كيفية التصرف في المواقف الحرجة

عرض للطباعة

13-08-2009, 12:14 PM
mummy_47

كيفية التصرف في المواقف الحرجة

اخواني الاعزاء في المنتدى....من ساعة ما شوفت المناقشات الخاصة بقطع سير الكتينة والبهدله اللي اللواحد ممكن يتعرضلها وخصوصا لو كان مسافر مثل ما حصل مع اخو احد الاعضاء هنا والعربية اتبهدلت طبعا لقلة الخبرة في كيفية التعامل مع هذا الموقف..فحبيت اضع هذا الموضوع عشان خبراء المنتدى(م.سمير.م.ممدوج.م.سبع اوي..) يفيدونا بنصائحكهم الغالية وخصوصا ان في كثيرا جدا من الناس وانا اولهم معرفش ايه اللي تحت كبوت العربية غير حاجات بسيطة جدا.. وكل حاجة تحصل اروح للميكانيكي وهو يضبطها هشغل دماغي ليه..يعني زي العبيط بالظبط معرفتي بالسيارة هو اني ادوس بنزين وفرامل ..وطبعا ده غلط جدا..

مذا تفعل لو انت في طرق صحراوي وحدث واحد او اكثر من الاتي مع الاخذ في الاعتبار اني جاهل جدا في عملية الفك والتركيب فعايزين الشرح يبقى بالتفصيل الممل ولو في صور يبقى كتر خيركم:

-انقطع سير الكتينة او سير المشترك _ازاي تغييرة ومنين اشتري شنطة عدة لجميع الاغراض.
-البطارية عطلت فجأة..
-العربية بطلت وهي ماشية.
-الفرامل مش بتشتغل.

دي بعض الافكار وانا شايف ان سير الكتينة والمشترك من اخطر حاجة ان احنا نتعلم ازاي نغييرهم وخصوصا ان مفيش حاجو مضمونة خالص زي ما شفنا في المناقشات السابقة (السير بينقطع بعد 9000 كم او بعد 14000 كم) يعني لازم ولابد وحتما نعمل حسابنا انه هينقطع بينا واحنا مسافرين ومنتكلش ان احنا مغيرنه قريب او حاجة ولازم نتعلم صح واديكوا بتشوفوا توابع انقطاع احد هذه السيور وتكلفة الاصلاح الباهظة للسيارة ناهيك عن البهدلة...الوقاية خير من العلاج والتعليم افضل من التصليح....

عايزين اهتمام جامد جدا يالموضوع ده يا جماعة لخطورتة الشديدة..
ولو ممكن الاخوة الخبراء يعملولنا دورات صيانة على حسابنا انا اول واحد جاهز ومستعد
...وفي انتظار تفاعلكم المثمر
13-08-2009, 01:17 PM
samourai

ربنا يستر فعلا بس النصيحه اللى قدمها أن الواحد لما يجى يعير سير الكتينه يجيب أنضف حاجه لان الموضوع ده مفوش تهاون زيه زى تيل الفرامل أما موضوع تغيره لو أتقطع على طريق سافر بصراحه أنسى أنك تعرف تغيره لوحدك ولا أى حد فينا لأن الموضوع معقد فعلا وبتحتاج أنك تفك العمه بتاعة الموتور والفبره اللى مغطياه لا فعلا موضوع صعب وكمان لو عملت كل ده ممكن تكون مركبه مش مريح ويفك منك فالأفضل هو أنك تركن العربيه وتجيب ونش يشيلها لحد ميكانيكى قريب اللى ممكن تقدر تعمله أنك تخلى سير أضافى معاك أحتياطى لا يكون المشكله ديه حصلت يوم حد أو مش لاقى السير ده فى حته قريبه او مش واثق فى الماركه او المحل وربنا يستر علينا أنا شخصيا بغيره كل 20 الالاف مش 30 وأهو بحاول أريح أعصابى بس برضو ربنا هو اللى بيستر.
13-08-2009, 01:31 PM
mummy_47

ما هو انظف حاجة كان متركب في السيارات اللي حصلت فيها المشكلة ...يعني مفيش حاجة مضمونة ...وكمان حضرتك بتقول بتغيره كل 20 الف مش 30 الف والمفروض حسب جدول الصيانة كل 40 الف...لكن الناس اللي انقطع بيهم كان عند 9 او 14 الف ..يعني عشان اقل من كده بكتير....وعشان تعيشس مطمن هناك حلين:
1- نتعلم ازاي نفك ونركب هذا السير وكمان الشداد والبلية بالمره مهما كان صعب عن طريق اقتراحي بدورات الصيانة من الاخوة الخبراء جزاهم الله كل خير على مجهوداتهم .حتى لو كل شهر نتعلم حاجة..
2- او انك تغيير السير كل 10 الاف كم وده طبعا حل مش عملي.

وفي انتظار بقية الاراء
13-08-2009, 02:15 PM
Morieno

اقتباس:

المشاركة الأصلية كتبت بواسطة mummy_47

ما هو انظف حاجة كان متركب في السيارات اللي حصلت فيها المشكلة ...يعني مفيش حاجة مضمونة ...وكمان حضرتك بتقول بتغيره كل 20 الف مش 30 الف والمفروض حسب جدول الصيانة كل 40 الف...لكن الناس اللي انقطع بيهم كان عند 9 او 14 الف ..يعني عشان اقل من كده بكتير....وعشان تعيشس مطمن هناك حلين:
1- نتعلم ازاي نفك ونركب هذا السير وكمان الشداد والبلية بالمره مهما كان صعب عن طريق اقتراحي بدورات الصيانة من الاخوة الخبراء جزاهم الله كل خير على مجهوداتهم .حتى لو كل شهر نتعلم حاجة..
2- او انك تغيير السير كل 10 الاف كم وده طبعا حل مش عملي.

وفي انتظار بقية الاراء

مؤيد بقوة ... زمتابع بإهتمام
13-08-2009, 02:17 PM
Morieno

اقتباس:

المشاركة الأصلية كتبت بواسطة samourai

ربنا يستر فعلا بس النصيحه اللى قدمها أن الواحد لما يجى يعير سير الكتينه يجيب أنضف حاجه لان الموضوع ده مفوش تهاون زيه زى تيل الفرامل أما موضوع تغيره لو أتقطع على طريق سافر بصراحه أنسى أنك تعرف تغيره لوحدك ولا أى حد فينا لأن الموضوع معقد فعلا وبتحتاج أنك تفك العمه بتاعة الموتور والفبره اللى مغطياه لا فعلا موضوع صعب وكمان لو عملت كل ده ممكن تكون مركبه مش مريح ويفك منك فالأفضل هو أنك تركن العربيه وتجيب ونش يشيلها لحد ميكانيكى قريب اللى ممكن تقدر تعمله أنك تخلى سير أضافى معاك أحتياطى لا يكون المشكله ديه حصلت يوم حد أو مش لاقى السير ده فى حته قريبه او مش واثق فى الماركه او المحل وربنا يستر علينا أنا شخصيا بغيره كل 20 الالاف مش 30 وأهو بحاول أريح أعصابى بس برضو ربنا هو اللى بيستر.

ينسى ليه يا عم هوا ناقص ايد ولا عين
كل اللى هنحتاجه (عده + نتعلم الطريق + قطعة الغيار)
أول مره هتبقى مرار طبعا وصعبه بسى لعد كده هتبقى اسهل ثم اسهل
13-08-2009, 02:29 PM
mummy_47

اقتباس:

المشاركة الأصلية كتبت بواسطة morieno

ينسى ليه يا عم هوا ناقص ايد ولا عين
كل اللى هنحتاجه (عده + نتعلم الطريق + قطعة الغيار)
أول مره هتبقى مرار طبعا وصعبه بسى لعد كده هتبقى اسهل ثم اسهل

فعلا اول مرة هتكون صعبة وبعد كده بالتمرين هتكون اسهل واسهل...
ولو هي صعبة جدا في الاول مش هتكون بصعوبة بهدلة الواحد على الطريق الصحراوي وان عربية تسحبة طول الطريق.ده لو كنت عارف ارقام نجدة الطريق او معاك ارقام عربيات السحب...ولو معاك كل ده ..عقبال ما تجيلك العربية اللي هتسحبك شوف هتاخذ قد ايه وقت (مش اقل من ساعتين) وخصوصا لو معاك ناس او معاك اسرتك ويا سلام بقى لو كنت مسافر بالليل ..شوف بقى ده تكلفته المعنوية ايه ...والاحباط الذي ينجم عنه لو انت طالع تصيف مثلا وحصلك كده...قد ايه كم القرف والعكننة اللي هيحصلك..والرعب اللي في الطريق ...فكروا فيها شوية واحسبوها صح..ويارب محدش يحصل له الموقف ده ابدا....
شوف بقى العكس لو انت متعلم ازاي تفك وتركب..اعصابك هتكون هادئة ومطمئن ..والموضوع مش هيأخذ منك نصف ساعة مع التدريب المستمر طبعا..وهتكون رحلتك ممتعة...
يا جماعة انا كنت مسافر الساحل الشمالي من شهرين وحاطط ايدي على قلبي في الذهاب والعودة خايف ينقطع اي سير في اي لحظة وكان معايا اسرتي ..رغم ان السير سليم ومغييره في مواعيده..

يا ريت نتفاعل اكثر
13-08-2009, 02:34 PM
Morieno

اقتباس:

المشاركة الأصلية كتبت بواسطة mummy_47

فعلا اول مرة هتكون صعبة وبعد كده بالتمرين هتكون اسهل واسهل...
ولو هي صعبة جدا في الاول مش هتكون بصعوبة بهدلة الواحد على الطريق الصحراوي وان عربية تسحبة طول الطريق وخصوصا لو معاه ناس او معاه اسرته ويا سلام بقى لو كنت مسافر بالليل..شوف بقى ده تكلفته المعنوية ايه ...والاحباط الذي ينجم عنه لو انت طالع تصيف مثلا وحصلك كده...قد ايه كم القرف والعكننة اللي هيحصلك..فكروا فيها شوية واحسبوها صح..وياريت محدش يحصل الله الموقف ده ابدا....شوف بقى العكس لو انت متعلم ازاي تفك وتركب..اعصابك هتكون هادئة ومطمئن ..والموضوع مش هيأخذ منك نصف ساعة مع التدريب المستمر طبعا..وهتكون رحلتك ممتعة.يا جماعة انا كنت مسافر الساحل الشمالي من شهرين وحاطط ايدي على قلبي في الذهاب والعودة خايف ينقطع اي سير في اي لحظة وكان معايا اسرتي ..رغم ان السير سليم ومغييره في مواعيده..

يا ريت نتفاعل اكثر

صح 100% طبعا
وحتى لو قعدت ساعتين تغيره الجميل انك متحكم فى الموضوع عارف ايه المشكله وتحلها ازاى

فين الخبراء الفنيين للمنتدى
احنا فى انتظار الدروس عاوزين نتعلللللللللللللللللللللل لللللللللللللللللم :3_3_102[1]::3_3_102[1]::3_3_102[1]:
13-08-2009, 02:43 PM
samirayad

الموضوع ده محتاج حاجه واحده بس
الأقتداء بحديث المصطفى صلى الله عليه وسلم
أعقلها وتوكل
صدق رسول الله صلى الله عليه وسلم
بمعنى
بالنسبه لسير الكاتينه
1- أختار النوع الجيد مع الألتزام بميعاد تغييره والحفاظ على آداء دورة التزييت ....ومعالجة أى صوت يظهر من منطقة الكاتينه أو تسريب زيوت من تحت حافظة الكاتينه
2- بالنسبه للبطاريه .....مفيش مشاكل
أطمن تمام أن قواطيش الموجب والسالب راكبه كويسه ومربوطه تمام
وطالما العربيه دارت وماشى فى مشوارك ....فلاقلق من البطاريه
لأن الدينامو هو اللى بيمد الأحمال الكهربيه المطلوبه ....مع محاولة عدم تبطيل العربيه فى الأماكن الصحراويه أو الغير آهله بالورش ومراكز بيع البطاريات مثلا
3- العربيه بطلت فجأه
يبقى ده أمر الله ...وقدر ....بسبب بوبينا أتحرقت ...طلمبة بنزين شيعت
ومش معقول الواحد حيشيل قطع غيار كتير معاه
ممكن طلمبه وبوبينا للى عاوز مثلا
4- الفرامل عطلت وأنت ماشى
أدى أشاره يمين ....وهدى السرعه بالتدريج ...وأعمل تسقيط للنقلات
لحد ماتوقف وتعالج الموقف
عموما ....يجب دائما قبل أى رحلة سفر
فحص السياره جيدا ( فرامل- بطاريه ووووووووووووو )
مع الألتزام بقدر الأمكان بالسفر خلال المناطق العامره بالورش الميكانيكيه أو الكهربيه ....للمعاونه عند الحاجه
وبالذات للسيارات القديمه
وبكده أعتقد نبقى عملنا بحديث الرسول (ص) أعقلها وتوكل ....صدق رسول الله (ص).
والستار موجود طبعا .....فوق كل شىء
13-08-2009, 02:53 PM
mummy_47

اقتباس:

المشاركة الأصلية كتبت بواسطة samirayad

الموضوع ده محتاج حاجه واحده بس
الأقتداء بحديث المصطفى صلى الله عليه وسلم
أعقلها وتوكل
صدق رسول الله صلى الله عليه وسلم
بمعنى
بالنسبه لسير الكاتينه
1- أختار النوع الجيد مع الألتزام بميعاد تغييره والحفاظ على آداء دورة التزييت ....ومعالجة أى صوت يظهر من منطقة الكاتينه أو تسريب زيوت من تحت حافظة الكاتينه
2- بالنسبه للبطاريه .....مفيش مشاكل
أطمن تمام أن قواطيش الموجب والسالب راكبه كويسه ومربوطه تمام
وطالما العربيه دارت وماشى فى مشوارك ....فلاقلق من البطاريه
لأن الدينامو هو اللى بيمد الأحمال الكهربيه المطلوبه ....مع محاولة عدم تبطيل العربيه فى الأماكن الصحراويه أو الغير آهله بالورش ومراكز بيع البطاريات مثلا
3- العربيه بطلت فجأه
يبقى ده أمر الله ...وقدر ....بسبب بوبينا أتحرقت ...طلمبة بنزين شيعت
ومش معقول الواحد حيشيل قطع غيار كتير معاه
ممكن طلمبه وبوبينا للى عاوز مثلا
4- الفرامل عطلت وأنت ماشى
أدى أشاره يمين ....وهدى السرعه بالتدريج ...وأعمل تسقيط للنقلات
لحد ماتوقف وتعالج الموقف
عموما ....يجب دائما قبل أى رحلة سفر
فحص السياره جيدا ( فرامل- بطاريه ووووووووووووو )
مع الألتزام بقدر الأمكان بالسفر خلال المناطق العامره بالورش الميكانيكيه أو الكهربيه ....للمعاونه عند الحاجه
وبالذات للسيارات القديمه
وبكده أعتقد نبقى عملنا بحديث الرسول (ص) أعقلها وتوكل ....صدق رسول الله (ص).
والستار موجود طبعا .....فوق كل شىء

الف شكر ليك ياباشمهندس على نصائحك الغالية..الواحد لما يسافر بيعمل كل اللي حضرتك قولت عليه ..لكن هيبقى فيه فرق لو انت عندك شوية خبرة في الفك والتركيب وتشخيص الاعطال عشان المواقف الحرجة ديه ...والعلم بالشئ خير من الجهل به..وده برضه تأكيد لحديث الرسول (صلى الله عليه وسلم) اعقلها وتوكل ..يعني اتعلم كويس على قد ما اقدر..واعمل الصيانه الدورية والكشف قبل السفر..وبكده انا من جوايا هكون مطمن ومستريح..ولو حصل حاجة لا قدر الله هيبقى عملت اللي عليا ومش هكون مضايق او زعلان....

ومنتظر راي حضرتك في اقتراحي بعمل دورت صيانة مدفوعة الاجر
13-08-2009, 02:54 PM
samourai

اقتباس:

المشاركة الأصلية كتبت بواسطة morieno

ينسى ليه يا عم هوا ناقص ايد ولا عين
كل اللى هنحتاجه (عده + نتعلم الطريق + قطعة الغيار)
أول مره هتبقى مرار طبعا وصعبه بسى لعد كده هتبقى اسهل ثم اسهل

طب المهندس / ممدوح أو المهندس سمير يحكم يا جماعه فى فرق بأنك تكون فاهم مكونات الموتور وأماكن كل قطعه وأنك تشتغل بأيدك يعنى مثلا هشبهالك بحاجه هل الدكتور الباطنى اللى عارف تشريح البطن والأمعاء واللى شخص حالة مريض مثلا أن عنده ألتهاب فى الزائده الدوديه ولازم عمليه هيقدر يعمل عملية الزائده أم هيحولوه لدكتور جراح علشان يعمله العمليه؟ ، أيوه أحنا كـ ملاك سيارات ممكن نشخص عيوب ووممكن نعالج عيوب صغيره بأيدنا ذى مثلاً تغير بوجيه تغير فيوز ، تغير فانوس ، تغير سلك بوجيهات حاجات إلى حد ما خارجيه ، لكن تقولى أنك تغير سير كاتينه وبكره ثابته ومتحركه وشداد دينامو واللى تقريبا بيحتاج فك النص العلوى كله تقريبا من المحرك أو مساعد لأ طبعاً ، كمان سيدتك لو عرفت تركبه ممكن تركبه غلط وراخى وممكن المشكله تكون أكبر ، ياريت نبطل نفتى وكل ماحد يكلمنا نقول ليه منقدرش نعملها هو أحنا ناقصين رجل ولا أيد ، يعنى هل ينفع الميكانيكى مع أحترامى يشتغل الوظيفه اللى أنت بتشتغلها بدعوى أن يا عم هوا ناقص ايد ولا عين ، ياريت نحكم على المواضيع بمنطقيه أكتر.
13-08-2009, 02:55 PM
MMamdouh

لو سير الكاتقطع العربية حتبطل فجاءة و مش حتدور تانى الا لما تغير السير

نصيحة لكل واحد عربيتة تبطل منة فجاءة انة يبص على السير قبل ما يحاول يدور تانى عشان محاولات ادارة الموتور و السير مقطوع بتبهدل العربية

عبدة قاللى على عربية جتلة الورشة و كانت قاطعة كاتينة و الراجل جاب عربية تقطرة و حاول يدور... وش السلندر بمعظم الاجزاء المتحركة اللى فيه باظت فى حين ان كان ممكن التلفيات تبقى طقم صبابات

MMamdouh
13-08-2009, 03:00 PM
samirayad

عاوزأضيف برضه

الحفاظ على حرارة المحرك ومتابعة عداد الحراره مهم جدا للحفاظ على المكنه ( جوان رأس سلندر أو سير كاتينه )
وبرضه بالنسبه لجزئية التبطيل
دايما يكون تنك البنزين مليان .....مش أجىء أسافر فى حته صحراويه
والتنك فيه ربعه مثلا .....ومش واخد بالى
التركيز مهم جدا للحاجات دى
وعنينا دايما على العدادات للتفاعل مع أى موقف طارىء
13-08-2009, 03:07 PM
mummy_47

اقتباس:

المشاركة الأصلية كتبت بواسطة samourai

طب المهندس / ممدوح أو المهندس سمير يحكم يا جماعه فى فرق بأنك تكون فاهم مكونات الموتور وأماكن كل قطعه وأنك تشتغل بأيدك يعنى مثلا هشبهالك بحاجه هل الدكتور الباطنى اللى عارف تشريح البطن والأمعاء واللى شخص حالة مريض مثلا أن عنده ألتهاب فى الزائده الدوديه ولازم عمليه هيقدر يعمل عملية الزائده أم هيحولوه لدكتور جراح علشان يعمله العمليه؟ ، أيوه أحنا كـ ملاك سيارات ممكن نشخص عيوب ووممكن نعالج عيوب صغيره بأيدنا ذى مثلاً تغير بوجيه تغير فيوز ، تغير فانوس ، تغير سلك بوجيهات حاجات إلى حد ما خارجيه ، لكن تقولى أنك تغير سير كاتينه وبكره ثابته ومتحركه وشداد دينامو واللى تقريبا بيحتاج فك النص العلوى كله تقريبا من المحرك أو مساعد لأ طبعاً ، كمان سيدتك لو عرفت تركبه ممكن تركبه غلط وراخى وممكن المشكله تكون أكبر ، ياريت نبطل نفتى وكل ماحد يكلمنا نقول ليه منقدرش نعملها هو أحنا ناقصين رجل ولا أيد ، يعنى هل ينفع الميكانيكى مع أحترامى يشتغل الوظيفه اللى أنت بتشتغلها بدعوى أن يا عم هوا ناقص ايد ولا عين ، ياريت نحكم على المواضيع بمنطقيه أكتر.

انا مش طالب ان احنا نبقى جراحين ماهرين ..انا قصدي ان احنا تنعلم الاسعافات الاولية اللي توصلنا لحد المستشفى ..واعتقد ده طلب شرعي ..واكيد لو اتعلمنا ازاي نركب سير الكتينه حتى لو التقسيمة مش مضبوطة ولكن العربية هتوصلك لبر الامان .لحد اقرب ميكانيكي..وبكده تكون وفرت على نفسك الكثير.
13-08-2009, 03:09 PM
samirayad

اقتباس:

الف شكر ليك ياباشمهندس على نصائحك الغالية

الله يخليك

اقتباس:

الواحد لما يسافر بيعمل كل اللي حضرتك قولت عليه

طيب كده تمام

اقتباس:

لكن هيبقى فيه فرق لو انت عندك شوية خبرة في الفك والتركيب وتشخيص الاعطال عشان المواقف الحرجة ديه ...والعلم بالشئ خير من الجهل به

طيب ماهو المنتدى بيقدم خدمات كتير للثقل الفنى والتعرف على عيوب التشغيل ....سواء عندنا فى الدايو أو الورشه
وموضوع الشغل باليد صعب شويه ....ومينفعش على النت
ولازم تروح ورش وتشوف الوضع على الطبيعه
أصلها مش سهله
وبمناسبة كلام العمليات اللى بيقولوا أخونا المهندس :سمير رياض
شوفت أنت دكتور ....بيعرف يعمل عمليات بدون مايدخل غرفة العمليات

اقتباس:

ومنتظر راي حضرتك في اقتراحي بعمل دورت صيانة مدفوعة الاجر

وحقيقى أنا مش عارف مقصدك من هذا القول
13-08-2009, 03:11 PM
mummy_47

اقتباس:

المشاركة الأصلية كتبت بواسطة mmamdouh

لو سير الكاتقطع العربية حتبطل فجاءة و مش حتدور تانى الا لما تغير السير

نصيحة لكل واحد عربيتة تبطل منة فجاءة انة يبص على السير قبل ما يحاول يدور تانى عشان محاولات ادارة الموتور و السير مقطوع بتبهدل العربية

عبدة قاللى على عربية جتلة الورشة و كانت قاطعة كاتينة و الراجل جاب عربية تقطرة و حاول يدور... وش السلندر بمعظم الاجزاء المتحركة اللى فيه باظت فى حين ان كان ممكن التلفيات تبقى طقم صبابات

mmamdouh

طيب ازاي هبص على السير.مش لازم افك العمة بمفتاح الانكية وبعدين افك الغطا بتاع السير...مش كده وطبعا انا مش عارف كل ده يتفك ازاي لكن انا شفت الميكانيكي بيعمل كده على ما اذكر...وعلى قد فهمي..وبكده نكون رجعنا لموضوع دورات الصيانة اللي انا بقترحها....
13-08-2009, 03:22 PM
mummy_47

اقتباس:

المشاركة الأصلية كتبت بواسطة samirayad

الله يخليك طيب كده تمام طيب ماهو المنتدى بيقدم خدمات كتير للثقل الفنى والتعرف على عيوب التشغيل ....سواء عندنا فى الدايو أو الورشه
وموضوع الشغل باليد صعب شويه ....ومينفعش على النت
ولازم تروح ورش وتشوف الوضع على الطبيعه
أصلها مش سهله
وبمناسبة كلام العمليات اللى بيقولوا أخونا المهندس :سمير رياض
شوفت أنت دكتور ....بيعرف يعمل عمليات بدون مايدخل غرفة العمليات وحقيقى أنا مش عارف مقصدك من هذا القول

العفو يا باش مهندس حضرتك تستاهل كل خير وكل من ساهم بكلمة في هذا المنتدى الرائع..
انا قصدي بدورات الصيانة..انا عارف ان قسم الصيانة بيقول كل حاجة وكيفية حل المشكلات..انا قصدي نطور من الموضوع شوية اي يصبح عملي بدل ما هو نظري عشان الكل يستفيد..يعني زي دورات الكمبيوتر كده ..حضرتك وم.ممدوح وم.سبعاوي تتولو عمليه تنظيم هذه الدورة من المكان والمطبوعات ...واحنا كاعضاء علينا دفع التكاليف مهما كانت وفي اخر الدورة نصدر كتاب لهذه الدورة فيه تشخيص كل الاعطال اللي ممكن تحصل وكيفية علاجها وحلها بالصور وبطريقة عمليه ...وممكن كمان نعمل اختبارات في نهاية الدورة ونعطي شهادات للمتميزين..وممكن نستعين بميكانيكي زي ما تحبوا ...

ايه راي حضرتك
13-08-2009, 03:24 PM
Drift_Lover

لو حسبناها كده. يبقي حنخاف نمشي بالعربيه.
ومش لازم كل واحد يبقي عارف ازاي يغير سير الكاتينه لأن الموضوع مش سهل.
لكن الصح انك تبقي عارف لما سير الكاتينه يتقطع تعمل ايه :
- تركن العربيه وتبطلها فورآ.
- تتصل بميكانيكي ييجي لك يغيره.
13-08-2009, 03:33 PM
mummy_47

اقتباس:

المشاركة الأصلية كتبت بواسطة drift_lover

لو حسبناها كده. يبقي حنخاف نمشي بالعربيه.
ومش لازم كل واحد يبقي عارف ازاي يغير سير الكاتينه لأن الموضوع مش سهل.
لكن الصح انك تبقي عارف لما سير الكاتينه يتقطع تعمل ايه :
- تركن العربيه وتبطلها فورآ.
- تتصل بميكانيكي ييجي لك يغيره.

انا عارف ان الموضوع مش سهل لكن مش مستحيل...وطبعا الواحد هيركن العربية فورا لكن الميكانيكي مش هيجي على طول زي ما انت متخيل عشان ينقذك..وبعدين انا كلامي كله لو انت على طريق صحراوي...لان الوضع هناك هيبقى مختلف جدا...
13-08-2009, 03:34 PM
samirayad

أنا حقولك على أقتراح
اللى أنت عاوزه ده ملوش غير حل واحد وأنا مستعد له فى نطاق أقامتى
كل زميل عاوز يتعرف على أبعاد أعمال الصيانه ....ممكن
أزاى
حنقول فيه زميل من الأسماعيليه مثلا
حيغير سير كاتينه ويعمل شوية شغل بالعربيه
يقول للكل بتوع الأسماعيليه على النت ....وأنا أول واحد ححضر المناوره دى
حنروح واخدين نفسنا وشايفين ميكانيكى كويس معانا
فى أى مكان نحدده قريب مننا
ونروح جايبين الجثه (اللى هى العربيه )
والميكانيكى عمال بيشرح
اللى فاهم كل قطعه ....حيشرح للمجموعه كل حاجه بالترتيب
ومع التكرار ....أعتقد كده يبقى اللى مبيعرفش
حيبقى عنده فكره أزاى يتصرف فى المواقف دى
أصل الميكانيكى لما بيروحله واحد بعربيته فعلا....مبيقولوش حاجه
وبيعتبرها سر من أسرار المهنه بدافع أحتكار أى أعمال صيانه
طبعا الهدف من كلامى ده
مش قطع أرزاق الناس .....بالعكس
دا الأرزاق بيد الله .....والرزق من ضمن الأشياء اللى جايالك جايالك !!!!!!!!!!!!
لا حيلة فى الرزق ولا شفاعة فى الموت
ودول مفيش فيهم كلام
الهدف بس من كلامى .....هو تعريف اللى غاوى ...الأمور ماشيه أزاى
لأنك علشان تعرف كل حاجه على الطبيعه .....لازم تدخل غرفة العمليات
13-08-2009, 03:47 PM
mummy_47

وانا موافق على اقتراحك يا باشمهندس ...لكن التجمع هيكون في ورشة الميكانيكي..ولا الميكانيكي هيجي معانا بالعدة بتاعته..
13-08-2009, 04:00 PM
samirayad

اقتباس:

المشاركة الأصلية كتبت بواسطة mummy_47

وانا موافق على اقتراحك يا باشمهندس ...لكن التجمع هيكون في ورشة الميكانيكي..ولا الميكانيكي هيجي معانا بالعدة بتاعته..

هههههههههههه........التنسيق ده مش مشكله
أهم شىء تلاقى أراء منطقه واحده
بس حلوه موضوع
الميكانيكى حيجى معانا بالعده بتاعته
هههههههههه
أصل فكرتنى بزمان .....لما كان يجيلنا الحلاق....علشان يحلق لنا شعرنا وأحنا صغيرين بشنطة العده بتاعة الحلاقه
ههههههههههههه
13-08-2009, 04:17 PM
mummy_47

اقتباس:

المشاركة الأصلية كتبت بواسطة samirayad

هههههههههههه........التنسيق ده مش مشكله
أهم شىء تلاقى أراء منطقه واحده
بس حلوه موضوع
الميكانيكى حيجى معانا بالعده بتاعته
هههههههههه
أصل فكرتنى بزمان .....لما كان يجيلنا الحلاق....علشان يحلق لنا شعرنا وأحنا صغيرين بشنطة العده بتاعة الحلاقه
ههههههههههههه

ربنا يبسطك كمان وكمان ....المهم ان عملية التنسيق ديه لو تمت من المستشارين هتكون افضل وافضل ...وانا بقترح بعض التعديل لو حضرتك اذنتلي .كالاتي:

هو احنا مش بنعمل يوم في الشهر نتجمع فيه ونتناقش في كل حاجة..ايه رايك لو اتجمعنا كلنا كل يوم جمعة في احد الاماكن ونتفق على موضوع صيانة معين وليكن(كيفية فك وتركيب سير الكتينة مثلا) ونتفق مع ميكانيكي ونجيبة في المكان اللي نختارة ونديله اجرته في اليوم ده..وتقوم حضرتك او اي اي حد من مستشارين الدايو بتولي الشرح مع بمياعدة الميكانيكي ...وبكده هيكون الكل استفاد واستمتع ياليوم ده...وتكاليف الميكانيي هتتوزع على كل اللي هيحضر.

وفي انتظار رايك.
13-08-2009, 04:25 PM
samirayad

ما أنا قلت لحضرتك
أنا جاهز لأى تجمع مع الزملاء بالأسماعيليه
وكل يوم جمعه لو فيه زملاء أتفقوا على ذلك
من أجل التدريب للى عاوز
وبعد الأتفاق ....حظبط الأمور دى بمعرفتى
وعاوز أقول لحضرتك
لازم تكون العربيه اللى حينفتح فيها شغل
هى فعلا محتاجه الكلام ده ....والأ صاحبها حيخلينا ...أحنا والميكانيكى
نعمل فيها شغل ليه
13-08-2009, 04:53 PM
moudy88

اللي حصل مع اخويا لم يكن له علاقه بالخبره ...اللي حصل اني غيرت سير الكاتينه من 14 الف كم والميكانيكي مارضاش يغير البليه والشداد (قال يعني مش عايز يكلفني ) ونتيجه لكده البليه باظت والسير اتقطع ....والسير اللي انا جبته كان gm الاصلي ...وشبه مستحيل ان واحد عادي مش ميكانيكي يغير سير الكاتينه ...اذا كان الميكانيكي بيغيره في ساعتين وبيطلع عينه وبياخد على الاقل 80 جنيه مصنعيه...يبقى الحل
اكشف على السير قبل لما تسافر عند الميكانيكي ...ولو لقدر الله اتقطع لازم تقطرها ...ولو الميكانيكي بنفسه اتقطع سير الكاتينه بتاع عربيته على طريق سفر مش هايعرف يعمل حاجه ...
اعقلها وتوكل وخد بالاسباب وربنا بيحميك

الساعة الآن 04:26 PM

Content Relevant URLs by vBSEO 3.6.0 PL2