سعر Honda Shadow 400

**_Khaled_** · 14-08-2009 12:35 AM

أنا مفهمش حاجه فى الموتسكلات. عجبتنى فكره انى اجيب موتوسيكل وسألت بعض الأصدقاء قالولى انه يناسبنى Hoda steed or Honda shadow
أنا كنت عايز واحد ميطلبش أنى اروح بيه للميكانيكى و استخدمه فى الأجازات
رحت اتفرجت على الأتنين و لقيت ان الشادو ممكن يناسبنى اكتر. لقيت واحد 400 موديل 98 و عامل 45000KM
حاله النيكل و البودى معقوله جداُ و هو استيراد مش معلق نمر.
أسئلتى:
1- موديل 98 يعتبر معقول و لا قديم و هيطلع عينى
2- السعر المناسب ليه يكون ايه
3- النوع ده سهل بيعه لو حسيت ان زهقت من الفكره
4- لو فيه حد عنده واحد للبيع و يكون حالته ممتازه ياريت يقولى.

**HOTSHOT** · 14-08-2009 04:44 AM

عزيزي خالد . بالتاكيد الشادو موتسيكل مناسب جدا علشان تبتدي بيه . انا بردو ابتديت ب شادو 1998
. لسة متباع واحد موديل 2002 افراج ب 28000 و دة كدة اتباع رخيص . علي العموم اسعارة من 25000 الي 30000 حسب الحالة و الموديل . و ممكن تبيع الشادو في يوم بس لو تاجر حيشتريه حتخسر حوالي 2000

**_Khaled_** · 14-08-2009 10:30 PM

اشكرك جداُ على ردك. هل لازم اخد معايا ميكانيكى يشوفه؟ وفين اقرب ميكانيكى لمصر الجديده ؟

**Zedy** · 15-08-2009 05:33 AM

ياكبير بيقولك موديل 98 بص ياعم خالد عشان انا مبحبش افتي في حاجة معرفهاش انت ممكن تروح تسال ميكانيكي احسن لان انا قدامي وحدة موديل 2001 حالتها ممتازة عاملة 20 الف كيلو بي 26 الف فالافضل و انت رايح تاخد معاك ميكانيكي كويس يشفهالك و تخدة علي جنب تسال سعرها حلو والا لا و ان شاءالله خير :)