الف شكر يا باشمهندس حاتم على ذوقك وأخلاقك في التعامل معي ومع الناس وعلى صبرك لسماع تفاصيل المشاكل الموجودة بالسيارة وعلى ضميرك الحي في العمل على حل كل المشاكل اللي في السيارة وديه شهادة حق وشكر واجب مني ولك كل تقدير واحترام.:Ta_clap[1]:
عرض للطباعة
الف شكر يا باشمهندس حاتم على ذوقك وأخلاقك في التعامل معي ومع الناس وعلى صبرك لسماع تفاصيل المشاكل الموجودة بالسيارة وعلى ضميرك الحي في العمل على حل كل المشاكل اللي في السيارة وديه شهادة حق وشكر واجب مني ولك كل تقدير واحترام.:Ta_clap[1]:
ربنا يوفق و يكتر من امثاله
متشكر ليك يابشمهندس ماجد أنا بجد معملتش أكتر من شغلى وده حقك إننا نسمع لشكوتك ونحلهالك بكل سهولة وإحترام
وبجد فرحان إنى شوفتك فى المنتدى من تانى.منور المنتدى كله ياهندسة.وياريت لو تطمنى على حالة السيارة أول بأول ومعاك تليفونى فى أى وقت يشرفنى إتصالك
شكرا ليك أخى Mohammed Osman وجزاك الله خيرا
و الله يا جماعه كل شوية
بتخلونى افكر جديا اجرب مركز صيانة السبع فى الصيانة اللى جاية (55 الف ان شاء الله)
مكدبش عليكم
يونايتد مابقاش من وجهة نظرى زى اول ما فتح و مش عايز اقارن علشام ما روحتش غيره حتى لا تكون مقارنه ظالمه
و برضه تبقى فرصه اقابل مهندس حاتم
ربنا يجعلها من ميزان حساناتك
هوا فين مركز السبع عشان ابن عمى عايز يعمل صيانة ال 5000 الاف
انا كنت هناك ولسه راجع بصراحه معرفش اوصفه خالص .قالولى انه وراء كارفور وبجوار نادى دجله ومشيت ومشيت ومشيت وسط مبانى واراضى لسه حتتبنى وشوارع مكسره ويمين وشمال واخيرا وقـفت عربيه نيسان فى وسط الشارع قالتلى استمر ومشيت واخيرا سألت شاب عن نادى دجله قالى على اليمن واخيرا لقيته بجانب النادى . فنصيحه تروح قبل الميعاد بساعه علشان تعمل حساب التوهان والشوارع المكسره.بالنسبه للخدمه جيده والاستقبال محترم.
انا لسه راجع من هناكاقتباس:
المشاركة الأصلية كتبت بواسطة momobarak
عملت صيانة الألف للنيسان ليفينا
ناس محترمين جدا بس المركز بيطوره لسه وان شاء الله على الصيانة الجاية هايبقى تحفة ان شاء الله
اما عن الطريق ففعلا زبالة قوى
مش عارف ازاى ده مدخل نادى وادى دجلة !!!!!!!!!!!!!!!!
السلام عليكم و رحمة الله و بركاته
انا انشاء الله حجزت بكره فى مركز السبع و دى أول مرة أروح هناك و كان ليه شوية استفسارات و مش عارف ليها حل فى مركز السبع و لا لأ ....
أولاً : كتيب الضمان ضايع و الصيانات اللى فاتت كنت بعملها فى يونيتد و قالولى مش مشكلة طول ما معاك الفواتير بتاعة الصيانة فهل إذا كنت حغير للسبع لازم اخد الفواتير معايا.
ثانياً : لون المرايات قشر لوحده فهل ده عيب فى العربية و لا ليه حل.
ثالثاً : صوت الدبة اللى فى الناحية الشمال .؟
رابعاً : زراير الزجاج الخلفى لا تعمل و بلغت التوكيل عليهم و قالى ده من قلة الاستعمال. هل ده صحيح...؟
خامساً : عندى خرابيش مسامير فى الدهان هل علشان تتعالج لآزم ارش العربية كاملة ...؟؟؟
ياريت لو فى حد يعرف يطمنى ....
و شاكر مقدماً
السلام عليكم ورحمة الله وبركاته
أستاذ /osama_i يشرفنا وجودك معانا فى مركز السبع وانضمامك لاسرة نيسان
أولا:
طول مافواتير الصيانات السابقة موجودة مفيش مشكلة بس لو محتاج الكتاب نجيبه من نيسان مفيش مشاكل ايضا ومعلش هنتعبك كل صيانة تشرفنا لازم يبقا معاك الفواتير دى كاملة خصوصا لو فيه مشكلة خاصة بالضمان
ثانيا:
بالنسبة للون المرايات عايز اعرف العربية موديل كام وعاملة كام كيلو متر واشوف المرايات نفسها هل ده من خير شوارعنا المصرية ولا ده فعلا عيب صناعة ولا ايه
ثالثا:
صوت الدبة اللى فى الناحية الشمال لازم اجربه عشان احدد العيب
رابعا:
زراير الزجاج هكشفلك عليها الاول لو من الركنة او قلة الاستخدام هتتنظف هتشتغل لو مشتغلتش نغيرها متقلقش.لازم افك ايضا
خامسا:
بالنسبة للخدوش مش عشان خدش هرش العربية كلها ممكن ارش مكان الخدش بس وبدون فرق لون او اى حاجة بس دى بتاخد يوم كامل او اكتر على حسب التجهيزات للخامات والالوان وهنحدد ايضا لما نشوفها
فى انتظارك غدا إن شاء الله لحل جميع المشاكل
م/حاتم فوزى الدرجلى
مهندس إستقبال نيسان
السبع أوتوسيرفس
طبعا عاجزين عن شكر م/حاتم فوزى
و لى استفسار صغير
ارجو ان تشرح كيف اذهب الى السبع
انا باجى من السويس و ادخل الدائرى من عند التجمع الخامس
انزل من انهى نزله و امشى ازاى
--
حاجه تانيه
انا سمعت ان فى السبع الزيت المستعمل هو شل
و انا باحط موبيل1
يا ترى فى مشكله
--
انا باروح صيانه كل 10000 "صعبه حكاية الـ 5000 دى"
و بروح مع تغيير الزيت و بدأت عند 5000
يعنى باغير 15000 و 25000 و هكذا
وفى يونايتد قالولى مافيش مشكله تيجى فى الكسور و نعملك صيانة اللى قبلها
يعنى مثلا اخر مرة روحت على 45000 و عملوا صيانة 40000
و قالوا ان صيانات ال 5000 دى ربط عفشه و حاجات بسيطه
يا ترى ايه النظام معى
--
اخر سؤال "معلش استحملنى"
انا اكتر حاجه باحبها فى يونيتد انى باروح من غير حجز من 2007 الى الان
لانى ماليش مواعيد معينه فى شغلى و سفرى
يا ترى فى السبع لازم حجز و بيبقى من قبلها بكم من الفترة الزمنيه
الف شكر يا باشمهندس
السلام عليكم ورحمة الله وبركاته
أخى/MTAK كل سنة وإنت طيب
وإنت جاى على الدائرى خليك لحد ماتوصل كارفور هيبقا على شمالك وانت سايق كمل قدام شوية واسال على نزلة الاوتوستراد
هتنزل الاوتوستراد ومن الاوتوستراد هتبدا تسال على دخلة زهراء المعادى قريبة مش بعيدة
او لو فيه حاجة توصلك لكورنيش المعادى ومن المعادى هتوصل برده للزهراء
خلينا على تليفون وإنت جاى وهوصفلك الطريق فى التليفون هيكون أوضح
ثانيا:
الزيت المستعمل عندنا فعلا شل هو زيت ينافس الموبيل ومفيش منه اى شكاوى
لو انت حابب تجيب زيت موبيل معاك من اى محطة بنزين اوك مفيش مشاكل
ثالثا:
هتشرفنا بكيلومتر 55000 إن شاء الله وهنعمل صيانة ال 50000 مفيهاش أى مشاكل
رابعا:
اخر حاجة -الحمد لله-هستحملك وامرى لله.ههههههههه
لو إنت عارف قبلها هتعمل الصيانة امتى ومستقر خلاص مفيش مانع نتبع النظام ونحجز مع- أ/رغدة -0100050700
أما لو الظروف إضطرتك إنك تيجى فجأة أكيد مش هنرجعك - مش وحشين أوى كده. هتشرفنا وكفاية عليك المشوار
هتشرفنا يادكتور محمد وفى إنتظار حضرتك فى صيانة ال50000 كم
باشمهندس ALsab3 http://www.nilemotors.net/Nile/image...ser_online.gif
لا اجد ما اقوله
بجد بجد
الف شكر
انا حاليا 51000 و متوقع ان شاء الله اخلص الـ4000 الباقيين كمان شهر و نصف او شهرين
اكيد هاكلم سيادتك و انا فى السكه
اشكرك مرة اخرى شكرا جزيلا على ما ذكرته
و كمان اشكرك على ذوقك الرفيع فى رسالتك على الخاص