسطة thedeveloper87

نسيت أقول حاجة. لما رحت أظبط زوايا من حوالي شهر ونصف تقريبا ، الراجل قاللي العجل عايز يتقدم (طبعا نفضتله علشان مش طالباها فزلكة) عديت على العفشجي وسألته قاللي سيبك منهم (من غير مايبص على الكاوتشات). ممكن يكون ده السبب؟

علي فكره انا دايما باخد براي بتاع الزوايا
لانه ملهوش مصلحه في اي عيب من عيوب العفشه
واي عيب في العفشه بيؤدي لعيب في ظبطه للزوايا
روح لواحد تاني بتاع زوايا ولو قالك نفس الكلام غير العفشجي بتاعك