الموضوع: help

متجبش فورد تتعلم فيها
لو كنت بتغير من عربية تانية للفورد كنت هاشجعك و ارد على اسئلتك

المشاركة الأصلية كتبت بواسطة osker1982

السلام عليكم و رحمة الله
يا جمعاعة انا علي ادي اوي في العربيات امامي فورد اسكورت 1998 1600 cc
انشكشن حالتها كويسة بس عندي شوية اسئلة ارجو المساعدة
1- العربية بتسخن مع التكيف
2- تكيفها كويس
3- سحب العربية حلو مع التكيف
والله انا هحت كل ما املك في هذا السيارة ارجو المساعدة

وعليكم السلام ورحمة الله وبركاته....
شوف ياسيدى الواضح من كلامك ان كل اللى يهمك التكييف !!!مبدئياً كده طالما هتحت كل ماتملك فى هذه السيارة فاعلم ان قطع غيارها مش رخيصة وخصوصاً انها انجيكشن.....وده الاهم طبعاً..
اما بالنسبة للتكييف فمش زى الكورى ولا اليابانى يعنى مش تلاجة ده لو كانت حالته كويسه..ثانياً بيأثر طبعا على سحب العربية خصوصاً كمان لو انت محمل فيها بس مش جامد يعنى للدرجة تقدر تمشى وكل حاجة .... بس نصحية لو قررت اكشف عليها كويس أوى أوى علشان فى واحد زميلنا اضحك عليه فى واحدة ملحقش يركبها ياعينى دخل فى عمرة وموتور....ربنا يسترها معاه ومعانا

تامر معلش ربنا بجد يعوضك خير انشاء الله على الي حصل انا راي زي ما قلتلك اركب العربية شهرين لو عملت حاجة ابقي بعها و متخليهاش
بس عموما الي حصل عندك لو كانت العربيه ديه اتبطلت اول لما امبير الحرارة وصل للحتة الحمرة مكنتش كلفتك اكتر من جوان و خرطوم و خراطة وش يعني حسبة 300-400 جنيه بالمصنعية
و انشاء الله تبقي كويسة بعد التصليح انشاء الله

المشاركة الأصلية كتبت بواسطة egytamer

السلام عليكم اخي انا الي اتنصب عليا واله اعلم علشان مظلمش الي بعبي العربية .
انا طبعا معنديش لسة اي انطباع كامل علي العربية علشان انا ملحقتش اجربها يدوبك سوئتها مرتين وبس العربية قطع غيارها غالية اسئل الاول عند محلات قطع الغيار وشوف تناسبك ولا غالية متعملشي زيي وتسئل حد ميعرفشي وتتدبس بس للامانة انا بسمع ان قطع غيارها معمرة جدا كمان اكشف عليها عند ميكانيكي فورد وارشحلك قطب علشان انا كشفت عليها في بنزيمة كشف بساتم والراجل قلي الكبس 70% وقعد يتغزل في المتور وبعد كدة الميكانيكي قالي ان المتور كان مفتوح قبل كدة وملعوب فية المهم اني غيرت المتور وحاليا بظبط في العربية وانشاء الله احكلكم علي الي عماتو بلتفصيل انا مش عارف بعد مصلحها ابعها ولا اخليها صحابي بيقولولي خسارة انك بعد مجبت متور جديد وشديت العربية شدة حلوة تبعها اركبها واتمتع بيها وانا اتشائمت منها فبفكر ابعها ففكر كويس وربنا يوفقك

معلش ياتمور قدر الله ماشاء فعل ...... انت برده موقلتلناش سعرها كام من قبل ماتجيبها لأن السعر كان قليل حبتين !! المهم ماتفكرش كتير وركز فى العربية وحاول تظبطها كويس ورأي ماتبعهاش اركب الاول وشوف وحرام تضيع مجهودك فيها لأنك لو بعت اكيد هتخسر بس اهم حاجة ماتنساناش وقولنا اشتريت الموتور منين وبكام وعملت ايه....

انا انصحك تجيب الاكسيل علشان تتعلم فيها و تعمل فيها اي حاجة انت عاوزة و هيا كمان تعمل فيك الي هيا عاوزاه علشان لما تركب الفورد من بعدها تعرف قيمة الفورد لكن لو جبت فورد الاول كل ما تعمل حاجة هاتحس انك اتدبست في عربية صعبة