بما انى مش مشترك فى اى نادى ,حد يعرف مكان اتعلم فى السباحة مجرد انى اتعلم بس مش لازم تدريب علشان اخد ميدالية اولمبية:M_yes[1]:؟
عرض للطباعة
بما انى مش مشترك فى اى نادى ,حد يعرف مكان اتعلم فى السباحة مجرد انى اتعلم بس مش لازم تدريب علشان اخد ميدالية اولمبية:M_yes[1]:؟
نادي المعلمين في الجزيره جنب النادي الاهلي
شوف الاتحاد الرياضى العسكرى خلف دار المشاه
وممكن كمان نادى الجلاء
انت ساكن فين طيب ؟
ممكن تتعلم فى المية العوم فى المية حلواقتباس:
حد يعرف مكان اتعلم فى السباحة؟
بص نصيحة شخصية مدام مش عايز تاخد ميدالية بيتهيألي مش لازم نادي.. لأن السباحة سهلة جدا ... بس لو عايز تبقي سباح مش هاوي يبقي لازم نادي.. انا اسكندراني وبيتهيقلي العيل بينزل عندنا بيعوم عشان البحر .. يمكن في القاهرة بقي عشان مفيش بحر فدي المشكلة ... بس انا ممكن اديك لينكات تتعلم منها بس لازم تجرب عملي ... ولو هتروح نادي يبقي فكر انك تاخد ميدالية عشان دا هيحمسك اكتر لأن الاسكندرنية مثلا عويمة بس مش كل عويم بيعرف يعوم مسفات .. عشان عيزة لياقة وتعود .. ودا لازم تتعلموا في نادي .. وربنا معاك .. وان شاء اللعه الاعضاء يفيدوك في نادي كويس وربنا يوفقك
عندك كل نوادي الجيش ممكن تدرب فيها .... بس لو مدني هتبقى غاليه شويه
كمثال .. اشتراك الجيم في دار الدفاع الجوي30 للعضو نفس السلاح 50 للاسلحه الاخرى 120 للمدني !!!
و هتلاقي السباحه تقريبا في نفس الحدود
فيه حاجه بتتعمل فى النوادى فى الصيف اسمها مدرسه السباحه (زى مدرسه الكورة كده) بيعلموا اى حد السباحه مقابل مبلغ ما كاشتراك فى الدورة (100 جنيه مثلا لمده شهر)
ممكن تسأل فى الثلاث اماكن دول عنها :
اتحاد الشرطة الرياضى - الدراسة
نادى الجلاء للقوات المسلحه - صلاح سالم
نادى المقاولين العرب - مدينه نصر
كلية التربية الرياضية
وكمان حمام سباحة تبع وزارة التعليم اول الجزيرة بجوار نقابة المعلمين
هسال هناك
مدينة نصر امام نادى المقاولون
مش فاهم!!!!
ابعت اللينكات اهى تصبيرة
هسال هناك
هسال فى المقاولون لانة قريب منى جدا
هسال هناك وربنا يسهل
[marq="3;right;3;scroll"]
اشكر كل الاخوة على الاهتمام
[/marq]
ابقى خدنى معاك :):)
انا الحمد لله بعرف اعوم وممكن اعوم مسافه كبيره كمان لان الحمد لله كل فتره بنزل اجرى انا واصحابى فبحافظ على لياقتى
انما مشكلتى الابديه ان انما طول ما فى حته عميقه "يعنى مفيش طول "مش بعرف اقف فى الميه يعنى اعمل عجله زى ما بيقولو
لازم اعوم ودى بتبقى مشكله لى ان مش هفضل طول ما انا فى الميه بعوم !!!!
لو حد عنده حل ياريت يقوله لانه مضايقنى !!!
اقتباس:
مش فاهم!!!!
انا بهزر بقولك العوم فى المية
اصل السؤال مضحك اوى بصراحة
علي فكرة حضرتك موضوع العوم مش عايز ان حضرتك تكون بتجري كتير .. اهممن كدا اللياقة في دراعك ورجيليك والاهم دراعك .. اهم حاجة ان مفصل الكتف والغضاريف تكون معتادة علي النشاطك العالي .. لأن الميه كمان تقيلة .. يعني حضرتك تخيل ان الذراع بقي بيشد الجسم كله .. فعايز قوة تحمل للمسافات ..
اما موضوع العجلة والتثبيت في المية .. فحضرتك المشكلة هتلاقيها حالة نفسية . زي متلاقي واحد مش عارف ينام علي المية ..
الموضوع في الرهبة .
لو حضرتك مثلا واقف في المية لازم تكون متاكد من حاجة واحدة ان المياة هترفعك يعني هترفعك ..ممكن حضرتك تكون شايف ان الموضوع مش حالة نفسيه بس هقول لحضرتك سؤال هو مش حضرتك لما بتلاقي تحتيك ملكش طول بتحرك رجليك بسرعة عشوائية .. دا ممكن يكون سبب .. لأن الغرض من العجلة مش حركة عشوائية ..لأ دا لازم مشط الرجل يكون بيتحرك بطريقة افقية علي المية عشان يدفع الجسم لفوء او يتحرك في شكل مثلت مقوس لفوق عشان المية تندفع علي منطقة الحوض فترفع الجسم ..
نصيحة مني جرب تهدي نفسك وتحرك رجلك براحة .. السرعة مش مهمة لأن لو كنت ف حالة طمأنينة هتعرف تتحكم في حركة جسمك افضل .. اما لو اتسرعت او حسية برهبة فنبضات قالبك بتزيد وسرعة التنفس فمن جواك هيجيلك احساس بالغرق دا غير ان سرعة التنفس وضربات القلب هتبوظ حركتك في المية فهتغوصك ....
والله اعلم
YouTube - How to Swim Freestyle Stroke by JimmyDShea
دا لينك .. وهتلاقي بقيت انواع السباحة في ال realted >>>
طب بص جرب اللي هقولهولك دا ... وانت بتعوم جرب تعوم في حمام سباحة غويط شوية يعني لو في ازيد من 2 متر ياريت انشاله حمام غطس.. بص بقي انزل جنب السلم وامسك فيه وابتدي حرك رجلك هتلاقي بالطبيعي جسمك بيترفع غصب عنك... سيب السلم بس خلسك جنبه عشان لو غوصت تلحق نفسك.. المهم بكل هدوء حرك رجلك في المية بسلاسه براحة يعني من غير غشومية .. وعلي شكل دواير بتفتح لبره .. يعني كل رجل تلفها دايرة بحيث مشط رجلك يكون كأنك بتشوط كرة بوش رجلك .. وحرك رجليك الاتنين وبراحة ... لو عرفت تظبطها يبقي سيب السلم وادخل جوة بقي وربنا يسطر عليك.. وعود نفسك مش كل متعوم في المية تعوم زعاننف .. يعني بأديك كأنك في مسابقي اولمبية .. لأ جرب تعوم وايدك جوة المية .. لو تسمع عن العوم الكلابي ... بس ايدك تتحرك بالجنب كأنك غاطس تحت المية .. ورجلك شغالة براحة اوي بتبدل لأن التبديل دا لوحدو عايزلوا شرح تاني .. العوم دا هيريحلك ايديك اوي .. وجربب وقولي
..