بتحب تاكل سمك فى اسكندرية بتاكل عند مين؟؟؟
عرض للطباعة
بتحب تاكل سمك فى اسكندرية بتاكل عند مين؟؟؟
حوده جوندل طبعا...وبلا منافس....ولا قدوره ولا غيره...
Balba3
and there is one at the Greek something...I went with a friend but cant remember the name.
باكل عند "هو ده شعبان بتاع السمك اللي بيقولوا عليه"
هو المحل اسمه كده !
و عند عروس البحر
حوده جوندل بلا منافس ياجدع تدخل تاكل لحد ما كرشك يبقى قدامك متيرين
بلا منازع هو التوب والله احسن من قدورة وجهة نظرى
واجدع حاجة لما تشرب شربة الجمبرى بالكوباية كده تبقى نااااااار ياجدع
حوده جوندل فى الازاريطة ورا المجمع النظرى فى الشارع الكبير اللى قدام معهد اكسون للغات هو مشهور هناك اوى
فى واحد اسمه فرج فى بحرى حد اكل عنده؟؟؟؟
في حوده جندل اساسي و في الكتعة كمان تمام
ده فين الكتعة دى؟؟؟
انا كنت بروح الحلقة علشان اجيبه صيد النهاردة
نشوى هناك وقتى
وطيران على الفندق
بس اللى كان بينفعنى السواق لانه استاذ فى شرا السمك
حوده دونجل كمية كبيرة ولكن
أحياناً بارد
والسمك في الأصل مجمد مش طازة
ولكن يعتمد على الكمية عشان يلهيك عن الجودة والكلام ده عن تجربة كتيييييييييير
عليك وعلى بحري
وعيب أوي لما بعد الإسكندرانية الموجودين في المنتدى ونيجي إحنا نتكلم على السمك :N_no[1]:
انا اكتر مكان بحب اكل منه سمك فى اسكندرية هو قدورة ، ادمان عندى لازم لما اروح اسكندرية اكل من عنده ، الكتعة حلو جدا برضو ، و بلبع حلو برضو :biggrin24:
عروس البحر و بلبع .. مرة رحت جندل و كان يوم أحد و قالولي قافل
بلبع شوربة السي فود بتاعته وحشة أوي !! بحس إنها كباية لبن مش سي فود ! معرفش بيعملوها إزاي
عامة ما زال أجمد محل سي فود جربته لحد دلوقت موجود في القاهرة "و مارينا"
و هو المنفرد بالقمة .. جندوفلي
انا لاجئ في فرع المهندسين .
لأ عايزين الجد اجمد مكان فعلا هو فيش ماركت اللي في نادي الكشافة البحرية بس خد الفيزا كارد بتعتك و انت رايح لانه غالي ا
انا جربت تقريباً كل المطاعم اللى الزملاء ذكروها بس أحسن واحد بالنسبة لى شعبان (هو دا شعبان بتاع السمك اللى بيقولوا عليه) كمياته كويسة جداً أسعاره معقولة جداً والسمك طازج يوم بيوم لدرجة انك لو أتأخرت شوية يعنى مثلاً لغاية 4 أو 5 مساء ممكن ماتلاقيش عنده طلبك.مكانه فى المنشية.
شعبان احسن واحد في اسكندريه
انا معرفش اوى فى المواضيع دى بس بروح ابو اشرف
يعنى شعبان ولا حوده جوندل؟؟؟
iقول لحضرتك على حاجه لو عايز مكان ستايل او معاك المدام والولاد ومش مشكله عندك الفاتوره متروحش حوده جوندل ...لكن لو مجموعه شباب او زملاء وعايز تدبها وكميات كبيره وسعر حلو روح عنده ....اما شعبان اللى الاخوه اتكلموا عليه معرفش عنه حاجه...
انا قبل ما أروح جندل و انا عارف إن ميزته السعر
عشان اللي عرفني عليه واحد صاحبي القرش مبيطلعش من جيبه
بص يا باشا .. خدها نصيحة من اسكندراني بقي ..
اولا حوده جندل سمك متلج بيديك كمية يعني 35 جنية وجبة فيها كل اللي انت عيزه .. دا فيها شربة جمبري .. فالجودة مش اوي بصراحة بس كطعم ممكن متفرقش معاك
عايز مطاعم رخيصة وحلوة يبقي بحري
عايز مطعم علي زوقي .. زفير ..ودا في المكس .. كتير مش بيعرفوا لأنه يعتبر نوعا ما بعيد عن البلد بس القاهروية اللي بيجو العجمي غالبا مش بيكلوا غير عندوا لأنه قريب اوي من فتحت الطريق السريع ..
دا بقي .. اسعاره كويسة يعني ارحم من قدورة بكتير وجودة اعلي منه .. لأنه بيجيب السمك من الميه عليك هو اصلا المطعم علي بحر المكس.. لو رحت عنده خد بالك من العربيات اللي ركنه سعتها هتعرف جودته..
زفير فى المكس افضل مطعم فى الاسكندرية فى حدود الميزانية
جودة وسعر ومكان جميل جدا
زفيييييييييييييييييير في المكس بلا منازع و عن تجربة ... مكان جميل و نظيف عالبحر .. خدمة ممتازة ... سمك طازة ... ناس بتعزف و تغني لك و سعادتك بتاكل .. ناقص يهشكوا الزبون
زفير فى المكس رقم واحد فى السمك عشان سمك طازه مش مجمد زى دونجول اللى فى الازريطه والسعر معقول والمكان شيك وكمان بلبع كويس بس غالى شويه و عروس البحر ايضاكويس وسعره معقول .
انا كذا حد يقولي علي زفير ده منهم أبو واحدة زميلتي دماغه متكلفة في السي فود أوي .. حد يوصفهولنا يا جماعة (وصف للقاهريين في مستوي الطالب الفاشل من طريق القاهرة إسكندرية كدة)
انا أكلت عند حودة جوندل وأكلت عند شعبان
شعبان : فيه تشكيلة سمك زي ما تحب يعني بتوزن كيلوا السمك من اي نوع بسعر 40 ج للكيلو وتوزن الجمبري لوحده 90 ج للكبير و 70 للصغير والسبيط لوحده بس مش فاكر السعر المكان منظم جدا وشكله رائع وستايل وبجد تحس بطعم الاكل فيه لكن بسهولة تلاقي نفسك دافع مبلغ وقدره بسبب جودة التشكيلة اللي عنده احنا رحنا 3 أفراد دفعنا تقريبا 200 ج ومجبناش جمبري كمية كبيرة والرز ليه حساب لوحده بره الطلب
حودة جودنل: يعتمد على الكمية المهولة للاكل لدرجة تبقى قايم بتلف معاك نص الاكل وبعد ما تخلص الاكل نلاقي البنوتة اللي هناك بتجيبلك الحاجة الساقعة يعني هتتكتم كتمة منيلة بس يعيبه انه نواع واحد بس من السمك ونصيحة ادي للواد اللي بيجيبلك الطلبات 10 ج وسيب الباقي عليه هيجيبلك المطعم كله قدامك الرز بتاع المطعم ده تعبان والسلطة الخضراء تعبانة جدا مش بيهتموا بيهم خالص الوجبة هناك رخيصة ب 32.5 ج بتمشل نوع واحد من السمك +حوالي 6 جمبري كبير + 3 قطع كلاماري + شوية جندوفلي + كفتة جمبري + 1 كابوريا + رز +سلطة خضراء + طحينة + عيش + كانز (طبعا بعد تظبيطك للواد) انا رحت المطعم ده مرتين اول مرة كانت على يد حبيبي وأخويا الكبير أشرف فتحي
وبالهنا والعافية
على فكرة فيه زفير اللي في المكس
وفيه زفيريون في أبو قير
الاتنين ملهمش دعوة ببعض :)
بس اللي كل الناس بتتكلم عليه هنا هو زفير المكس
المكان على الخريطة
وده الويب سايت بتاعه
لأ انا إتقالي علي زفريون و إفتكرت هو هو .. طب أنهي أحسن ؟
أنا مكلتش في زفيريون
بس زفير فعلاً رائع
حد أكل في الاتنين يقارن :)
وآدي خريطة زفيريون في أبو قير
زفير اللي في المكسو و برضه الناس ناسه ابو اشرف اللي في بحري, دا عليه حتة شوربه جمبري :fun_36_3_4[1]:
ميه ميه على المعلومات الكتيرة ديه ....... طيب عندى سؤال زفير اخبارة ايه فى الاسعار ؟؟؟ والطلبات عنده ازاى بالكيلو ولا بالطلب ؟؟؟
هو بعيد عن القلعه يا باشا
المكس دا علي طريق العجمي
يعتبر في طريقك للساحل بس من وسط البلد
القلعه في الناحيه التانيه من اسكندريه علي الكورنيش
حضرتك حدد انت تقدر توصل فين في اسكندريه واحنا نشرحلك تمشي ازاي
بس لازم ناخد الاول نقطه ارتكاز نشرحلك عليها من جوه اسكندريه
اصل للاسف نادرا ما تلاقي اسكندراني بياكل سمك في مطاعم
كلنا بناكله في البيت علشان نعرف ننام بعده :36_1_50[1]: