السلام عليكم ورحمة الله وبركاتة
انا عضو فى المنتدى من فترة قريبة و كنت بتابع كل يوم معاكم الحمد لله , لكن لسة مشاركتش لإنى مش خبير
كان ليا شوية اسئلة عن الكماليات لإنى مبتدئ فى السيارات , معلش ياجماعة الأسئلة كتير , إستحملونى
1 : المفتاح عندى عادى مش بريموت وعايز اركب ريموت لفتح السنتر بتاع العربية , ممكن اعرف الحكاية دى تتعمل فين و بكام ؟
2 : وحدة الرفع , بالنسبة للزجاج الأمامى بكام و منين ؟
3 : عايز اركب كاسيت و سماعات ( ساوند سيستم فى المعقول ) يعنى مش عالى اوى , كفاية يكون صوت نقى واسمعة بوضوح, إية افضل مكان و افضل ماركة ؟
4 : الفوانيس اللى عندى كريستال بس مغيمة ( لونها مطفى او تحس ان فيها تراب من جوة ) , ممكن حل ليها ؟
5 : إية احسن شئ لتنظيف التابلوة ؟
6 : سؤال للى عندهم سيفيك 92 , فى جزء من التابلوة , اللى هو اول التابلوة خالص عند تقابل التابلوة مع الازاز الامامى الجزء دة لوحدة و فى كسرين صغيرين , هل دة ممكن الاقية لوحدة ؟؟ بيتباع يعنى منفصل ولا إية ؟
7 : سؤال تانى للى عندهم سيفيك 92 : العربية دى معروف ان التابلوة منفصل عن مكان الفتيس , يعنى فى فاصل مكان فاضى بينهم , وانا شفت عربية متركبلها فى المكان دة كونسول , مش مجرد علبة لحفظ الادوات , لا كونسول كدة فى مكان زى ولاعة او حاجة زى كدة , المهم ان المكان دة اتملى مش فاضى زى الأول ودة طبعا بيدى شكل للعربية , حد عندة معلومة عن الشئ دة ؟
8 : فرش الأرضية , عندى عبارة عن مادة زى صوف كدة , هل دة بيتغير ؟ و ياريت افضل مكان لو بيتغير فعلا , و تكلفتة كام
9 : ممكن اعرف الطارة المومو ( أو مش شرط مومو , اى شئ سبور و شكلة جميل ) مع رأس عصاية الفتيس الأوتوماتيك بكام ؟ وهل الحاجات دى عملية ولا اسيب الحاجة الأصلية مكانها احسن ؟
10 : أسعار الفوانيس الكريستال بالنسبة للعربية دى , أو حتى عربيات مشابهة بحيث اعرف حدود السعر إية إن شاء الله
انا اسف لو كنت طولت عليكم
وفى إنتظار ردودكم بإذن الله و اتمنى محدش يبخل عليا بعلمة
وشكراً لكم مقدماً
المفضلات