ازيكم يا شباب أخباركم ايه ،،
معلهش عارف الموضوع قديم بس بدور لقيت جوجل رماني علي البيت القديم هنا
أنا روحت زفير بناء علي نصائحكم و هوا فعلا ممتاز كجودة و كسعر و طبعا طبعا كقعدة
خاصة بعد التحويلة الإجبارية علي محور التعمير و أنتا راجع القاهرة حاليا فأصبح خيار مثالي و أنتا مروح لأنه علي محور التعمير تقريبا
و وداع ممتاز لاسكندرية قعدة جامدة في وسط البحر و أكلة سمك حلوة بسعر مناسب (( مش رخيص قوي ))
عيبه الوحيد شوربة السيي فوود مش جامدة عنده و دي حاجة أساسية عندي
جربت برده حودة جندل و مش و لابد خاااالص و ده كلامي أنا واحد مش بيعرف يفرق أساسا بين السمك
آخره يبقي اسمك أكلت سمك
اللي عايز أضيفه بقه مطعم تاني اكتشفت عن طريق الانترنت
اسمه النادي اليوناني البحري
ده تقرير عنه
النادي اليوناني: أحلى أكلة سمك ومنظر رائع للبحر في الأسكندرية، الأنفوشي، الأسكندرية - مطاعم
مطعم جامد جدا و قعدة و منظر جامد جدا البحر و اليخوت و قلعة قايتباي
يعني تروحه لما تبقي عايز تعزم حد عزومة جامدة
و ديكور و موسيقي يوناني
و ليه حاجات خاصة بيه بس غالي شويتين تلاته
متقدرشي تقول هوا أحسن مطعم بس هوا مختلف عن أي مطعم