العربيه 125 بولندى و اثبات بيكون سىء جدا بعد سرعة 100 كم/س
هل فى طريقه اقدر ازود ثبات العرييه و تكون اكثر امان؟
عرض للطباعة
العربيه 125 بولندى و اثبات بيكون سىء جدا بعد سرعة 100 كم/س
هل فى طريقه اقدر ازود ثبات العرييه و تكون اكثر امان؟
احمد ربنا انها بتوصل لل 100 و اعرف انك راكب عربية قديمة بلاش تفترى عليها علشان الزمان بيهد الجبال
خليك حنين على العربية
بس عموما عموا فى اى عربية لو عايز تزود ثبتها:
ركب جنوط عريضة
تركيب مساعدين رياضين
طلع ايدك من الشباك وانت سايق وساعد العربية على الثبات
هههههههههههه
1- ضبط التيش والبيض
2-ركب الجنط عريض
انا معايا اختها انا رائى انك تروح لمحل ضبط زوايا واتزان يشوفها وهو حيقولك ايه العيب بالضبط
ركب جنوط عريضة
خفض من ارتفاع العربية عن الارض
ظبط زوايا و عفشة و المقصات
ركب مساعدين رياضي
و اتفرج عليها بعد كدا
انا معايا 128 كان اخرها 90 و تبدا تغربل و تبقى خلاص هتطير
ركبت جنوط عريضة راخح ثباتها كويس لحد 130 من غير ما اوطي العربية لو وطيتها كمان هتبقى احسن بكتير بس الموتولر مش هيجيب اكتر من 130 عشان انا 1100 سي سي
الف شكر لجميع الردود
بس حد يعرف الموضوع هيكلف كم تقريبا؟
بص اول عربية اسوقها في حياتي كانت 125 و كانت بتاعت خالي انا عارف ان الموتور بتاعها موتور غبي و قوي جدا على جسم العربية مقارنتا بمواتير فيات الاخرى
بس المشكلة ان العربية ديه بجد قدمت و تصميمها قديم يعني عندك العفشة الخلفية واقفة و العجل مش بيفرش مع السرعة زي العربيات الجديدة و ده بيخلي اي ملف على سرعة خطر
عندك العفشة الامامية و وجود بيضة الدركسيون في وضع التحميل و ليس التوجيه فقط لو ملصت و انت ماشي بالسلامة مفيش تحكم و ده سبب ميخليكش تفكر تجري بيها
انا عارف ان موتورها يجيب بس بجد اتخيل ان كل حاجة في العربية بعد سنين و سنين من العمل معدتش بكامل كفائتها حتي لو انت بتغير ليها اي قطعة بنسبة 90 % هاتجيبها مستعملة برده يعني صعب تحدد عمرها الافتراضي
موضوع الجنوط هايحسسك شوية بالثبات بس عمرة ما هايديلك امان من الملفات علشان ثبات العجل الخلفي
علشان كدة بقولك حرام عليك تجري بالعربية ديه 90 او 80 سرعة مناسبة ليها
و عموما لو عاوز العربية تثبت ممكن حضرتك تروح توطي العربية من قدام و ورا و تجيب مساعدين رياضية و تركب جنوط عريضة و كاوتش رفيع و التكلفة في حدود 5
اشكرك جدا جدا على الرد الواقعى ده و اهى شايلانى انا و العيال لحد ما ربنا يسهل
المشكله انى بسافر بيها على الاقل مره فى الشهر للاسره فى اسكندريه و الطريق طويل
و ببقى عاوز اخلص منه بسرعه ...بس كلام حضرتك منطقى جدا..وممكن لو طقم جنوط كده سعره حنين مفيش مانع و برده مش هنزود السرعه
عين العقل