طلعت على الرصيف !!!!

**moudy88** · 12-08-2009 06:05 PM

الحمد لله على كل شئ ... امبارح الساعه 1 بالليل كنت مروح البيت وقبل كوبري القبه بشويه ركنت على اليمين ...وبعدين كملت علشان اطلع الكوبري وكان فيه عربيه مزنقه عليا ونتيجه لاني مش نايم ومرهق جدا جيت اطلع الطوبري طلعت على الرصيف الفاصل بين الكوبري الطريق والعربيه نطت من على الرصيف وطبعا اتكحتت من تحت جامد ...والعربيه مشيت عادي ومفيش اي حاجه ...ايه اللي ممكن يكون حصل من تحت وايه الاضرار اللي ممكن تحصل ..وبعدين انا متهيالي اني سمعت صوت شخلله من تحت

**waleedraafat** · 12-08-2009 07:44 PM

الحمد لله وحصل خير انشاء الله، ارفع العربية عند بتاع زوايا وشوف ايه الي ممكن يكون حصل وانشاء الله بسيطة وراجع علي الشكمان لانه في الجانب الايمن للسيارة (البتاعة دي الي شبه الشبكة الي في اول الشكمان واطية جدا وقريبة من الارض)

**A.Saad** · 12-08-2009 09:03 PM

ابقى شيك على مستوى الزيت والمياة
ممكن ان خبطات تاثر على طبة الزيت وتوقعها

**Samah AbdAllah** · 12-08-2009 11:28 PM

حمدالله على سلامتك وان شاء الله بسيطة وابقا ارفعها وطمنا ايه الاخبار

بس هو الشكمان ممكن يكون اتضر من الخبطة اكتر من اى حاجة شوف وقولنا

**abo_lamar** · 13-08-2009 12:31 AM

الف سلامة ليك يا باشا .. يستحسن تكشف على العربية عند عفشجي عشان يشيك على العفشة كلها

**MMamdouh** · 13-08-2009 01:48 AM

طالما العربية مسخنتش ولا البنزين قبل جامد و الفرامل تمام يبقى الخبطة مجتش فى مواسير الفرامل ولا كارتيرة الزيت ولا مواسير البنزين

غالبا الكارتيرات الفبر اتكسرت و بتحك فى الارض

بص برضة على العتب عشان ممكن يكون اتضرر

لو صوت الشكمان على يبقى ممكن حصل كسر فى المواسير او علبة من العلب

MMamdouh