نصائح الوحوش لعضو جديد

**alaaelmasry** · 13-08-2009 01:06 AM

الأخوة الأعزاء : وحوش الرينو
السلام عليكم ورحمة الله وبركاته وكل عام وأنتم بخير بمناسبة شهر رمضان المعظم أعاده الله علينا وعليكم وعلى الأمة الإسلامية بالخير والبركات ،يشرفنى أن أكون بإذن الله تعالى من ملاك الرينو هذه الماركةالعريقة وعضوا منكم فلقد حببتمونى فيهامن خلال متابعتى لمنتداكم الشيق ولذلك من حقى عليكم النصيحة فى الأمور :
1-إجراءات الإستلام وفحص السيارةوالأوراق الازمة للترخيص.
2-التأمين وماذا يتم فى حالة وقوع حادثة لاقدر الله.
3-فترةالتليين وعدد الكيلومترات الازمة.
4-أفضل أماكن الصيانة وقطع الغيار للسيمبول وغيرها من المعلومات اللازمه فى البدايات وجزاكم الله عنا خير الجزاء والسلام عليكم ورحمة الله وبركاته.

**أبو أدم** · 13-08-2009 01:21 AM

و عليكم السلام ورحمة الله وبركاته

واهلا و مرحبا بك ... فى قسم رينو المتميز ان شاء الله دائما وابدا

1- ها تستلم 3 اوراق مهمة جدا (( شهادة _مستخرج بيانات - و عقد بيع من رينو او الموزع لك - وورقة رقم الشاسية و الماتور و الموديل بخطاب موجه للمرور اللى انت تابع له ..))
طبعا وانت بتستلم العربية اتاكد من كل حاجة زي الكشافات و المساحات و تدور العربية و تطفيها و ودنك على الماتور
-تشوف الاستبن بتاعك نفس النوع اللى متركبك برة ولا لا ؟؟ و نفس النوع اللى انت اللى بينزل للسيمبول ولا لا ؟؟
-تشوف العدة و الاريال ....

اجراءات الترخيص ... تاخد الورق والعربية .. و تروح المرور اللى انت تابع ليه...
هناك هم يظبوطك .. تشتري ورق ترخيص مثلا 1 - 3 سنوات ... وبعدين تفحص ... وبعدين تامن اجباري (( الله يهديهم )) و بعدين تروح لموظفة الشباك ترخيص جديد هم هيحركوك و يجيبوك ... ويحسبوا عليك الترخيص تروح تدفع و تستنا النمر

2- لو قصدك التامين على العربية .. لا اظنها حلال شرعا فاستفتى فيها عالما
3- فترو التليين للسيمبول لا اعرفها وان كنت اظنها 3000 كم _ حتى ياتى ملاك السيمبول
4-التوكيل اولا و بالذات فى البداية و التزم بالصيانات الدورية و بعدين اعرف بتوع صيانة الكليو تقريبا نفس تكنولوجيا واجزاء ماتور السيمبول

والله اعلم

**أبو أدم** · 13-08-2009 01:25 AM

انت قرات الموضوع دة

http://www.nilemotors.net/Nile/58932-a.html

**alaaelmasry** · 15-08-2009 10:50 PM

شكر اجزيلا الأخ الفاضل أبو آدم وبارك الله فيكم جميعا

**أحمد كمال** · 15-08-2009 11:02 PM

ماتنساش الاتي كمان

تراجع الانوار

ماتنساش الكتالوج و دفتر الصيانة

ماتنساش مفتاح الجنوط لو العربية متجنطة

ماتنساش تراجع عالعربية و الفوانيس سنتي سنتي و تتاكد مفيش كسور او خدوش او تطبيقات

شوف العداد ماشي قد ايه

كود الكاسيت

**ash257** · 16-08-2009 02:10 AM

المشاركة الأصلية كتبت بواسطة architect_a

2- لو قصدك التامين على العربية .. لا اظنها حلال شرعا فاستفتى فيها عالما

التأمين حلال شرعا بفتوى دار الأفتاء المصرية رقم 17075
وممكن أي حد يتأكد من اللنك
http://www.dar-alifta.org/FatwaAnswer.aspx?LangID=1
ويدخل رقم الفتوى
والله تعالى أعلى واعلم

**AbO_FaRaH** · 16-08-2009 02:15 AM

المشاركة الأصلية كتبت بواسطة architect_a

و عليكم السلام ورحمة الله وبركاته

واهلا و مرحبا بك ... فى قسم رينو المتميز ان شاء الله دائما وابدا

1- ها تستلم 3 اوراق مهمة جدا (( شهادة _مستخرج بيانات - و عقد بيع من رينو او الموزع لك - وورقة رقم الشاسية و الماتور و الموديل بخطاب موجه للمرور اللى انت تابع له ..))

معنى كلام حضرتك فى حاله الشراء من توكيل رينو مش عن طريق موزع
-عقد بيع من رينو الى المشترى....وهل يجب تن يكون مسجل فى الشهرى العقارى
-شهاده بيانات للسياره من المرور التابع له التوكيل----وهل يقوم المشترى باستخراجها ام المشترى
-ورقة رقم الشاسية و الماتور و الموديل بخطاب موجه للمرور اللى انت تابع له ---------من توكيل رينو

ارجو تعليق حضرتك.......................
وفبه سؤال تانى....
حضرتك رايك ان المشترى لازم يرجع على على كل حاجه فى العربيه .........هو انا رايح اشترى عربيه
مستعمله ولا زيرو ....يعنى انا واحد معلومتى بسيطه فى العربيات ايه الحل............اخد معايا سمكرى
وميكانيكى ولا ايه.....................

**AbO_FaRaH** · 16-08-2009 02:16 AM

المشاركة الأصلية كتبت بواسطة test50

-شهاده بيانات للسياره من المرور التابع له التوكيل----وهل يقوم المشترى باستخراجها ام التوكيل

.

**HassanEissa** · 16-08-2009 12:15 PM

اخد معايا سمكرى
وميكانيكى ولا ايه.....................

مش للدرجادى بس مجرد مرجعه على الحجات الى بتيجى مع السيارة
ذى ما الاخوه قالو

الموضوع: نصائح الوحوش لعضو جديد

LinkBack

أدوات الموضوع

عرض

-

-

-

-

المواضيع المتشابهه

تغير الزيت اول مره ارجو الافاده لعضو جديد معايا ماروتى ومش عارف حاجه

عضو جديد و محتاج مساعدة من الوحوش

مطلوب من الوحوش نصائح الإستلام والتليين؟؟؟؟

ارجو المساعده لعضو جديد

أرجو الرد السريع والافاده لعضو جديد

الكلمات الدلالية لهذا الموضوع

المفضلات

المفضلات

ضوابط المشاركة