الموضوع: عايز لاب توب ؟؟؟؟برجاء الافادة ...

المشاركة الأصلية كتبت بواسطة superiorboy

اه صحيح انا نسيت اللينوفو الجهاز ده كلمة محترم تكون قليلة عليه هو مع اختي و بصراحة الجهاز ممتاااااااااااااااااااااا ااااااااااز
بالنسبة لل hp الناس مشتكتش بس من البطارية لأ و الشاحن برده بيبوظ بعد ال6شهور ضمان بتاعو و ال usb مع واحد صاحبي عمال يهيس
و نصيحة متشتريش لابتوب جاي عليه نسخة ويندوس علشان بتغلي ثمنو قوي لو لينكس هيبقى ارخص و يا سلام بقى لو دوس
بالنسبة لل1525 انا لا احبذ الinspiron في ال dell لانو بيعتبر اضعف حاجة في ال dell و عاوز تتأكد ممكن تشوف اي لاب dell inspiron و حرك شاشته بصباعك حاجة صغيرة هتلاقيها عمالة ترقص معاك في حين لو جربت ده في dell vostro مثلا او lenovo موش هتلاقي القصة دي بس برده مش وحش يعني
القصة بتاعة dell inspiron ان dell حبت تعمل حاجة شكلها حلو و في نفس الوقت قوية فمعرفتش تعمل الحاجتين دول و لو جيت بصيت على ال inspiron هتلاقي شكله حلو و الوانه حلوة و كدة لاكن لو جيت تشوف الvostro ولا ال latetude هتلاقي شكلهم ضاااااااااايع ولونها مسئلة ازواق
انا معايا dell vostro 1510 الجهاز ممتاز و بطاريته ممتازة بتقعد تقريبا 3 ساعات على ال balanced مش ال power saver كمان
الacer مجربتوش قوي بس بحس انو مش قد كدة مع احترامي ليه كجهاز
الdell يتميز كمان بالضمان بتاعه ليه شركتين في مصر quest و bdl ال vostro ضمان 3 سنين مع bdl و بصراحة انا مجربهم ناس محترمة جدا
و الاهم من ده كلو اعمل استخارة قبل ما تشتري

شكرا يا باشا قوي وبالنسبة للينوفو انا شفته في كارفور وطبعا كله صيني بس مركزتيش في اسعاره وموديلاته بس معلش يعني الاولوية للديل ولا للينوفو ؟؟؟؟مع العلم اني عايز جهاز يكون فيه معظم الامكانيات من بلوتوث وواي فاي وكاميرا ومخرج تي في وكارت شاشة عالي شوية وطبعا في حاجات تانية ممكن انا معرفهاش ياريت لو تقولهالي علشان محدتش ينصب عليا ولك جزيل الشكر ومعلش اسئلتي كتير بس مليش قوي في مكونات وامكانيات اللاب توب مقارنة بالعادي وبقالي فترة مش متابع