عاوز اجيب بيض المانى و مش لاقى اجيبو منين

**msalah191281** · 13-08-2009 06:11 PM

السلام عليكم
عاوز اغير بيض الدركسيون و اجيب بيض المانى بس مش لاقى سالت فى المحلات الى عارفه و عند حمدى لادا و مش لاقى فارجو حد يدلنى على مكان ممكن اجيبوة منة بس يكون مضومن و كمان عاوز اجيب تيل فرامل خلفى اجيب نوعة اهة روسي و اية

**كابوس الليل** · 13-08-2009 10:10 PM

اجيب بيض المانى بس مش لاقى سالت فى المحلات الى عارفه

ممكن تروح لاى فررجى يجبهولك

او استورد فرخة من المانيا واستنا عليها

طبعا انا عارف بيض العجل زى ما فى بيض عيون وبيض اومليت
يبقا لازم فى بيض عجل

لا بجد ان شاء اللع تلاقى بيض عجل المانى

**M.FOUAD** · 15-08-2009 12:16 AM

هو فعلا اخر مرة غيرت فيها البيض قبل ما ابيع العربية لقيت بالعافية الالماني و كان اغلب الموجود كوري حاول تلف في محلات قطع الغيار في شامبليون جايز تلاقية مش هتلاقي في التوفيقية لان مفيش حاجة بتتركن عندهم

**M.FOUAD** · 15-08-2009 12:20 AM

بالنسبة للتيل مش عارف دلوقتي ممكن تجيب اية لكن اللي اعرفة ان الروسي بيصفر اسال العفشجي الاول احسن حاجة ممكن تجيبها دلوقتي

**msalah191281** · 16-08-2009 01:14 PM

شكرا nour87 على مرورك
و هنزل شامبليون ادور علية بكرة ان شاء الله
بس لو ما لائتش الالمانى اجيب نوع اية يكون كويس هو الى موجود عند حمدى لادا روسي ففى نوع احسن وله الروسى كويس و معلش اعزرنى علشان انا ما عنديش خبرة فى العربيات و لسة جايب العربية السنة الى فاتت فدى اول مرة اغيرة فيها

**M.FOUAD** · 16-08-2009 02:14 PM

انا طول عمري كنت بجيب البيض المقفول اللي ملوش مشاحم لان دة اللي بتنزل بية العربية فية بيض تاني روسي بردة بينزل بمشاحم بس محتاج كل شهر مثلا تروح تشحمة عشان يعيش معاك و دة اللي بيستخدمة سواقين التاكسي لانة انعم شوية في الركسيون بس انا مع سواقتي الادا اكتشفت ان مفيش فرق بينهم خالص في العمر على العكس البيض ابو مشاخم دة مقرف و كل شوية محتاج تشحيم الفكرة كلها في طريقة سواقتك هو دة اللي بيحافظ علية

**msalah191281** · 16-08-2009 02:31 PM

طاب البيض المقفول دة روسي بردة ولا بلدة اية و كان بيعيش معاك ادة اية يعنى لما بتركبو بتغيرة بعديها بئد ايو خصوصا ان كدة مش بيتشحم خالص

**M.FOUAD** · 16-08-2009 02:42 PM

كان بينزل منة الماني و فية كوري و فية روسي بردة انا كنت بغيرة كل حوالي 40-50 الف كيلو و بغير الطقم كلة حتى لو فية حاجة سليمة

**msalah191281** · 16-08-2009 02:53 PM

طاب هو الكورى احسن ولا الروسي و لا فى حاجة احسن منهم

**msalah191281** · 16-08-2009 02:56 PM

فين باقى الاعضاء يا جماعة هو مفيش حد بيعانى من مشكلة البيض دى غيرى وله اية
ارجو لو حد يعرف محلات عندها بيض المانى او نوع تيل فرامل كويس يكون جربة يفدنة برضة