الموضوع: قناة الحياة قناة متضاربة

بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين

اولا كل سنة والمنتدى طيب بكل اداراته بكل اعضاءه

نظرا لان والدتى بتحب قناة الحياة عشان البرامج الدينية الى بتجيبها

امبارح فى برنامج اسمه الدين والحياه جايبين شيخ وعملين حلقة وكله تمام
ست اتصلت بتسئل الشيخ ان فى رمضان باذن الله بعد اتمام كل العبادات وقرائة القران والصلاة والصوم والتروايح هل ممكن اعد اتفرج على المسلسلات الى بحبها؟؟؟

الشيخ استعجب جدا وقالها
اصلا رمضان مفيهوش وقت اصلا عشان نلحق نخلص كل الى ورانا من عبادات وهكذا ولو كنتى خلصتى كل الى وراكى مكن تتفرجى بس مضيعيش فرض او سنة فى رمضان على حساب المسلسل

بعد كدة الشيخ بيكلم المذيعة بيقولها ان القنوات بتبقا عملة اتفاق مع بعضها ان اول ما القناة ديه تخلص المسلسل تقلب على القناة التانية تلاقى مسلسل يبدا

وانا اعد بقول لولدتى طب ما الشيخ ده طالع على قناة اصلا كدة
فى نفس اليوم بليل برنامج جايبينه ومذيعة تانية خالص اعدة وعمالة تقول اسامى المليون مسلسل الى جايبينه
احب اوضح حاجة ان قناة الحياة ليها ثلاثة قنوات واحد عادية والتانية للبرامج والتالتة للمسلسلات
المذيعة اعدة عمالة تعيد وتزيد فى اسامى المسلسلات الى حيجيبوها فى رمضان
ولما فتحوا التلفيونات بنت اتصلت بتقول انا بحب اوى قناة الحياة ومش عارف ايه والمسلسلات الى بتجيبها
المذيعة بتسالها انتى بتحبى تتفرجى امتى على المسلسلات بعد الفطار ولا قبليها
البنت بتقولها بعد الفطار : من بعد الفطار بقضيها برامج لحد العشاء وبعد كدة مسلسلات

شوية واتصل واحد تانى بيقولها ان بكلمك من الصعيد الجوانى وكلنا بنحب قناة الحياة ومش بنقوم من عليها احنا وكل البلد

ازاااااااااااى حد يفهمنى ازاى ده وده

فى الترليون اعلان الى بيجيوه جايبنلك اعلان:
عشان متهوش بين ده وده وزحمة المسلسلات خليك هنا
على قناة الحياة
بتاع 8او9 مسلسلات غير كام سيت كوم وغير لعبة deal or no deal
انا عايز اعرف بس
المهندس الى جبوه يوضبلوهوم مواعيد عرض المسلسلات بين التلت قنوات
ده اكيد مش بنى ادام طبيعيى عشان يقدر يوضب اوقات عرض المسلسلات
كمان لازم يوضبهم بحيث ان ده يخلص التانى يبدا وهكذا عشان يبقا اكتر نسبة مشاهدة

قمال امتى بقا الصوم والتراويح والقران والعبادات؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟
انا بجد حتجنن من القناة ديه
حد يفهمنى