الموضوع: عايز اعرف العربية دى تساوى كام

أنا هاقدر أتكلم فقط على العربية البونتو علشان هي اللي مجربها في العربيات التي بتسأل عليها
العربية البونتو عربية جميلة في الشكل ...... قطع غيارها معقولة و متوفرة بكثرة ......... عربية موفرة للبنزين جدا
عربية مش كبيرة من الداخل قوي بس بتاخد خمسة أفراد بس بتكون على الأرض لما تشيل فيها أحجام كبيرة :? :?
العربية واطية شوية يعني لو معدي مطب من المطبات اللي الناس بتعملها مش اللي الحكومة عاملها ...... و تكون العربية فيها مثلا أربع أفراد من الوزن الثقيل يعني مثلا كل واحد فيهم يكون 80 كجم فالعربية بتحك لو أخذت المطب مستقيم يعني لازم تاخد المطب بجنب شوية و بسرعة قليلة لتجنب الاحتكاك
أما لو لواحد أو معاك شخص وحيد في الكرسي الأمامي فدي مش مشكلة .
العربية عملية جدا و سهلة التصليح عند أي ميكانيكي محترم .......... و لها مركزين صيانة في القاهرة
أوماترا في جسر السويس و تلاقيهم غاليين شوية ......... و المركز الثاني هو النيل الهندسية بأبورواش قرب القرية الذكية على طريق مصر اسكندرية و في ظهر كارفور داندي مول اللي قبل البوابة الأولى على طريق اسكندرية
أما الأوبل كورسا أنا لا أرشحها ......... فأنا لم أجربها ولكن هي سيارة صغيرة جدا و أصغر من البونتو و لو قطع غيارها أغلى من البونتو دي تبقى مشكلة .
أما عن ثمن السيارة المعروضة عليك فممكن يكون حوالي من 46 إلى 48 ألف جنيه مصري و حسب حالتها و ممكن تنزل ل 45 و زي ماقلت حسب حالتها

very great car

فعلا هى عربية كويسة وسعرها من 40 الى 45 حسب الحالة