الى اصحاب الدايو نوبيرا بكل موديلاتها...استطلاع

**ahmad--ezzat** · 24-09-2009 04:54 PM

انا عن نفسى بحط موبيل ال 5000 واهو شغال والتوكيل بيشتغل بيه ومعظم العربيات

**samourai** · 24-09-2009 05:02 PM

بس يا أحمد أنا سمعت أن ال أكس أتش بيه أضرب أنا زيك بحطه وكنت بغيره عند 3000 كم بس بس ناوى أغيره لأنى حاسس انه بيسود بسرعه وناوى على بشل هايلكس الأصفر الناس كلها بتشكر فيه وحتى فى توكيل كيا أبن عمى لما راح لقاهم بيستخدموا الشل وليس الموبيل

**ahmad--ezzat** · 24-09-2009 05:08 PM

هو سعر ال xhb بالظيط 145 جنيه فى التوكيل...والموبيل كان ب 260 ...شل الاصفر انا معرفش عنه حاجه ومش موجود فى التوكيل...هو ممكن يكون افضل بس انا بستخدم الموجود وخلاص :)
انا اللى مخلسنى ماشى مع التوكيل الضمان فقط ........

يرجى مراعاة الدقه فى أختيارألفاظ التخاطب

مشرف القسم

**samourai** · 24-09-2009 05:15 PM

موبيل xhp سعره بره 105 جنيه فقط شامل خدمته أما شل الأصفر هايلكس سعره 100 جنيه شامل الخدمه والفلتر الجى أم صناعة كوريا كان 15 جنيه وبقى 17 جنيه هو 145 جنيه اللى انت بتتكلم عنها شامله الفلتر؟؟؟؟؟؟؟؟؟؟ ولا لأ علشان لو مش شامله يبقى أفترى بصراحه

**ahmad--ezzat** · 24-09-2009 05:19 PM

لا مش شامله الفلتر دة سعره فقط فى التوكيل...وعندى الفاتوره اهى....لانى حطيته فى صيانه ال 1000 وبعد كده بقيت احط موبيل

**samourai** · 24-09-2009 05:23 PM

معلش أستحمل هتعمل أيه

**ahmad--ezzat** · 24-09-2009 05:25 PM

حد يقترح عليا اعمل ايه فى الموضوع دة
http://www.nilemotors.net/Nile/96857-a.html

**merosss** · 26-09-2009 12:11 PM

المشاركة الأصلية كتبت بواسطة Ahmed20_08nubira

حد يقترح عليا اعمل ايه فى الموضوع دة
http://www.nilemotors.net/Nile/96857-a.html

انا كمان عندى بالضبط ذى الى عندك كدة صوت دبة بسيطة مع المطبات والنقر ورحت التوكيل فى صيانة 15 الف وقالولى العربية مفيهاش حاجة ومع ان اجزاء العفشة مش فى الضمان وهتتغير على حسابى وفى نفس الصيانة دة غيروا بلى العجل الخلفى فى الضمان فمعتقدش انهم غيروا بلى العجل الى على الضمان وسابوا حاجة بايظة انا هدفع تمنها . وواحد قريبى معاة نوبيرا 2006 قالى صوت العربية عادى كدة و كمان انا عندى صوت الدبة ورا يمين ذى ما الاستاذ waleedraafat قالى فى الموضوع الى فوق بالضبط

**Morieno** · 26-09-2009 03:16 PM

قبل اى كلام كل سنه وانتم طيبين ونحمد الله على عودة الروح فى المنتدى بعد غيبة رمضان والعيد

تعااااااااااااااااااااااا ااايش يا ريييس
الدبه ورا مش يمين بس .... بس انت بتسمعها يمين عشان وضعيتك جوا العربيه .... انت راكب فى الشمال اى صوت حتى لو فى النص هتسمعه بودنك اليمين اكتر ..... جرب تقعد فى اليمين وتخلى حد يسوق بيك هتسمع الدبه شمال

بعض الخبراء قالولى لو عاوز تخلص من القصه دى غير المساعدين بطقم مونرو ... لييييييييييييييه
لأن النوبيرا عربيه رفاهيه فالمساعدين اللى فيها طريه وحنينه فهى مش معموله للهبل اللى احنا عايشين فيه ومن الناحيه التانيه هتلاقى العربيه دى فى الشوارع النضيفه حرير وتتمنى تركبها
المهم المونرو قاسيه وتستحمل الهبل دا

بس خلاص

**Morieno** · 26-09-2009 03:27 PM

المشاركة الأصلية كتبت بواسطة ahmed20_08nubira

هو سعر ال xhb بالظيط 145 جنيه فى التوكيل...والموبيل كان ب 260 ...شل الاصفر انا معرفش عنه حاجه ومش موجود فى التوكيل...هو ممكن يكون افضل بس انا بستخدم الموجود وخلاص :)
انا اللى مخلسنى ماشى مع التوكيل الضمان فقط

الـ hxp بـ 100 جنيه "مغشوش فى معظم الاماكن او انك تروح تشتريه من شركة موبيل
الـ شيل الاصفر 98 جنيه وده كويس وتقريبا هيتغش قريب جدا
ليييييييييييييييييييييييي ييه
لان الفكره هى ان لما الزيت بياخد حقه فى السوق فالجماعه اللى بيغشوا بيغشوا الماركه اللى اتشهرت دى
قبل ما يضربوا الاتش اكس بى كان بجد وعن تجربه احسن حاجه فى السوق ..... يالا .... ربنا يعوض

انا اعرف واحد - فى مكان ما لعدم التشهير- مطلع سجل تجارى بنشاط تعبئة مواد بتروليه - وعلى فكره الموضع شكله يخض بس هى مجرد تصريح بنشاط وبتسجل علامه تجاريه باسم اى حاجه "زيت عم حنتيره" ويعبى اربع جراكن فى السنه مكتوب عليهم عم حنتيرهوباقى الزيت اللى عنده بيتعبى فى جراكن موبيل وانواع تانيه ... وعشان تقليل التكلفه فى الجراكن بيجيهم من نوع واحد "واليومين دول يومين الموبيل"
بس يا ريس وعنده كل مستلزمات التعبئه اللى هيحتاجها ورسمى ولكن عند حدوث اى كبسه ... هوب .... تطلع جراكن عم حنتيره وتستخبا موبيل والالعن بقى ان بيستخدم جراكن نفس الشكل اللى يعبى فيها موبيل هيا عم حنتيره بالظبط

ودمتم ذى الفل

مشاهدة نتائج الإستطلاع: ايه رايك؟

الموضوع: الى اصحاب الدايو نوبيرا بكل موديلاتها...استطلاع

LinkBack

أدوات الموضوع

عرض

-

-

-

-

-

-

-

المواضيع المتشابهه

استطلاع : معلى عربيتك الدايو ولا لا

استطلاع عن (عدد) اصحاب اللانسر حسب اختلاف الموصفات.......

عضو جديد مع اصحاب الدايو

مشكله فى سحب عربيتى الجوليت يا اصحاب الخبره فى الدايو ويا بشمهندس ممدوح

استطلاع الى اصحاب النيو اكسنت

الكلمات الدلالية لهذا الموضوع

المفضلات

المفضلات

ضوابط المشاركة