السلام عليكم
أنا عاوز أقول حاجة بس بخصوص السنتر ده ,هي قصة مضحكة شوية
أنا أول ما إشتريت العربية وكان عندي نفس المشكلة ديه وكنت لازم أقرب من العربية أوي وحتى مرة قربت أوي ومافتحتش وروحت حاطط المفتاح وفاتح الباب ولقيت الإنذار ضرب وكانت فضيحة وف مرة تانية قلت بقى لأ مش هينفع كده روحت واقف وماسك الريموت ف إيدي وباصص ودايس على الزرار راحت فاتحة فسألت نفسي طب إيه الحكاية وروحت كمان راجع لورا أوي وواقف على بعد 10 متر تقريبا وماسك الريموت وباصص بعيني على الزرار ودايس راحت مفتوحة ؟!! طب إيه الموضوع
قلت طب أجرب تاني وأنا جاي عادي , وكأني بمثل مشهد سيما روحت راجع لبعيد وجاي تاني ناحية العربية وأنا عمال أدوس ومافتحتش ...... كنت هتجنن بس إكتشفت السر أتاريني من غير ما أبص كنت بدوس على الزرار الكبير اللي بيقفل العربية مش بيفتحها لأن هو الأكبر وبارز شوية عن الصغير
بس بعد كده لما إتعودت من غير ما أبص الريموت شغال ما شاء الله زي الفل ومن 10 متر اللي هو المدى الل مكتوب في الكتالوج .....أنا بحكي القصة دي عشان ممكن تكون بتحصل مع حد تاني ويفتكر إن فيه مشكلة وكمان لإني لاحظت إن أغلب الناس اللي بتشتكي من موضوع الريموت ده بيشتكوا من فتح العربية مش من قفلها وحتى أنا لاحظت إنها كانت تقفل معايا زي الفل ومن بعيد كمان أما المشكلة كانت كل أما أفتحها وممكن تكون المشكلة كلها في إن الزرار الصغير ده مش بارز كفاية ومحتاج تدوس عليه بزيادة شوية
والله أعلم , وشكرا
المفضلات