[justify]
اولا انا معنديش عربيه و ان كنت ناوي اشتري في الفتره دي بالنسبه للسيارات الدفع الامامي
طبعا الموتور بيكون بالعرض صندوق التروس بيبقي مكانه فين وأزاي الحركة بتتنقل من الموتور
الي صندوق التروس طبعا في السيارات الجر الخلفي الموضوع بيبقي منطقي لأن الموتور بالطول
و وراه صندوق التروس بس بالنسبه للموتور بالعرض الموضوع مش عارف افهمه ياريت حد يشرحري النقطه دي
[/justify]
ولكم جزيل الشكر
حلو السؤال ده متابع باهتمام
شكرا ليك بس انت ما جوبتش علي استفساري
بما أنك عارف الجر الخلفى
المكنه بتدى الدبرياج ثم الفتيس ثم عمود الكردان ثم الكرونه بتوزع بالعرض على العجل الخلفى
نيجى بقه للجر الأمامى
المكنه بالعرض بتدى الدبرياش ثم الفتيس .....نقف عند هنا
تعالى بقه شيل الكردان والكرونه اللى وراء فى الجر الخلفى
عاوزين بدالهم قدام
أولا أنا مش محتاج كردان فى الجر الأمامى ....لأنى ححرك العربيه من قدام .....الجر هنا أمامى ....ومش محتاج عمود توصيل من المكنه من قدام ....زى موضوع الجر الخلفى
بس لازم حاجه زى الكرونه تكون موجوده بعد الفتيس
علشان توزع على الفردتين اللى قدام
دى فعلا موجوده ....وأسمها كورونة الفتيس فى الجر الأمامى ....فوق كرتيرة الفتيس بالضبط
شكرا لتوضيحك يا استاذ سمير
الله يخليك يا أستاذ : أحمد
طب سؤال حضرتك ما هي وظيفه الكوبلن في الجر الامامياقتباس:
المشاركة الأصلية كتبت بواسطة samirayad
شوف يا أستاذ عصام
بناء على مضمون الموضوع اللى معانا دلوقتى
اللى الأخ بيسأل فيه عن الفرق بين الجر الخلفى والجر الأمامى
1- أتفقنا أن فيه كرونه فى آخر الفتيس علشان ننقل منها حركه للمحاور الأماميه ....فى الجر الأمامى طبعا
2- تعالى أرجع معايا كده للجر الخلفى ....من عند الكرونه
مش أتفقنا أن الكرونه على نفس محاور العجل الخلفى
طيب أيه اللى بيودى الحركه من الكرونه (فى الجر الخلفى طبعا ) للعجل الخلفى ......أكسات العجل الخلفى
هو ده نفس الدور اللى بتقوم بيه أعمدة الكبالن (فى الجر الأمامى )
علشان تنقل الحركه من كرونة الفتيس للعجل الأمامى
بس طبعا فيه فرق بين الحالتين تصميميا
1- فى الجر الخلفى بيكون كل أكس ....عباره عن عمود واحد حته واحده
بدون أى وصلات مفصليه زى الكبالن
2- فى الجر الأمامى ....كل عمود كبلن ...يمين أو شمال
بيتكون من مجموعة وصلات من الأعمده ....بالأضافه الى رأسين من الكبالن ( وصلات مفصليه )
اللى هما الكبلن الداخلى والكبلن الخارجى
طيب .....ليه هو عامل الكلام ده على أعمدة الكبالن فى الجر الأمامى
ومش عامله على أكسات كرونة الجر الخلفى
ده بيرجع للضروره القصوى بتاعة نظام توجيه السياره
لأننا عارفين طبعا ....أن الفردتين المسؤولين عن عملية التوجيه هما الأمامين .....
وطالما العجل الأمامى هو اللى بيحود مع حركة الدركسيون
يبقى لازم من وجود رؤؤس كبالن ( داخلى وخارجى ).......
سورى على الجزئيه اللى بالأزرق دى ....علشان ملحقتش أعدلهااقتباس:
2- فى الجر الأمامى ....كل عمود كبلن ...يمين أو شمال
بيتكون من مجموعة وصلات من الأعمده ....بالأضافه الى رأسين من الكبالن ( وصلات مفصليه )
اللى هما الكبلن الداخلى والكبلن الخارجى
هو كل عمود كبلن بينكون من عمود واحد ( وليست مجموعة وصلات )
وحصل تداخل بسيط بسبب رؤؤس الكبالن الداخليه والخارجيه
- عموما فأن كل عمود كبلن بيتكون من عمود
أما عمود طويل لفردة الكبلن اليمين ....أو عمود قصير لفردة الكبلن الشمال ....بالأضافه الى رأسى الكبلن ( الداخلى والخارجى )
فى الشكل اللى فوق ده
مكونات عمود الكبلن اليمين .....أى العمود الطويل
1- مجموعة رأس الكبلن الخارجى .....من عند العجله اليمين ( المجموعه رقم 2 على الرسم )
2- عمود الكبلن الطويل ( العمود اليمين )......القطعه رقم 9 على الرسم ....ويلاحظ أنها مقطوعه من النصف لدواعى أستكمال الرسم الهندسى
3- رأس الكبلن الداخليه من جهة الفتيس ....راكبه على جانب كرونة الفتيس اليمين ( المجموعه رقم 4 على الرسم )
أيضا يراعى التفرقه بين جهاز التوجيه وأعمدة الكبالن ......لكى لا يحدث تداخل
صورة لفتيس جر امامى
http://img13.imageshack.us/img13/950...earbox5spd.jpg
ودى صورة لموتور بفتيس جر خلفى بس قديمة شوية
http://img193.imageshack.us/img193/3...5020engine.jpg
مشكوووور جدااااا علي الرد علي السؤال يا استاذ samirayadوحضرتك افدتني كتييير اوووياقتباس:
المشاركة الأصلية كتبت بواسطة samirayad
الله يخليك يا أستاذ : عصام