استفسار عن خرطوم الباكم

**marwan_147** · 16-08-2009 02:10 AM

السلام عليكم وكل عام زانتم بخير بمناسبة الشهر الكريم اعادة الله علينا وعلى المسلمين اجمعين باليمن والبركات
اخوانى الاعزاء كان عندى استفسار بالنسبة لفرامل لانسر 2007 1300
انا كان ععندى مشكلة فى تيل الفرامل الامامى وغيرتة والفرامل لا باس بها المهم انى قبل ان اغير التيل العجلتين الاماميتان كانو بيسخنو لدرجة عالية وغير طبيعية فقلت اكيد بسبب التيل وعندما غيرت التيل مكانيكى الفرامل قال لى انهم سوف ياخذون وقت الى ان يطبع التيل على الطنابير وحتروح السخنية الا انة لم يحدث وبعدها قال لى الطنابير عايزة خرط المهم انى لم اخرطهم وبالصدفة بحكى الى والدى قال لى انة ممكن يكون بسبب خراطيم الباكم وبعتنى الى مكانيكى تبعة شاف الخراطيم وقال لى انهم فعلا تعبانين وبتاع العجلة اليمين بايظ اكثر علما ان فعلا العجلة اليمين بتسخن اكتر من الشمال طبعا انا بحكى عشان لو حد مر بنفس المشكلة يكون عندة خلفية ولى سؤال هل اجيب خراطيم استعمال ام جديد الكل قال لى استعمال فمش عارف رايكم وتفتكرو ممكن بعد تغيرهم السخنية تروح واخيرا اتمنى لكم التوفيق والنجاح فى حياتكم واسالكم الدعاء لى بالستر لانى امر بظروف قاسية ربنا يعافيكم واسف للاطالة

**marwan_147** · 16-08-2009 02:16 AM

انا اسف استفسار اخر انا عربيتى خليجى كنت عايز اشتر القنصولة اللى فيها المخدع والطفاية المهم انى سالت عليها لقيتها استعمال ب350 جنية فهل سعرها غالية ولا اية ) (القنصيلة اللى قصدى عليها اللى بين الكرسيين) تحياتى

**Eng.Osama.Afifi** · 17-08-2009 11:13 PM

والله أنا معرفش الحوار بتاع خرطوم الباكم

بس معلش سؤال ... إنت ليه مش بتكشف في التوكيل ... يعني موضوع الخراطيم ده أنا شايف إن لسة بدري شوية عاليه ... ديه العربية موديل 2007 !

هيا عاملة معاك كام كيلو ؟

**أبو إياد** · 18-08-2009 10:43 AM

انا مش مقتنع نهائى بموضوع الخراطيم وده بسبب ان جميع تيل فرامل الميتسوبيشى الموجوده فى السوق خامات سيئه للغايه وعارف ان كلامى ممكن يسبب ليا هجوم لكن شهاده احاسب عليها وهى ان التيل اللى بينزل مصر من اكبر مستوردى قطع الغيار اليابانى مش اصليه فى اى مكان
والحل اللى الكل بيقتنع بيه انه من عيوب اللانسر الفرامل وقواعد الموتور والفتيس
الفتيس اه ممكن يكون فى عيوب فى قليل من العربيات خصوصا ان عربيه باجيرو 2000كم والفتيس كان بايظ وتم تعميره خارج التوكيل وتكلفته كانت 25000ج (خاااااااااااااااارج التوكيل)
لكن القواعد والفرامل ده عيب قطع غيار

بالنسبه للكونسول سالت عليه من 6 شهور استعمال كان بـ400ج

**marwan_147** · 19-08-2009 01:44 AM

السلام عليكم اشكركم على التفاعل مع سؤالى بالنسبة انا لية مش بكشف فى التوكيل بصراحة انا رحت اكتر من مرة عند مجدى شاهين وعمرى ما خرجت من عندة الا وانا زهقات من العربيات كلها وعن العربية عاملة كم كيلو تقريبا 65 الف اما موضوع الخراطيم لما اشتريت غيرهم لم يختلف شىء والسخونية زى مهيا ومش عارف ممكن يكون اية السبب واضح انى مطر للذهاب الى توكيل قليوب لانى على ما اسمع هوة الافضل وياريت الاخوة الاعزاء اللى مر بالتجربة دى يقولى اية سبب سحونة العجل تحياتى وكل عام وانتم بخير انا اشتريت القنصولة 300 استعمال

**mada121977** · 19-08-2009 02:00 AM

المشاركة الأصلية كتبت بواسطة thebraveeagle

التيل مش أصلي إزاي يعني ؟

أمال التوكيل بيلهف أكتر من 400 جنيه على إيه إن شاء الله ؟؟

تبقى مصيبة سودة !

بس أنا عايز أقول لحضرتك على حاجة ... أنا اللانسر بتاعتي لما غيرت التيل ليها ... لقيتوا ركبوا تيل زي إللي كان راكب فيها بزبط ... أي نعم إني لما جيت أغيره بعد كدة حطيلي نوع تاني وحلفلي أنه هوا الأصلي ... بس شغال برضه

الاستاذ محمد قصده مش تيل التوكيل .. قصده اى تيل مكتوب عليه متسوبيشى من خارج التوكيل بيكون نوع سىء ومش اصلى (ده على حد مافهمت والاستاذ محمد يصحح الخطاء )

**أبو إياد** · 19-08-2009 08:53 AM

المشاركة الأصلية كتبت بواسطة mohamedezat

جميع تيل فرامل الميتسوبيشى الموجوده فى السوق خامات سيئه للغايه

المشاركة الأصلية كتبت بواسطة mohamedezat

التيل اللى بينزل مصر من اكبر مستوردى قطع الغيار اليابانى مش اصليه

الكلام واضح وبيفسر نفسه ايه اللى جاب سيره التوكيل

الموضوع: استفسار عن خرطوم الباكم

LinkBack

أدوات الموضوع

عرض

استفسار عن خرطوم الباكم - انشر الموضوع فى :

-

-

المواضيع المتشابهه

زيت الباكم

استفسار هام بخصوص خرطوم الباور

زيت الفرامل (الباكم)

زيت الباكم

زيت الباكم!!!!!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة