على فكره القصور فى الاداء والثبات السئ اللى بيتكلم عنه الاخ بارى اكيد فى لانسر 1300
بالفعل العربيه بتحارب فى التسارع بمجرد وصولها ل 120 وده علشان وزن العربيه التقيل والموتور كله على بعضه بيطلع حوالى 88 حصان فهى تشكر اوى بصراحه - دون ذلك اداء العربيه تحت ال 100 كم فى الساعه ممتاز واللى يسوقها ميحسش انها 1300
السرعه القصوى بالفعل فى حدود 160 وبعد فتره كويسه وحرق
الثبات بالفعل سئ والعربيه بتعوم فى السرعه وبتميل فى الملفات على سرعه لكن ده بسبب العفشه الطريه واللى بشهاده الجميع اريح عفشه عربيه فى الفئه دى داخل المدينه مينفعش تقارنها غير بكورولا مثلا
البحث عن الاداء يكون فى ال 1600 علشان الموتور اكبر والعفشه مختلفه وفرق الثبات ملاحظ
التصميم الايروديناميكى فى الفئه الاقتصاديه دى يا استاذ بارى مش مطلوب لأنها عربيه اقتصاديه فى المقام الاول ولو حضرتك كنت متخيل ان تأثير الهواء على سرعه 120 هو الفيصل فى ثبات اللانسر للأسف لا