نصائح الوحوش لعضو جديد

**أبو أدم** · 16-08-2009 06:05 PM

المشاركة الأصلية كتبت بواسطة test50

معنى كلام حضرتك فى حاله الشراء من توكيل رينو مش عن طريق موزع
-عقد بيع من رينو الى المشترى....وهل يجب تن يكون مسجل فى الشهرى العقارى
-شهاده بيانات للسياره من المرور التابع له التوكيل----وهل يقوم المشترى باستخراجها ام المشترى
-ورقة رقم الشاسية و الماتور و الموديل بخطاب موجه للمرور اللى انت تابع له ---------من توكيل رينو

ارجو تعليق حضرتك.......................
وفبه سؤال تانى....
حضرتك رايك ان المشترى لازم يرجع على على كل حاجه فى العربيه .........هو انا رايح اشترى عربيه
مستعمله ولا زيرو ....يعنى انا واحد معلومتى بسيطه فى العربيات ايه الحل............اخد معايا سمكرى
وميكانيكى ولا ايه.....................

شوف يا أخى

أولا : ورقة عقد البيع من التوكيل او الموزع + ورقة الخطاب المروري الموجه من المعرض او التوكيل الى قسم المرور اللى انت نفسك هاترخص فيه
دول بيعملهم الموزع ويديهم لك

ثانيا : ورقة شهادة البيانات للسيارة ... فى الغالب انت اللى بتعملها من مرور بين السريات (( خاص بالقاهرة و الجيزة )) أو تتفق مع الموزع يعملها لك ...

ثالثا : بالنسبة لعقد البيع بتاعى مثلا انا اشتريت من موزع معتمد لرينو (( محمد ذكى )) علشان كدة جالى عقد البيع من رينو لى على طول من غير محمد ذكى كاوسيط ... و انت بترخص فى المرور انت كدة بتسجل ملكية السيارة عندهم و العربية بتتكتب فى المرور انك انت اول مالك ليها حتى لو جه بعدك مليون يعنى انت اول واحد فى دوسيه العربية خلاص .. تمام كدة

بالنسبة للسوال 2

زي ما أخونا أحمد كمال الله يبارك له اضاف كمان نقط مهمة ... ليه لازم تراجع على الزيرو فى كذا حاجة زي الاضاءة و العدة ... ؟؟

1-علشان فى حاجات بتتقلب (( تتسرق )) من الصنيعية زى الولاعة و الاريل و الكتالوج .. ويروحوا يبيعوها

2- ممكن العربية و هى بتتجرب حد يخربشها ود ة حصل مع ناس كتير علشان كدة لازم تبص عليها من كل حتة

3- اخيرا ودة قليل ممكن يكون فى حاجة نازلة فى العربية مش متظبطة ز ي فانوس بايظ - راديو مش شغال - زجاج كهرباء معلق

المهم حرص و متخونش فى ظل سباط الضمير... يعنى تبص بصة كدة مش محتاجة و لا سمكرى و لا ميكانيكى

**أبو أدم** · 16-08-2009 06:26 PM

المشاركة الأصلية كتبت بواسطة ash257

التأمين حلال شرعا بفتوى دار الأفتاء المصرية رقم 17075
وممكن أي حد يتأكد من اللنك
ط¯ط§ط± ط§ظ„ط¥ظپطھط§ط، ط§ظ„ظ…طµط±ظٹط© - ط§ظ„ط§ط³طھط¹ظ„ط§ظ… ط¹ظ† ظپطھظˆظ‰ ط³ط§ط¨ظ‚ط©
ويدخل رقم الفتوى
والله تعالى أعلى واعلم

جزاك الله خيرا يا أخى ..

بس اظن الموضوع عايز شوية بحث عن كدة _ دة اذا كان الواحد عايز يتحري الحلال والحرام عن موضوع مهم زي دة اختلف فيها علماء المسلمين جميعا (( و اغلب قراءتى لهم بعدم الجواز )) و الله اعلم .

أنا عن نفسى لما ابحث جيدا فى الموضوع دة .. لانها تحتاج الى فقه جيد باحكام البيوع و كيفية شرعية كتابة العقود بين المتعاقدين فى الاسلام ؟؟؟؟

اما لو ان الواحد أعتمد على فتوي دار الافتاء المصرية واطمئن لها من غير استباحة فلا شك البته انهم من أبرز علماء الامة _(( ولى اصدقاء من علماء الازهر كتير ربنا ينفعنا بعلومهم و يبارك فيهم نعم الناس )) _ و له كل الحق بالاخذ بها و الله حسيبه يوم الدين .. والله اعلم

وشكرا لك تانى لانك حفذتنى ان اشوف الموضوع دة كان نفسي ابحث فيه من زمان
وشكرا لك على اللينك بتاع علماؤنا الافاضل

والله يهدى للحق بإذنه

**أحمد كمال** · 16-08-2009 09:07 PM

المشاركة الأصلية كتبت بواسطة test50

معنى كلام حضرتك فى حاله الشراء من توكيل رينو مش عن طريق موزع
-عقد بيع من رينو الى المشترى....وهل يجب تن يكون مسجل فى الشهرى العقارى
-شهاده بيانات للسياره من المرور التابع له التوكيل----وهل يقوم المشترى باستخراجها ام المشترى
-ورقة رقم الشاسية و الماتور و الموديل بخطاب موجه للمرور اللى انت تابع له ---------من توكيل رينو

ارجو تعليق حضرتك.......................
وفبه سؤال تانى....
حضرتك رايك ان المشترى لازم يرجع على على كل حاجه فى العربيه .........هو انا رايح اشترى عربيه
مستعمله ولا زيرو ....يعنى انا واحد معلومتى بسيطه فى العربيات ايه الحل............اخد معايا سمكرى
وميكانيكى ولا ايه.....................

لا مش في الشهر العقاري

بيبقى مختوم بختم نسر المرور

مش مستاهلة سمكري و ميكانيكي

بس ساعات فيه حاجات بيستعبطوا و يضربوها (مفتاح عجل مثلا)

و ساعات بيتعمل تست درايف للعربية كتير

و ساعات بتتحك و هي نازلة من التريلا داخلة المخزن او المعرض

و ساعات بتتخبط و هي متساقة من الوكيل للموزع

الخ الخ

انا واحد صاحبي جاب بيجو 307 sw من وجيه اباظة و كان الفانوس مشروخ و اجبرهم يكتبوا في محضر التسليم عشان يغيروا له الفانوس في الوكيل (و طلعوا عينه بعديها)

المشاركة الأصلية كتبت بواسطة architect_a

شوف يا أخى

أولا : ورقة عقد البيع من التوكيل او الموزع + ورقة الخطاب المروري الموجه من المعرض او التوكيل الى قسم المرور اللى انت نفسك هاترخص فيه
دول بيعملهم الموزع ويديهم لك

ثانيا : ورقة شهادة البيانات للسيارة ... فى الغالب انت اللى بتعملها من مرور بين السريات (( خاص بالقاهرة و الجيزة )) أو تتفق مع الموزع يعملها لك ...

ثالثا : بالنسبة لعقد البيع بتاعى مثلا انا اشتريت من موزع معتمد لرينو (( محمد ذكى )) علشان كدة جالى عقد البيع من رينو لى على طول من غير محمد ذكى كاوسيط ... و انت بترخص فى المرور انت كدة بتسجل ملكية السيارة عندهم و العربية بتتكتب فى المرور انك انت اول مالك ليها حتى لو جه بعدك مليون يعنى انت اول واحد فى دوسيه العربية خلاص .. تمام كدة

بالنسبة للسوال 2

زي ما أخونا أحمد كمال الله يبارك له اضاف كمان نقط مهمة ... ليه لازم تراجع على الزيرو فى كذا حاجة زي الاضاءة و العدة ... ؟؟

1-علشان فى حاجات بتتقلب (( تتسرق )) من الصنيعية زى الولاعة و الاريل و الكتالوج .. ويروحوا يبيعوها

2- ممكن العربية و هى بتتجرب حد يخربشها ود ة حصل مع ناس كتير علشان كدة لازم تبص عليها من كل حتة

3- اخيرا ودة قليل ممكن يكون فى حاجة نازلة فى العربية مش متظبطة ز ي فانوس بايظ - راديو مش شغال - زجاج كهرباء معلق

المهم حرص و متخونش فى ظل سباط الضمير... يعنى تبص بصة كدة مش محتاجة و لا سمكرى و لا ميكانيكى

اضافة بسيطة

شهادة البيانات هي اثبات ملكية الوكيل للسيارة و افراج المرور

و بتستخرج من المرور التابع له الوكيل بغض النظر عن محل اقامتك او مرورك (رينو = بين السرايات, متسوبيشي = بولاق, غبور = أكتوبر ...... الخ) مش للقاهرة و الجيزة بس .....

في العادي انت اللي بتطلعها بس فيه معارض و توكيلات بيطلعوها (انا ضغطت على توكيل رينو و مشكورين طلعوها لي)

و لو انت مشتري من الوكيل بتحتاج الى جانب شهادة البيانات عقد بيع من الوكيل ليك مختوم من المرور

و لو مشتري من موزع يبقى شهادة البيانات + عقد بيع من الوكيل للموزع + عقد بيع من الموزع لحضرتك و التلاتة مختومين بختم نسر المرور

و لو من معرض غير موزع يبقى شهادة البيانات + عقد بيع من الوكيل للموزع + عقد بيع من الموزع للمعرض + عقد بيع من المعرض لحضرتك و الاربعة مختومين بختم نسر المرور .....

الخلاصة انك محتاج السلسلة بتاعة نقل الملكية تبتدي من المستورد/الوكيل لحد حضرتك و لازم تكون اول حلقة في السلسلة هي شهادة بيانات و اخر حلقة تكون لحضرتك ..... انا اشتريت من الوكيل فكانوا ورقتين بس (شهادة البيانات+ عقد من الوكيل ليا) ..... و قبل كده مرة اشتريت من موزع معتمد فكانوا تلاتة (شهادة البيانات + عقد من الوكيل للموزع + عقد من الموزع ليا) ......

**أحمد كمال** · 16-08-2009 10:28 PM

المشاركة الأصلية كتبت بواسطة r_gamal1

معلش فى حاجة بسيطه لازم تروح المرور مركب نمر تجاريه عليها وديه بتاخدها من المعرض اللى انت اشتريت منه

مش شرط ممكن تلم الورق كله و تطلع عالمرور و لو حد وقفك وريه الورق و قول له انا رايح المرور

**ramy_gamal** · 16-08-2009 10:33 PM

معلش يا جماعه يمكن النظام اتغير من سنتين او مرور اسكندريه رخم شويه

**أحمد كمال** · 16-08-2009 11:28 PM

المشاركة الأصلية كتبت بواسطة r_gamal1

معلش يا جماعه يمكن النظام اتغير من سنتين او مرور اسكندريه رخم شويه

بص يا سيدي

اخر سيارتين اشتريتهم ما جبتش لوح تجارية

الاولى استلمتها من المهندسين و سفتها لحد مدينة نصر و ركنتها تحت بيت الوالد و غطيتها لحد ما جبت الورق تاني يوم و قعدت يومين مش فاضي لحد ما فضيت رحت مشيت من عنده لحد المرور في العباسية و محدش وقفني و لله الحمد

و التانية استلمتها من المعادي و ركبت الدائري نزلت مدينة نصر و رحت برضه على بيت الوالد و ركنتها و غطيتها و تاني يوم جبت الورق (كان يوم خميس) و يوم السبت رحت عالمرور دغري في العباسية و برضه محدش وقفني

بس مش عايز اقول لك ان واحد زميلنا طيب (اسكندراني) استلم عربيته من القاهرة و صمم يطلع بيها اسكندرية يرخصها هناك و طلع من غير لوح

و ده بقى وقفوه عالصحراوي و اضطر يرشي ب 200 جند عشان ما يسحبوش منه السيارة !!!!!!