الموضوع: حادث فظيع امام اكاديمية الشرطة - ربنا يعافينا من سائقي المقطورة والنقل

ربنا يسترها معانا ومعاكم اجمعين

ياجدعان لا حياه لمن تنادى

بجد اى حد بياخد الدائرى ويشوف سواقين النقل المقطوره وهو ماشى لا يقل عن 120 وواخد الشمال وبياخد غرز كمان فطبعا لو حصل اى حاجه او لاقى عربيه وافقه او عجله نامت او اى حاجه قبلته هتسبب فى كارثه طبعا

لازم يبقى فى عربيات متوزعه على الطريق زى المحور كده اى حد مستهبل فيها ياخده وسجن مش اقل من 48 ساعه علشان يتعلم الادب

ربنا يستر معانا و معاكم يارب

المشاركة الأصلية كتبت بواسطة bob2009

ياجماعه والله المشكله مش فى السرعه لوحدها

المشكله فى العربيات النقل والاتوبيس والمكروباص هم دول دايما وراء كل البلاوى

السرعه يمكن تكون السبب فى 30% من الحوادث هنا فى مصر

دايما كل الحوادث من التريلات والنقل والاتوبيس والمكروباص

لازم الناس دى يكون ليها طريق خاص على شان الملاكى جنب منهم نمله والله حرام الى احنا فيه بسبب شويه البقر دول
حسبى الله ونعمى الوكيل فى كل واحد بيضر غيره من الناس

بالظبط كده دول الخليج اقل سرعه بيمشوا عليها 100 - 120 عشان الطرق واسعه ونضيفه وطبعا كل فئه من السيارات ليها طريقها وكمان ماعندهمش حاجه اسمها زحمه وتكدس يعنى مافيش تأخير واستعجال وحاله الاكتئأب والقرف اللى بتيجى للواحد مننا لما يكون سايق عمااااااار يامصر

المشاركة الأصلية كتبت بواسطة evoo90

استنى كده اعتقد ان الصوره دى قديمه !!! حد يصدق على كلامى لو صح

الصورة دي مش الحادثة الأخيرة ولا حادثة أبراج سما...

لأن ببساطة الفاصل بين الإتجاهين في الدائري هو الحائط الخرساني...هنا رصيف..

دي ممكن تكون علي المحور

المشاركة الأصلية كتبت بواسطة swimmer25

الله اعلم بس ممكن تكون من الحادث بس مش علي الدائري
يمكن تكون امام كلية الشرطة نفسها عند الدخول علي الدائري
الجزء ده الجزيرة بتاعته رصيف اسمنتي بس اعتقد انه فيه جزء مزروع بس يمكن مش باين في الصورة

الحادثة كانت عند النفق...علي الطريق الدائري ذات نفسه

عموماً كلها أيام و الصور هاتنزل علي الفيس بوك

احنا لازم نوضع حد ان المقطورات دى تمشى بعد الساعة 12 باليل فقط فى اى طريق فى مصر واللى تتمسك سحب رخص العربيه ورخص السوائق مع الحبس دى اسلم حل