اعتقد ان الكلام ده عن اعادة تجميع 504 استيشن كلام جرايد
اعتقد ان الكلام ده عن اعادة تجميع 504 استيشن كلام جرايد
السيارة فعلا حتتجمع فى مصانع الهسئة العربية للتصنيع و أظن ان بدايه الإنتاج حتكون فى نهاية 2009
دى عربيه بيجو 504 بس طبعا مش هى اللى هتنزل لأن الصوره دى شكلها تخيليه ليها
http://www3.0zz0.com/2009/08/16/08/692065107.jpg
إلى الخلف در
انا مش شايف أى فائدة من المشروع الغريب ده
العربيات دى خلاااااااااص خلصت و كفاية كده
يعنى لما لادا نزلوا النيفا - الجديدة - و عدلوا فيها شوية حاجات بسيطة
يا ترى باعوا منها قد إيه؟؟؟
مش كتير رغم ان النيفا معروفة انها عربية قوية و غشيمة
نيجى نشوف الإسبرنزا التيجو و نشوف عملت إنتشار قد إيه؟
حاجة ما شاء الله و فى زمن قليل رغم انها لسه مأخدتش ثقة السوق بنسبة كبيرة
والعربيتين تقريبآ سعرهم قد بعض
الخلاصة
ان الناس زهقت من الحاجات القديمة و من الآخر كله عايز العربية يبقى شكلها عصرى و فيها الأمكانيات اللى تناسب سنة الصنع و ده حق منطقى
و بعدين نيجى للسعر المفاجئة اللى بيتكلموا عليه
تعتقدوا هتبقى بكام؟
أظن إنها مش هتكون أقل من 60 الف جنيه
لإن هيقولك دى بيجو و انت بتشترى عمر إفتراضى و كلام كبير
بس لما نشوف الإختراع ده شكله هيبقى إيه؟؟
غبور بيعمل توك توك و عربيات death trap و اباظه هيعمل عربيه موديل سبعينات
بلدنا بتتقدم بينا
ارحمنا يا رب من العالم ديه
هو كده حل مشكلة إحلال التاكسي القديم...و اللي كان داخل فيه البيجو ال 7 راكب...
و طبعاً لمن لا يعلم...العربية دي أساس الإنتقال بين المحافظات خصوصاً الوجه البحري و القبلي و الأقاليم
و بما انه ليس هناك بديل موجود حاليا في الأسواق للعربية دي...أكيد تصنيعها مرة أخرى هايكون خطوة إيجابية في مشروع إحلال و تجديد أسطول التاكسي...زيها زي اللادا...بس ده لأن فئة ال7 راكب محدودة
إلا بقي لو تعاقدوا مع مصنع رينو لتوريد السيارت اللوجان ال7راكب...معرفش إذا كان فيه منها مغربي للإستفادة بإتفاقية التجارة بين البلدين...لأن حسب ما سمعت...اللوجان المغربي تعامل كأنها مصنعه داخل أرض مصر...و هو شرط أساسي لإحلال التاكسي
مش عارف...انا شايفها خطوة كويسة و وحشة في نفس الوقت...و الأيام هاتظهر كل حاجة
السلام عليكم ورحمة الله وبركاته
من الاصلح للطرق والموصلات سيارات ميكروباص 14 راكب افضل من سيارات 7 راكب.. هناك فوائد ولازم نطور افكارنا بما يتماشى مع العصر. يعنى لما سيارة واحدة يسافر عليها 14 فرد بنوفر مكان عربيتين فى مواقف التاكسى ناهيك عن زحمه سيارات وعدد ضعف عدد الميكروباص فى الشوارع لنفس الغرض . دة استراتيجيه لابد كلنا نفكر فيها بنقل المسافرين باساليب تقلل عدد السيارات ونقلل زحمه الشوارع والمواقف باقل عدد ممكن من السيارات
هو أخبار الميكروباص الهيونداى أيه ؟؟؟؟ بقى بكام دلوقتى ؟؟