الموضوع: سياره فاشله= اسبرانزا 113

السلام عليكم

بصراحه يا جماعه والله الواحد احتار فى العربيه دى انا يااما اسمع الناس بتشكر فيها جداااا يا اما الناس مش طايقه تسمع اسمها يا ريت اصحاب الخبره يفيدونا ويا ريت كمان يكون مجربنها والناس الى معاهم العربيه اكتر من سنه ولا اتنين يفيدونا بما يرضى الله لانى بجد عاوز اجيب العربيه دى ويا ريت الى ينتقد العربيه يفدنا بحاجه تانيه كويسه بس تكون فى نفس الرنج ( يعنى السعر مايعدش 55000 والشكل كمان والمواصفات ) شكرااااا واسف للاطاله

عامل تخفيض وخلاه 49900 جنيه فى اهرام الجمعه
العربيه حلوة بس هى حظوظ تانى حاجه حجم مبيعتها يقولك ايه ؟
سواء هى والا 516 شوف حجم المبيعات طب انا جه حظى فى عربيه لانسر زيرو 2003 وكانت مقرفه قعدت مايا سنتين وبعتها وعيب السحب فيها برضه والتوكيل معرفش يعمل حاجه
يعنى هى حلوة واللى عايز يتشى يسال وياريت يجربها وهيعرف بدون اى كلام هو لوحده واولا واخيرا صلى استخاره

هي دي الهاتشباك ولا اللي شبه الكورة ؟

المشاركة الأصلية كتبت بواسطة mosmafa

مستعد احلف عالمصحف
ان العربية دي بالمواصفات اللي طلبها ابو الفتوح
تمنها ميزيدش عن 10تلاف جنيه
يا باشا الضمير انعدم المهم الربح وبس
انا ركبت ال a516
حاجة زفت الزفت ولما فتحت الكبوت حسيت اني فاتح كبوت عربية موديل
90 مش 2009
ربنا يرحمنا ويبعد عننا ولاد ال

ياريت بس ما تنشرش خبرتك الصعبة علي الناس لانها خبرة فردية مش اكتر و ممكن يكون كلامك صح بس برضو انا حاسس انك بتبالغ
وكمان انا كان معايا 516 والعربية زي الفل من كل النواحي ما تعبتنيش اوي ولا حاجا والحمد لله قعدت معايا سنتين وبعد كده عملت حادث جامد دخلت فى نقل عام والحمد لله العربية حمتني تماما ده الزجاج بتاعها ما اتكسرش ياراجل ولا الفوانيس لكن طبعا حدث خساير فى مقدمة السياره والتأمين حيرضلي تمنها انشاء الله وحروح اشتري 113 انشاء الله, يعني انا عايز اقولك ان موتورها مش موديل 90 ولا حاجه لانه معمول علي نفس شكل الباسات والبورش اللى هوا النظام المغلف
وعلي العموم لو مش عاجباك روح اشتريلك عربية تانية الماني او امريكي او ياباني وادفع وانت مبسوط وسيبلنا احنا الصيني لانه علي قدنا واحنا مبسوطين بيه او علي الاقل انا مبسوط بيه
وبلاش توبخ فى العربية لانها جميع الكماليات وشايلاني ومريحاني وكمان سعرها معقول

A516

عليه البيئه و التكيف و الكاسيت مشاكل متكرره

اسعار الصيانات الدوريه غاليه

قطع الغيار غير معمره

عربيه مش بتاعت شغل

غير ان التوكيل زحمه ومقرف و لما تروح فيه هتستني العربيه 7 او 8 ساعات

التوكيل فرع واحد في ابو رواش و الباقي مراكز معتمده و اي مشكله في الضمان لازم تروح الفرع الرئيسي و إلا تصلح علي حسابك

الفرع الرئيسي مفوش حجز يعني تروح من الفجر علشان تحجز دور بدري

صيانه ال 30 الف هتكلف 1700 جنيه

صندوق البيئه ثمنه 1000 جنيه غير المصنعيه

نصيحه العايز يشتريها يروح يوم التوكيل الرئيسي في ابو رواش و يعد الخناقات الهناك بسبب مشاكل العربيه و خلو بالكم في توكيل و في مركز معتمد في ابو رواش و الهيدفع 67 او 68 الف مش خساره ان يضيع يوم هناك علشان يتاكيد و ميندمش بعد كده خصوصا ان لو اشتراها هيضيع بعد كده ايام كتير هناك ده كان في ناس بتيجي لنفس العيب 7 مرات و مبتصلحش بردو