الموضوع: ارجو المساعده من كل خبرأ دايــهاتســو.

انا رأيي تمهل في الشراء لحد ما تشوف رأي الزملاء و تفكر فيه بمزاج عشان متتسرعش ده شراء عربية برضه يعني كل فين و فين اما بتجيب أو تغير عربية فا علي أقل من مهلك عشان تاخد القرار السليم .

و مشكلة علبة الدركسيون لسة متحلتش فا لسة مش عارفين الوضع إيه .

بس مبدئياَ موتور العربية حلو جداَ .. و تسارعه عظيم بالنسبة ل 1300 سي سي خاصة المانيوال .. يمكن صوته خشن شوية عشان السير جنزير .. عفشة العربية حلوة و مدياها ثبات إنما ناشفة .. يعني تحس بالشارع و الأرض أكتر من عربيات تانية .. و مش عارف دي حالة فردية ولا لأ بس انا إحساس إن العربية عفشتها متماسكة و one piece قل عندي عن ما كانت أجدد من كدة .

فا الموتور مش هيقول معاك لأ .. الثبات حلو .. عفشة حلوة بس ناشفة .

عيوب السيريون بصراحة :

1- موضوع علبة الدركسيون
2- العفشة ناشفة
3- الدهان ضعيف .. جميل و ألوانه حلوة بس قوة تحمله في الصدمات و الخدشات مش حلوة أوي .
4- عزل الروائح مش عظيم أوي و إنت قافل دخول الهوا من الخارج .
5- الفتيس المانيوال خشن و مش سلس .

بالنسبة للسعر انا شايف سعرها الحالي كتير عليها بصراحة .. بس ده حال عربيات كتير في مصر .. يعني نظام بلد للأسف .. تدفع أكتر من قيمة السلعة بكتير و متاخدش قيمة مناسبة للفلوس اللي دفعتها .