انا محتار اشترى ايه
شيفرولية كروز الفئة الثانية اوتوماتيك127,000 او
ميجان عليها عرض ب 125000
او كيا سيراتو هاى لين ب 126,000
يا ريت تقولولى رايكم مع ذكر الاسباب
عرض للطباعة
انا محتار اشترى ايه
شيفرولية كروز الفئة الثانية اوتوماتيك127,000 او
ميجان عليها عرض ب 125000
او كيا سيراتو هاى لين ب 126,000
يا ريت تقولولى رايكم مع ذكر الاسباب
انت مختار 3 عربيات انا بحبهم جدا
بص كل واحده لها مميزات ولها عيوب
وكل واحد يختار على حسب احتياجاته ومتطلباته
أولا الكروز
أحلى شكل نزل السوق لحد دلوقتى فى الفتره الأخيره + الكماليات والأوبشنز مش أد كدا وسعر مبالغ فيه + أضعف موتور فيهم
لو عجباك بالسعر دا والأوبشنز دى توكل على الله متترددش
ثانيا الميجان
أفخم ركوبه فيهم وأنضفهم وأكثرهم عوامل أمان + شكل حلو لكن مقارنة بالكروز والسيراتو تبقى أوحش شكل فيهم + عيبها الأكبر انها هتحتاج ميزانيه أكبر فى مصاريف قطع الغيار والصيانه + فى اعادة البيع بعد سنتين تلاته هتلاقى نفسك بتخسر من تمنها 60 الف مثلا
ثالثا السيراتو
أحسن صفقه + ماسكه العصايا من النص أوبشنز كتير بسعر معقول + شكل رياضى + أقوى موتور + بدأت تنتشر بشكل ملحوظ وده هيبقى فى صالحها فى المستقبل فى اعادة البيع وانتشار قطع الغيار + عيبها برضه انها أقلهم من الداخل
انا حاولت أقولك كل العيوب والمميزات وشوف انت احتياجاتك ايه وايه اللى يفرق معاك
وربنا يوفقك للخير ان شاء الله
شكراً يا باشا على الرد السريع الوافى... بس هوى موتور الكروز صناعة ايه؟ اصل واحد من بتوع المبيعات فى ابو غالى قالى انى هوى ألى فى الاوبل؟او الاسترا!!!!!!!
ممكن تفكر فى الهوندا السيتى بعد مانزلوا سعرها هتبقى احلاهم شكلا و أوبشنز اعلى من الكروز و اقل من السيراتو
اقتباس:
ثالثا السيراتو
أحسن صفقه + ماسكه العصايا من النص أوبشنز كتير بسعر معقول + شكل رياضى + أقوى موتور + بدأت تنتشر بشكل ملحوظ وده هيبقى فى صالحها فى المستقبل فى اعادة البيع وانتشار قطع الغيار + عيبها برضه انها أقلهم من الداخل
زى ما قال الاخوه
بس فى نقطه
بعد نزول سعر الميجان
لو انت ناوى تحتفظ بلعربيه فتره كبيره "4-5 سنين"موضوع اعاده البيع دا مش هتحسه اوى لان كدا كدا العربيه بيكون سعرها نزل
والنيو سيراتو عليها حجز يعنى هتقعد فتره عقبال اما تستلم العربيه
صلى استخاره و متستعجلش فى اتخاذ قرارك و بلتوفيق
رايي الشخصي :
رينو ميجان .
هوندا سيتي .
كيا سيراتو .
شيفروليه كروز .
بص ياباشا الكروز بتتباع فى كل دول العالم بموتور اسمه Eco Tec وده من انتاج شركة جنرال موتورز
وده الموتور اللى لسه هاينزل فى الفيكترا الجديده والاسترا الجديده
ودى صورته
http://img269.imageshack.us/img269/5781/pq2b0us0.jpg
احنا بقى عندنا فى مصر بلد العجايب نزلولنا الكروز بموتور مختلف عن العالم كله وهو موتور الاوبترا يعنى موتور قديم بتكنولوجيا قديمه
وفى اراء بتقول انه زى بتاع الاوبترا بالظبط وفى بيقولوا ان فيه بعض التعديلات
بس فى الحالتين مش فارقه كتير
المهم انه مش زى بتاع بره وخلاص
بس برضه عشان تبقى الأمور واضحه
لو كانت الكروز نزلت بالموتور الجديد ماكنتش هتفرق اوى فى قوة الموتور
لان الموتور الجديد قوته 114 حصان @ 6400 RPM
والموتور القديم اللى هو موجود حاليا 107 حصان @ 5800 RPM
دكتوراه في موتور الكروز يا حس و الله
وعلى يدي هههههههه
أما بالنسبة للموضوع
1 - كيا سيراتو .....
2 - رينو ميجان ..... (مع أنها السيارة الأفضل) بس لعوامل أخرى غير الجودة تأتي ثانيا بعد السيراتو
3 - كروز .... (شكلها حلو و غير كده تخسر قدام الاتنين في كل حاجة)
بس بما ان السيراتو الهاي لاين بتاعة الوكيل هاتيجي في المشمش ان شاء الله
و مش هاتلاقي غير الخليجي و دي أغلى
يبقى في الرينج ده يتفضل
الميجان و الكروز
و الميجان تضرب الكروز بالشبشب من كله
:s1[1]:
الف شكر يا رجالة اخر استفسار... انا اعرف انى المواتير الاوربى بيحسبو قوة الموتور مع الاخذ فى الاعتبار حساب الفاقد و الوزن... عكس الاسيوى بيحسب من غير مياخد فى الاعتبار المواضيع ده؟
فجنرال موتور بتحسبو ازاى؟؟؟ :)))))
يعنى ال 107 حصان دول نت ولا جروس؟ و ال حصان 124 بتاعت السيراتو نت ولا جروس؟
بص عن تجربة أنا ركبت الميجان...تحس أنك راكب طيارة مش عربية من الفخامة و الاوبشنز و العزل و التكييف.........و لو ناوى تجيب عربية لمده 4 أو 5 سنين يبقى الميجان...و مش هاتفكر تبعها اصلاً...و الإستخارة بعد الإستشارة أفيد كتير..
رينو ميجان...,افضلهم بكل تاكيد
ومتؤليش قطع الغيار...العربية لسة زيرو وادامك 5 سنين عئبال ماتحتجلها
ومتؤليش بردو اعاده البيع....لما هى والسيراتو بنفس السعر .....كمان سنتين متنتظرش من دى او دى اكتر من 80 او 85 الف....اعاده البيع واحد تقريبا...بس للناس الى بيفكرو صح
كفايه انها اوروووووووووووووووووووووو ووبى...وهتركب عربية محترمة وبرستيج عالى جدا يفوق عربيات ب200الف.....زى الفيكترا والجيتا
وكمان السيراتو والعربيات الى زيها فى مستواها بيركبها اعميه الشعب عشان قطع الغيار وخلافه ومش مهم اقتناعوا بالعربية اوى......لكن الباشاوات هما الى بيختاروا العربيات الى مقتنعين بيها من ناحية الشكل والبرستيج والراحة والامان.....عشان كده مش اى حد يركب الميجان رغم اقتناعوا بيها انها عربية صح
بس بيقولوا ان الميجان مبتستحملش بهدلة و طرق مكسرة زى الى عندنا و عايزة معاملة كويسة و ده مش عندى قوى
كلام سليم 100%
دي اللاسيتي الكاملة
و تمنها معدي 140 الف
ولازم تجيبها على ايدك من كوريا
و لسة شايف امبارح واحدة تجارية دمياط
تقريبا اول واحدة
لونها لبني و طاسات
مافيهاش غير وش الحقيقة
انا لو مكانك الميجان بكل تأكيد
امان عزل فخامه من الاخر طياره
وبعدها السيراتو بس قدامك شهووووووووووووووووووووووو وووووووووووووووووووور علشان الاستلام
وبعديها الكروز
ركوبة تانية خالص .. كماليات و رفاهية و تكنولوجيا كويسة جدا .. تتعتبر أعلاهم في النقاط السابقة
لكنها أقل من ناحية تكاليف الصيانة و سعر إعادة البيع
لو عاوز تستمتع إتكل على الله و هاتها
لو عاوز عربية فيها كماليات كويسة و سعر إعادة بيع (متوقع) جيد يبقى سيراتو
اما بقى الكروز فحاجة مبالغ فيها جدا .. شكل فخم لكن كماليات و أمان أقل من الاتنين بكتير
السلام عليكم ورحمة الله وبركاته
عايز الصراحه.. الشفروليه هى دايو وسعرها مبالغ فيه وامكانيات لاتتناسب مع سعرها ..وجديدة ومش مجربه على الاقل سنه لتعرف خيرها من شرها دة غير توكيل منصور شفط فلوس من ابواب الصيانه وقطع الغيار فى السوق ومستقبل جى ام بعد الافلاس مش مضمون . الكيا بصراحه شكل من بعيد حلو تقرب منها وتركبها تشطيب داخلى تعبان وخامات ليست بالجودة مثل شفروليه او هيونداى خالص .
الرينو اطلع منها خالص فقطع غيار غاليه ومحتكرة فى التوكيل فقط واى صيانه فيها غاليه ومكلفه حتى غيار الزيت لازم التوكيل ورفرف العربيه بلاستيك وتقفيل تركى والرينو بصفه عامه يعانى عالميآ وليس مصر فقط حتى مبيعات فرع السعوديه ضعيف جدآ بصراحه هيصه واسم وسعر على الفاضى وسعر اعادة البيع وخلى بالك فى بيعها بينزل نصفها ان مكنش اكثر دة غير ان كثير من المعارض يرفضوا شرائها ويقول لك روح بيعها وتعالى انا تحت امرك فى اى سيارة حتى لاتركن عندة ويموت فلوسها وخاصا معارض خارج اسكندريه او القاهرة ودة مشكله.
وبعدين عندكم الالنترا على سبيل المثال سعرها غير مبالغ فيه بحجم امكانيتها
إسأل مجرب Mohammed Moustafa
و مع إحترامي للي بيقولوا سيبهم يقولوا :36_6_3[1]:
انا مش داخل ارد على الاستفتاء انا داخل اقول للاكرم ارحم شويه الراجل ما جبش سيره الالينترا اللى خلاص راحت عليها من زمان
على فكره انا من عشاق هيونداى بس حرام اللى بتعمله ده لو غبور نفسه هايطق يا جدع
ماشي يا فندم هركز فى كلامى :)
بس محدش جاب سيرة الالنترا نهائى فى الموضوع .
بقي فى حد عاقل يسيب الميجان و يروح يشترى النترا , ده انت لو خيرت ملاك الالنترا ما بينها و بين الميجان هيسيبوا الالنترا و يركبوا الميجان و سيبك من موضوع التوفير ده دلوقتى .
بس هو ايه سر دفاعك عن الهيونداى ممكن اعرف ؟
ده لو حد محتار فى عجلة هتدخل تقوله فى عجلة هيونداى تحفة و الاعضاء كلها عارفة كده .
رينو ميجان و كليو تركي و كتير من عربيات العم غبور هندي
+11111111111111111
ولو من التلاتة فالتاكيد السيراتووووو..........الميجان واحلى قعدة وشياكة وتقفيل ....بس لو هتبعها انسىاها خالص
السيراتو موتور محترم جداااا +شياكة واناقة مش متوفرة فى عربيسات فى السعر دة بس التقفيل بصراحة مش عاجبنى وميجيش حاجة جمب الرينو طبعا
الكروز يعتبر تعديل الاوبوترا مش اكتر ولا اقل ....زى الفرق ما بين الانوس والافيو ......
يالهوىىىىىىىىىىىىىىىىىىىى ىىىىىىىىى
انت مبتحرمش ياعم ايه الاستفزاز ده
الراجل بيقارن بين تلات عربيات مافيهمش ولا واحده هيونداى ايه اللى جاب الالنترا فى الموضوع :36_1_2[1]:
ابوس ايدك ارحمنا الناس كلها بعتت فيك شكاوى
بقولها تانى ياجماعه الراجل ده شغال فى توكيل هيونداى وعنده كل العربيات هيونداى ولو بتقارن بين اى عربيتن حتى ولو كانوا مرسيدس و بى ام هيجبلك عربيه من هيونداى ويوقولك دى قلبه مش على مصلحه الناس اللى بتستفسر دا بياخد نسب من الاعلانات دى
يــــــــــــــــــــــا سيد أكرم
حضرتك أنا باتكلم بجد و ياريت حضرتك ترد عليا
ونتكلم بهدوء لأن الغرض هو المصلحة لينا جميعا
(أسف لصاحب الموضوع و أرجو من الإدارة فصل المشاركات دي كما يتراءى لها)
ماحدش أبدا مش واخد باله من ان حضرتك بتعلن لهيونداي بشكل مثير للحفيظة
شكل يفوق التعصب لماركة زي أي حد متعصب
و الغريب ان حضرتك دايما بتقارن أي حاجة بالسعودية ...و احنا في مصر مش في السعودية لينا سوق و أسعار و عالم غير ..
و الغريب ان انت نفسك عايش و بتكتب من مصر (بشهادة الإدارة) يبقى ليه اللي انت بتعمله ده
لو حضرتك شغال في هيونداي ليه ما تعملش حاجة أفيد ؟؟؟
ليه ما تعملش عروض أو تكون حلقة وصل مع التوكيل وتكون عضو بناء و ليك سمعة طيبة
بدل التريقة اللي بتاخدها طالع نازل دي
ده غير ان كلامك ماعدش ليه سنتووووفة مصداقية ولا قد كده
و الجديد و القديم ما عدش بيعتد بمشاركتك
و بالفعل بدأنا نشتكي من اسلوبك الدعوي لهيونداي لدى الإدارة
طب ليه نخسر ؟؟ و احنا في إيدينا نكسب ؟؟؟؟
صح الكلام ده يا استاذ تهامىاقتباس:
طب ليه نخسر ؟؟ و احنا في إيدينا نكسب ؟؟؟؟
واسالو كمان مدام رشا
السيراتو ليه علشان تشعر ببرد التكييف لازم تجيبه على max ومشكله هنا صوت التكييف بيكون عالى يدوشك على مسافات طويله... والتقفيل والله يا اخونا لم تقرب من العربيه فقير جدآ وللاسف دة مشكله سيارات الكيا دة غير تلاقى ريحه الفرش مستفزة زى شباشب باتا زمان .. ( ريحه الجلد مع الكاوتشات والبلاستيك ) ملحوظه قوى .. يعنى فى الهيونداى بكرة التكييف على واحد يبردك من غير ماتسمع صوت دوشه خروج الهواء او حتى 2 بالكثير ... دخلنا كذا عربيه نفس الموضوع
بصراحه يا اخوان السيارات كلها حلوة وخاصآ اخر خمس سنوات وشكل الطرق حلو ومصر شكلها حلو والمقارنات ما يقلل فى كفاءة اى سيارة فالدايو والشفروليه ( جى ام ) والكيا والهيونداى والتويوتا والميتسوبيتشى وغيرهم غيروا شكل طرقنا التى تعج بالسيارات القديمه والى الامام يامصر واحنا ما نقل عن الخليج بل نحن من عمر الخليج ومن حقنا ومن حق مصر ان نطورها ونظهرها بشكل يتناسب مع وزنها . وكلنا اخوان فى الاخر ورمضان كريم
فعلا .التكييف بتاعنا في الحر الشديد لازم يكون على درجه عالية و صوته عالي جدا و مزعج دي حقيقة
التقفيل الحمد لله ما فيهوش أي عيب ولا الهوا ...الخامات من البلاستيك زي كتير من العربيات و خامته كويسة جدا و ملمسة محترم بس هي دي الحاجة اليتيمة اللي ماسكين فيها مع ان الشارك و المازدا بلاستيك بس دول ياباني طبعا
لو التابلوه كارتون ولا حد هايعلق ...
أما موضوع شباشب باتا فأنا ما شمتهاش علشان أقدر أقارنها بالريحة يتاعة الجلد بتاعي
يمكن تكون ريحتها حلوة و أنا ما اعرفش :ma(30):