السلام عليكم
عاوز اغير بيض الدركسيون و اجيب بيض المانى بس مش لاقى سالت فى المحلات الى عارفه و عند حمدى لادا و مش لاقى فارجو حد يدلنى على مكان ممكن اجيبوة منة بس يكون مضومن و كمان عاوز اجيب تيل فرامل خلفى اجيب نوعة اهة روسي و اية
عرض للطباعة
السلام عليكم
عاوز اغير بيض الدركسيون و اجيب بيض المانى بس مش لاقى سالت فى المحلات الى عارفه و عند حمدى لادا و مش لاقى فارجو حد يدلنى على مكان ممكن اجيبوة منة بس يكون مضومن و كمان عاوز اجيب تيل فرامل خلفى اجيب نوعة اهة روسي و اية
ممكن تروح لاى فررجى يجبهولك :36_1_2[1]::36_6_3[1]:اقتباس:
اجيب بيض المانى بس مش لاقى سالت فى المحلات الى عارفه
او استورد فرخة من المانيا واستنا عليها :36_1_2[1]::36_6_3[1]:
طبعا انا عارف بيض العجل زى ما فى بيض عيون وبيض اومليت
يبقا لازم فى بيض عجل
لا بجد ان شاء اللع تلاقى بيض عجل المانى
هو فعلا اخر مرة غيرت فيها البيض قبل ما ابيع العربية لقيت بالعافية الالماني و كان اغلب الموجود كوري حاول تلف في محلات قطع الغيار في شامبليون جايز تلاقية مش هتلاقي في التوفيقية لان مفيش حاجة بتتركن عندهم
بالنسبة للتيل مش عارف دلوقتي ممكن تجيب اية لكن اللي اعرفة ان الروسي بيصفر اسال العفشجي الاول احسن حاجة ممكن تجيبها دلوقتي
شكرا nour87 على مرورك
و هنزل شامبليون ادور علية بكرة ان شاء الله
بس لو ما لائتش الالمانى اجيب نوع اية يكون كويس هو الى موجود عند حمدى لادا روسي ففى نوع احسن وله الروسى كويس و معلش اعزرنى علشان انا ما عنديش خبرة فى العربيات و لسة جايب العربية السنة الى فاتت فدى اول مرة اغيرة فيها
انا طول عمري كنت بجيب البيض المقفول اللي ملوش مشاحم لان دة اللي بتنزل بية العربية فية بيض تاني روسي بردة بينزل بمشاحم بس محتاج كل شهر مثلا تروح تشحمة عشان يعيش معاك و دة اللي بيستخدمة سواقين التاكسي لانة انعم شوية في الركسيون بس انا مع سواقتي الادا اكتشفت ان مفيش فرق بينهم خالص في العمر على العكس البيض ابو مشاخم دة مقرف و كل شوية محتاج تشحيم الفكرة كلها في طريقة سواقتك هو دة اللي بيحافظ علية
طاب البيض المقفول دة روسي بردة ولا بلدة اية و كان بيعيش معاك ادة اية يعنى لما بتركبو بتغيرة بعديها بئد ايو خصوصا ان كدة مش بيتشحم خالص
كان بينزل منة الماني و فية كوري و فية روسي بردة انا كنت بغيرة كل حوالي 40-50 الف كيلو و بغير الطقم كلة حتى لو فية حاجة سليمة
طاب هو الكورى احسن ولا الروسي و لا فى حاجة احسن منهم
فين باقى الاعضاء يا جماعة هو مفيش حد بيعانى من مشكلة البيض دى غيرى وله اية
ارجو لو حد يعرف محلات عندها بيض المانى او نوع تيل فرامل كويس يكون جربة يفدنة برضة
متشكرين يا جميل معلش تعبتك معاية
البيض البولندى احسن فى حدود 220 ج التيل الروسى احسن حدود120ج
شكرا medooo333 على مرورك
احسن قطع غيار هى الروسى لو كان اصلى ومافيش حاجة اسمها المانى
اليقولك المانى يبقى نصاب
انا لسة مركب بيض كورى ممتازززز الدركسون خفيف جدا ودة بعد ما البيض الروسى الي عند نصار ماكان هيموتنى بعد ما البضة ملصيت
نوعة ctr
و حضرتك جبت منين الكوري؟؟؟ يا ريت عشان تعم الفائده
انا سألت عند حمدي لادا امبارح مفيش عنده غير الروسي
سؤال يا جماعة: هو طقم البيض ل 2105 كل الاربع قطع بيكونوا زي بعض ولا الاثنين اللي فوق بيكونوا مختلفين شوية عن اللي تحت؟
هات البيض البلغاري هو اغلي نوع تقريبا بس كويس وبيستحمل
طيب هو النوع البلغاري اللي انت تقصده ده اسمه ايه؟ انا شوفت نوع بلغاري علبته صفراء اسمه "mma" وهو غالي فعلا
البيض لاللماني موجود عند محل الكيلاني امام كشرى ابو طارق (معروف-رمسيس) ركبة وادعيلي
شكرا علي المعلومة، بس انا كنت خلاص اشتريت البلغاري وركبته. بس أنا كنت عايز انبه علي حاجة شايفها مهمة. لازم تتاكدوا عند الشراء ان طقم البيض قطعتين و قطعتين مش الاربعة زي بعض.
أنا بقول الكلام ده لان من حوالي 3 اسابيع اشتريت طقم بيض الماني من شارع دمشق، ولما روحت البيت البيت قلت اعمل check علي النت علي النوع اللي اشتريته علشان اتاكد انه فعلا الماني ويناسب الموديل بتاع العربية. لقيت كل حاجة تمام الا حاجة واحدة. الاربع قطع اللي اشتريتهم لقيتهم زي بعض: نفس الpart no. ولقيت علي النت ان دول بتوع المقصات اللي فوق وان فيه part no. مختلف للبيض بتاع المقصات اللي تحت. طبعا ثاني يوم رجعت للمحل وطلبت منه انه يغير قطعتين علشان يكونوا مظبوطين. فوجئت انه بيقوللي ان النوع الالماني ده بيركب عادي فوق و تحت في ال 2105 (المصيبة ان العفشجي قاللي نفس الكلام) طبعا انا رفضت الكلام ده. مش معني انهم نفس المقاس و انهم بيركبوا ان هو ده الصح والا كان المصنع عمل قطعة واحدة وخلاص. وفي النهاية القطعتين اللي بدور عليهم مكانوش موجودين فرجعت الطقم كله و اخذت فلوسي و اشتريت طقم بلغاري بعد كده (افضل المتاح).
للاسف، الناس لازم تاخذ بالها كويس لان الفهلوة حتودينا في داهية. أنا عارف ان البيض كان هيركب و كانت العربية حتمشي عادي، بس كان هيعمر اد ايه؟ كان هيقصر عمر ايه ثاني في العفشة؟ أي مهندس عارف ان اي قطعة بتخرج من مصنع المفروض بتكون مصممه بشكل معين علشان تتحمل اجهادات و احمال معينة مش اي حاجه تركب وخلاص
بس علي فكره البيض البلغاري مش غالي للدرجه هتلاقيه في حدود 260 او 270 بس محترم جدا وبيعمر
هو في الحقيقة ارخص من كده. البياع قالي ان ثمنه 225 بس انا اخذته ب 210 .
أنا كنت بقول انه غالي بالمقرنة بالبيض الروسي (165) و الكوري (140)
ملاحظة اخيرة: انا انصح انه بعد التاكد من ان طقم البيض مضبوط (قطعتين وقطعتين) تبص علي الصنايعي وهو بيركبه بدل ما يركبه بالعكس اللي فوق تحت واللي تحت فوق
الالماني لايعلى علية 100% موجود عند محل الكيلاني بشمبليون امام كشري ابو طارق ركبة وانسي لمدة 4 سنوات علي الاقل