اللانس عن قرب بعد عام

**barrii** · 15-08-2009 12:16 PM

اسأل اى حد لو عايز تشترى عربيه جديده اكبر من 90 %من الاجابات هتكون لانسر ؟!!!!!!!

طيب كويس انا سمعت الكلام و رحت اجيب لانسر بحب اجيب مستعمل عجبنى اجيب زيرو

سنه و اهى معايا ركبت عربيه ميه ميه مريحه حلوه

طيب تيجى نقيم العربيه دى بعد سنه و زياده

المميزات :

اعاده البيع سهله و ممكن ما تخسرش كتير

اى ميكانيكى يشتغل فيها

قطع غيار متوفره باختلاف المنشأ

العيوب:

التصميم ليس له اى علاقه بالايرودينامك بالمره

السرعه 160 بالعافيه بالنكييف 130

واطيه زى باقى العربيات

توكيل فى الاسكندريه اى كلام عن تجربه

و الاستاذ طارق حسيت انه مهتم بس شكله ما عرفش يعمل حاجه فمافيش رد منه

http://www.nilemotors.net/Nile/86552-a.html

بتعوم بعد ال 120

الفتيس السى فى تى نقمه وليس ميزه زيت مش موجود كل توكيل بيغير بمزاجه كميه وسعر والمهم التوكيل بيقول احنا بنغيير موبيل بموافقه متسوبيشى حد شاف الموافقه طيب ليه الكتالوج الجديد ماكتبوش فيه كده الموضوع فيه شك فى صحته ؟؟؟؟؟؟

المهم يا جماعه فى حاجه فى الزيوت انك ما ينفعش تحط نوع على نوع تانى يعنى موبيل على شل لا لازم تصفى خالص النوع القديم و بعد كده تحط جديد ودا لا يمكن يحصل مع التوكيلات الى بتغيير 5 لتر من موبيل و دا بيضرالفتيس

صوت الموتورعالى بقى احسن مع شل (على فكره موضوع زيت موبيل فى التوكيل عمليه تجاريه مش ذى ما هايقولك متسوبيشى بتقول دى عقود و بزنس)

خلاصه الموضوع انا عارف انى هاتهاجم بس بموضوعيه يا ريت و ما تقوليش بص على المبيعات احنا شعب ......... نصيحتى غيراللانسر

و الاستاذ طارق هيهاجمنى بس ارجو بادله مش كلام مرسل للدفاع

**مصراوي جدا** · 15-08-2009 01:07 PM

اهلا يا استاذ محمد

من وقت شكوى حضرتك وانا بلغتها لمدير الصيانة وهو كلم المأمون للاتصال بك وحل المشكلة
لما قريت كلام حضرتك النهاردة اتصلت بمدير الصيانة وقال لي انه بلغ المأمون من وقتها ومنتظر ردهم
كلمت بعدها المهندس اشرف عوض صاحب شركة المأمون وهيتصل بحضرتك النهارده

بخصوص العيوب اللي حضرتك ذكرتها في العربية:
التصميم الغير انسيابي
السرعة 160 بالعافية و 130 بالتكييف
واطية زي باقي العربيات
بتعوم بعد 120
الفتيس cvt نقمة
صوت الموتور عالي

انا مش هاهاجم حضرتك او ارد عليها ، خللي الناس تقول تجربتها وترد ايجابا او سلبا

**مصراوي جدا** · 15-08-2009 02:04 PM

مشكلة عدم توافر زيت الـ cvt بالشكل الكافي يرجع الى قوانين البلد اللي بتمنع استيراد الزيوت بكميات كبيرة طالما لها بدائل تصنيع محلي ، وبالتالي بيتم شراء الزيت مع طلبيات قطع الغيار من ميتسوبيشي بكميات صغيرة وخلال فترة عدم توافرها بيتم استخدام زيت موبيل atf

**Eng.Osama.Afifi** · 15-08-2009 04:31 PM

المشاركة الأصلية كتبت بواسطة barrii

[FONT=&quot]

التصميم ليس له اى علاقه بالايرودينامك بالمره

السرعه 160 بالعافيه بالنكييف 130

واطيه زى باقى العربيات

توكيل فى الاسكندريه اى كلام عن تجربه

و الاستاذ طارق حسيت انه مهتم بس شكله ما عرفش يعمل حاجه فمافيش رد منه

http://www.nilemotors.net/Nile/86552-a.html

بتعوم بعد ال 120

الفتيس السى فى تى نقمه وليس ميزه زيت مش موجود كل توكيل بيغير بمزاجه كميه وسعر والمهم التوكيل بيقول احنا بنغيير موبيل بموافقه متسوبيشى حد شاف الموافقه طيب ليه الكتالوج الجديد ماكتبوش فيه كده الموضوع فيه شك فى صحته ؟؟؟؟؟؟

[RIGHT]

[FONT=&quot]المهم يا جماعه فى حاجه فى الزيوت ان

أنا حتكلم على عربيتي : لانسر خليجي 1600 سي سي فول أوبشن ( مش سبورت ) 2007
بالنسبة للعيوب :
1- الإيروديناميكس أنا معرفش هل كلامك صحيح ولا لاء
2- أقصى سرعة : ياراجل حرام عليك ... أنا جايب بالعربية ديه ومعايا 4 راكبين العربية ( غيري ) وكنت مشغل التكييف ... جايب بيها والله 190 على طريق مصر إسكندرية الصحراوي وواحد صاحبي صور العداد ... وبالمناسبة العربية أتوماتيك ... وبسم الله ماشاء الله العربية كانت متزنة جدا رغم إني جيبت السرعة ديه على الطريق القديم مش الطريق الجديد الدولي
http://photos-c.ak.fbcdn.net/photos-...67754_4847.jpg

3- العربية مش واطية خالص ... أنا لغاية دلوقتي اللهم لك الحمد محكتش في ولا مطب ... حتى وهي محملة ... وحتة لو كنت أخدته على سرعة عالية .... العربية بتتهبد جامد بس مش بتحك ولا بتخبط ... وبالمناسبة أنا ساكن في المقطم ... وعندنا في المقطم مطب عالمي على المنزل إللي بينزل على الدائري ... بشوف كل العربيات بتخنشر فيه ... وعمره ما لمس العربية حتة والعربية مدروزة ناس ! ( ما شاء الله طبعا )

4- بتعوم بعد 120 ؟؟؟ هو على العموم ممكن يكون معاك حق في حالة إن عندك مشكلة في الزوايا ... أو الطريق مش مساعدك .... أنا في بعض الطرق ممكن أحس أنها بتعوم بعد ال140 .... بس ده بيبقى عيب في الطريق والأسفلت

5- بالنسبة للزيت .... فكلامك معرفوش .... أنا فعلا غيرت زيت العربية في التوكيل وحطيلي موبيل ... بس مكنتش أعرف إنه غير متوافق

العربية بالمناسبة فيها عيوب تانية ... العزل سيء ... الكوتش زفت ... الإكصدام الخلفي ضعيف ....العفشة الرياضية لعنة في الطرق المكسرة ... بحس إنها بتاكل بنزين شوية .... الفرامل مش عاجباني أنا شخصيا

**barrii** · 15-08-2009 05:10 PM

المشاركة الأصلية كتبت بواسطة thebraveeagle

أنا حتكلم على عربيتي : لانسر خليجي 1600 سي سي فول أوبشن ( مش سبورت ) 2007
بالنسبة للعيوب :
1- الإيروديناميكس أنا معرفش هل كلامك صحيح ولا لاء
2- أقصى سرعة : ياراجل حرام عليك ... أنا جايب بالعربية ديه ومعايا 4 راكبين العربية ( غيري ) وكنت مشغل التكييف ... جايب بيها والله 190 على طريق مصر إسكندرية الصحراوي وواحد صاحبي صور العداد ... وبالمناسبة العربية أتوماتيك ... وبسم الله ماشاء الله العربية كانت متزنة جدا رغم إني جيبت السرعة ديه على الطريق القديم مش الطريق الجديد الدولي
http://photos-c.ak.fbcdn.net/photos-...67754_4847.jpg

3- العربية مش واطية خالص ... أنا لغاية دلوقتي اللهم لك الحمد محكتش في ولا مطب ... حتى وهي محملة ... وحتة لو كنت أخدته على سرعة عالية .... العربية بتتهبد جامد بس مش بتحك ولا بتخبط ... وبالمناسبة أنا ساكن في المقطم ... وعندنا في المقطم مطب عالمي على المنزل إللي بينزل على الدائري ... بشوف كل العربيات بتخنشر فيه ... وعمره ما لمس العربية حتة والعربية مدروزة ناس ! ( ما شاء الله طبعا )

4- بتعوم بعد 120 ؟؟؟ هو على العموم ممكن يكون معاك حق في حالة إن عندك مشكلة في الزوايا ... أو الطريق مش مساعدك .... أنا في بعض الطرق ممكن أحس أنها بتعوم بعد ال140 .... بس ده بيبقى عيب في الطريق والأسفلت

5- بالنسبة للزيت .... فكلامك معرفوش .... أنا فعلا غيرت زيت العربية في التوكيل وحطيلي موبيل ... بس مكنتش أعرف إنه غير متوافق

العربية بالمناسبة فيها عيوب تانية ... العزل سيء ... الكوتش زفت ... الإكصدام الخلفي ضعيف ....العفشة الرياضية لعنة في الطرق المكسرة ... بحس إنها بتاكل بنزين شوية .... الفرامل مش عاجباني أنا شخصيا

انا موافق على العيوب الى انتى قلتها بس انا الزوايا عندى 100 100
190 اذاى و الكتالوج بيقول 180 حد اقصى و اكيد ما عديتش على ولا مطب

**MAX_PIN** · 15-08-2009 07:48 PM

المشاركة الأصلية كتبت بواسطة barrii

اسأل اى حد لو عايز تشترى عربيه جديده اكبر من 90 %من الاجابات هتكون لانسر ؟!!!!!!!

طيب كويس انا سمعت الكلام و رحت اجيب لانسر بحب اجيب مستعمل عجبنى اجيب زيرو

سنه و اهى معايا ركبت عربيه ميه ميه مريحه حلوه

طيب تيجى نقيم العربيه دى بعد سنه و زياده

المميزات :

اعاده البيع سهله و ممكن ما تخسرش كتير

اى ميكانيكى يشتغل فيها

قطع غيار متوفره باختلاف المنشأ

العيوب:

التصميم ليس له اى علاقه بالايرودينامك بالمره

السرعه 160 بالعافيه بالنكييف 130

واطيه زى باقى العربيات

توكيل فى الاسكندريه اى كلام عن تجربه

و الاستاذ طارق حسيت انه مهتم بس شكله ما عرفش يعمل حاجه فمافيش رد منه

http://www.nilemotors.net/Nile/86552-a.html

بتعوم بعد ال 120

الفتيس السى فى تى نقمه وليس ميزه زيت مش موجود كل توكيل بيغير بمزاجه كميه وسعر والمهم التوكيل بيقول احنا بنغيير موبيل بموافقه متسوبيشى حد شاف الموافقه طيب ليه الكتالوج الجديد ماكتبوش فيه كده الموضوع فيه شك فى صحته ؟؟؟؟؟؟

المهم يا جماعه فى حاجه فى الزيوت انك ما ينفعش تحط نوع على نوع تانى يعنى موبيل على شل لا لازم تصفى خالص النوع القديم و بعد كده تحط جديد ودا لا يمكن يحصل مع التوكيلات الى بتغيير 5 لتر من موبيل و دا بيضرالفتيس

صوت الموتورعالى بقى احسن مع شل (على فكره موضوع زيت موبيل فى التوكيل عمليه تجاريه مش ذى ما هايقولك متسوبيشى بتقول دى عقود و بزنس)

خلاصه الموضوع انا عارف انى هاتهاجم بس بموضوعيه يا ريت و ما تقوليش بص على المبيعات احنا شعب ......... نصيحتى غيراللانسر

و الاستاذ طارق هيهاجمنى بس ارجو بادله مش كلام مرسل للدفاع

انا هتكلم عن العيوب الى حضرتك ذكرتها بمنتهى الامانه والصراحه ومن غير لاهجوم ولايحزنون
بالنسبة للأيروديناميكيه أعتقد ان العربيه ديه لو مش متوفره فيها الايروديناميكيه ماكنتش
تجمع سرعات فى وقت وزمن قليل وماكنتش تجيب سرعات عاليه اطلاقا لأن جسمها كان هيقاوم الهواء بمنتهى الصعوبه وهى عكس كده

بالنسبة لسرعة العربيه الى حضرتك كاتبها ده يمكن يكون فى مشكله عندك محتاجه مثلا بوجيهات
جديده فلتر هواء فلتر بنزين يعنى بالتقريب كده انما ممكن تجيب بيها اعلى من 160

بالنسبة لأرتفاع العربيه عن الارض انا شايف ان ارتفاعها ممتاز ومناسب جدا لشوارع بلدنا

بالنسبة لمركز خدمة المأمون نصيحه لو عايز تعمل صيانه دورية اعملها فى توكيل جسر السويس
عشان تريح دماغك خالص لحد لما يجيى ميعاد الصيانه الى بعدها عشان كل حاجة هتبقى على مسؤليتهم

بالنسبة للتعويم على 120 ماحصلش نهائى انا بسيب ايدى من ع الدريكسيون ع 120 والعربيه مشاء الله ماشية فى خط مستقيم على فكرة من كام يوم وانا ع طريق مصر اسكندريه الصحراوى
اخدت بيها غرزة جامده على 140 لتفادى جرار بمقطورة كان معدى الطريق بالعرض وABS عمل معايا شغل حلو وخلانى اناور بالعربيه كويس من غير ماتزحف وربنا ستر والحمدلله
بالنسبة للفتيس ال cvt حلو جدا وأدائه كويس للى يستعمله صح وسحبه حلو
يمكن حضرتك عشان موضوع الزيت الى كنت عاوز تغيره فى المأمون والموقف الى حصل
خلاك اتعقدت من العربيه وانا مقدر موقفك
واعتقد انهم لو غيروا زيت الفتيس بزيت موبيل atf spiii واتحرق الفتيس لا قدر الله هتبقى مصيبه وكارثه عليهم وهما هيتغرموا تمن فتيس جديد وان كان حصل حاجة زى كده كان زمانه المأمون ده قفل من زمان
بس انت اتعب شوية وروح فرع جسر السويس المعامله غير وكفاية الثقه
تحياتى

**أحمد كمال** · 16-08-2009 12:11 AM

المشاركة الأصلية كتبت بواسطة barrii

[FONT=&quot]

العيوب:

التصميم ليس له اى علاقه بالايرودينامك بالمره

السرعه 160 بالعافيه بالنكييف 130

واطيه زى باقى العربيات

توكيل فى الاسكندريه اى كلام عن تجربه

و الاستاذ طارق حسيت انه مهتم بس شكله ما عرفش يعمل حاجه فمافيش رد منه

http://www.nilemotors.net/Nile/86552-a.html

بتعوم بعد ال 120

الفتيس السى فى تى نقمه وليس ميزه زيت مش موجود كل توكيل بيغير بمزاجه كميه وسعر والمهم التوكيل بيقول احنا بنغيير موبيل بموافقه متسوبيشى حد شاف الموافقه طيب ليه الكتالوج الجديد ماكتبوش فيه كده الموضوع فيه شك فى صحته ؟؟؟؟؟؟

المهم يا جماعه فى حاجه فى الزيوت انك ما ينفعش تحط نوع على نوع تانى يعنى موبيل على شل لا لازم تصفى خالص النوع القديم و بعد كده تحط جديد ودا لا يمكن يحصل مع التوكيلات الى بتغيير 5 لتر من موبيل و دا بيضرالفتيس

صوت الموتورعالى بقى احسن مع شل (على فكره موضوع زيت موبيل فى التوكيل عمليه تجاريه مش ذى ما هايقولك متسوبيشى بتقول دى عقود و بزنس)

[/RIGHT]

سيدي الفاضل

بصفتي راكب بومة من 2005 الى 2007 و من 2007 الى الان (غيرت بومة ببومة شوف الفراغ العاطفي !!!!!!)

اسمح لي انتقد بعض العيوب

1- السرعة

معلش العربية جراااااااااااية جدا ...... انا جبت بالمانوال 190 (البومة الاولى) و بالاوتوماتيك 180 مستريح (البومة التانية) و السرعتين دول مع التكييف

2- اللي في اسكندرية ده مش توكيل ده مركز معتمد او غير معتمد و ما يتاخدش على كلامه

و انصح اي حد معاه لانسر او غير لانسر يلتزم بالصيانات في التوكيل فقط ...... و لا مراكز معتمدة و لا يحزنون ..... مفيش حد فاهم و عارف بيعمل ايه زي التوكيل ..... و مفيش حد يهمه سمعة العربية و انك تبقى خارج بالعربية متظبطة قد التوكيل ........

3- التعويم

عمرها ما عومت معايا بالعكس انا مرة عالدائري و انا على 130 واحد حمار ماشي جنبي بالظبط (موازي ليا تماما و مقدمة سيارته على حذا مقدمة سيارتي) و كسر عليا شمال بمنتهى الغباء و اضطريت اكسر شمال جامد جدا (لفيت الدركسيون 90 درجة شمال) و عدلت تاني بسرعة جدا عشان ما اخشش في الحاجز الخرساني بتاع الجزيرة الوسطى (90 درجة يمين بالدركسيون) و العربية زي الفل لا عومت و لا اتقلبت و لا يحزنون ......

4- الفتيس ال CVT

مع احترامي هو نعمة و حلو جدا و انا دلوقتي سبت اللانسر للمدام و ركبت السينيك و مش عايز اقول لك اكتر حاجة مفتقدها هي ال CVT

و موضوع موبيل ..... حضرتك اكيد التوكيل مش اهبل و لا بريالة عشان يحط زيت يبوظ الفتايس لان مفيش اكتر من اللانسر في مصر و لو كل الناس دي فتايسها باظت (ال CVT بينزل من ساعة لانسر 2005) كان زمان الموضوع انتشر و اتشهر و بقت فضيحة

و حضرتك توافر ماركات و انواع زيوت في بلاد يختلف يعني عن بلاد تانية كتير .....

يعني ايه؟

يعني ممكن بلد فيها موبيل و مفيهاش شل

بلد العكس

و هكذا

اللي بيحصل ان الوكيل في كل بلد بالتنسيق مع الشركة الام بيتفق مع احد الموردين (موبيل في حالة مصر) على توريد الزيت المناسب للسيارة

و الكاتالوج مستحيل يتطبع فيه عشرتلاف نوع زيت

حضرتك قلت [gdwl]ودا لا يمكن يحصل مع التوكيلات الى بتغيير 5 لتر من موبيل و دا بيضرالفتيس [/gdwl]

حضرتك دي مش توكيلات دي مراكز صيانة و دول ناس ما بتفهمش و ربنا يحاسبهم عاللي بيهببوه ده

و التوكيل انا دخلت الورشة و شفت بيغيروا الزيت ازاي

مش بيدلقوا و لا يصفوا القديم

بيحطوا جهاز خارج منه خرطومين واحد يشفط و التاني يصب

و فيه قزازتين شفافتين في الجهاز بيبينوا لون الزيت اللي بيخش و اللي بيخرج

يفضل يحط و يسحب في نفس الوقت لحد ما يظبط الزيت بدون تعديل مقاسه او تنقيصه

و بعدين ينور لمبة Start Engine

و تشغل الموتور و يقعد الفني يقلب في النقلات عشان يجيب شوية الزيت الوسخ اللي في قعر الفتيس

انما اللي بتعمله المراكز ده نصب و سرقة

موضوع زيت المحرك حضرتك مادام بتحط زيت تخليقي مناسب لنوع المحرك و من ماركة محترمة سواء موبيل او شل او توتال و بتغيره في المعاد و مش بتمشي عليه كيلومتر اطول من اللازم يبقى تمام مفيش مشكلة ..... كون الوكيل بينصح باستخدام موبيل هو حر و هما شايفين كده الاحسن ....... انا شخصيا باعمل زي ما بيقولوا ..... حضرتك حط شل او غيره و اكيد مفيش ضرر باذن الله