تحسين الثبات - ارجو المساعده

**mohamed777** · 12-08-2009 02:01 AM

السلام عليكم ورحمة الله وبركاتة

العربية نوعها مازدا 323 موديل 82
من حوالى 3 سنسن مغير ليها 4 مساعدين يبانى اصلى والحمد لله لسة بصوت الفسفسة بتاعتهم فى المطبات
وغيرت بارات دريكسيون والعفش بتاعتها 100 100 والحمد لله

المشكلة فى الثبات على السرعات العالية .....العربية لما اجيب بيها 100 ثباتها وحش اوى ....او حتى 90 كم\ساعة
مع العلم انه فى اعضاء فى منتدى مازدا بيقولوا انهم بيجيبوا بيها 160 وهى ثابتة ..........ازاى معرفش

اية اللي ممكن اعملة فيها او حتى اعدلة على شان احسن الثبات على اد ما أقدر

ارجوا الافادة وجزاكم الله خيرا

**madoo** · 12-08-2009 02:51 AM

مش عارف والله بس شوف الكاوتش والجنوط والناس هنا ان شاء الله هتفيدك

**mohamed777** · 12-08-2009 05:53 AM

متشكر على الاهتمام
وارجو الافاده من باقى الاعضاء

**ozy2026** · 12-08-2009 02:47 PM

طب يا ريت حضرتك توضح ايه اللى بيحصل فى الثبات لما بتجيب ال 100 يعنى العربيه بتحدف ولا بتعوم منك ولا ايه بالظبط
وبعدين امتى اخر مره ظبطت فيها زوايا
وبص على ارتفاع العربيه لو عاليه عن الأرض زياده عن الطبيعى يبقى السوست اتقنطرت قبل كده ولازم تغيرها او ترجعها لمستواها الطبيعى
وياريت توضح برده مقاس العجل وحالته ايه

**mohamed777** · 12-08-2009 03:09 PM

مقاس الكاوتش 155-13-80.................حالتهم كويسة ولسة مغير جوز امامى جى تى راديال
هى بتلعب جامد يعنى لو اخذت اقل ملف على السرعة دى بحس انها ممكن تتقلب .........دة لما اكون فيها لوحدى
ومش بتحدف ولا بتعوم
بس عاوز احس بالامان على السرعة 100 بالكتير مش هقول مثلا 140

ويعنى اية السوست اتقنطرت قبل كده؟

وبالنسبة للارتفاع زى ماهى بس من اقل حمل العربية بتوطى جامد من ورا

بس فية حاجه....لو العربية راكب فيها 4 راكب بالسواق بيكون ثباتها 10 على 10 مهما جبت من سرعة

**aYaBooY** · 15-08-2009 04:20 PM

طيب سؤال مهم العربية بتاعتك دواخل فبريكة ولا لا
و بعدين انت واضح انك عندك مشكلة في السوست الخلفية و عاوز اعرف اخر مرة تم تغير جلد الميزان امتى و ظبط زوايا و رصصت اخر مرة امتى برده

**mohamed777** · 15-08-2009 09:00 PM

اه الحمد لله دواخل فبريقة بالكامل
من ناحية الترصيص فهى محتاجة ترصيص بس هزة العجل مش بتبان غير لما اعدى ال 120كم\ساعة ونادراً لما بجبها....والزواية مظبوطه والحمد لله
ومن ناحية السوست انا معرفش تعمل اية لما بتبوظ بس هى من اقل حمل بتنزل جامد ولو ركب فيها تلاتة من ورا بتنام فى الارض بس على السرعات العالية بيكون ثبتها 10 على 10
المشكلة لما بتكون خفيفة فى الوزن بتلعب جامد

اية بقى جلد الميزان؟

**aYaBooY** · 16-08-2009 10:06 AM

طيب جلد الميزان او جلب الميزان ديه حتتين كاوتش بيتركبم على بارة الميزان بتاع العربية و ليهم تاثير جامد على الثبات يا ريت عفشجي امين او بتاع زوايا يبصلك على الاتي و يفضل بتاع زوايا
اولا بوش الاسكاترا و حالة التيش و البارات للاطمئنان
حالة الكاوتش الخلفي و حالة جلب العفشة امامي و خلفي
و واضح برده ان السوست عندك خفيفة و طرية و المفروض تكون اقوي علشان كدة مع السرعة العربية مش بتقاوم الهواء و تعد تلعب و تديلك الاحساس بعدم الثبات و دول اعتقد تغيرهم افضل من اي محاولة للتصليح
و لما تروح لبتاع الزوايا بالمرة تظبط زوايا خلفي او تظبط امامي و خلفي بعد ما تغير السوست و انشاء الله العربية تبقي كويسة

**mohamed777** · 16-08-2009 10:56 AM

انا فعلاً حاسس انها سوت بدليل انها لما بيركب فيها اوزان تقيلة العربية بيكون ثبتها ممتاز ولما امشى على طريق مكسر او مليان ظلط مش بحس باى حاجة من الطريق....الكلام ده فى حالة انها مليانة 5 راكب

ولما بكون فيها لوحدى بحس بالمطبات اوى وبتتنطط منى على الاخر

يعنى لما بتكون مليانة زى ما تقول كده مكتومة على الارض زى اللي مفطس واحد

معلش عاوز اوصل الاحساس والمشكلة بكل جوانبها

**aYaBooY** · 16-08-2009 11:47 AM

المفروض السوست متكونش ناشفة علشان تاخد و تدي في المطبات و متاثرش على الشاسيه
و برده متبقاش طرية و العربية تنزل على الارض لما تحمل
المفروض تكون مظبوطة علشان تاخد و تدي في المطبات و تتحمل لما الركاب يزيدوا و تقاوم تاثير الهواء لما تجري بالعربية و هيا فاضية و متعدش تعوم
بس المفروض بتاع زوايا يكشفلك على العربية و ده بيكلف 10 جنيه و يقولك تعمل ايه و بعد كدة ترجعله يظبط الزوايا

الموضوع: تحسين الثبات - ارجو المساعده

LinkBack

أدوات الموضوع

عرض

تحسين الثبات - ارجو المساعده - انشر الموضوع فى :

-

-

-

-

-

-

-

-

المواضيع المتشابهه

ارجو المساعده

ارجو المساعده ....

ارجو المساعده

ارجو المساعده بجد

ارجو المساعده

الكلمات الدلالية لهذا الموضوع

المفضلات

المفضلات

ضوابط المشاركة