أفضل مكان لبيع الإكسسوارات والكماليات الأصلية

**walidsamy71** · 07-01-2011 12:23 PM

السلام عليكم ...

كنت عايز أسأل حضراتكم عن أفضل مكان لبيع الإكسسوارات والكماليات الأصلية الكورى أو التايوانى مش الصينى اللى مرطرط فى كل حتة ، وياريت لو حد من إخواننا هيفيدنا بتجربته يقول لنا اسم المحل وعنوانه وتليفونه لو أمكن والمهم هو بيتميز بإيه ...

وهل معرض الأهرام اللى جاى (من 12 إلى 16 يناير 2011) بيبقى فيه عرض لكماليات وإكسوارات أصلية ؟؟

**Ashraf_Ibrahim** · 07-01-2011 01:27 PM

متابع معاك بخصوص المعرض !

**Ayman-Ahmed** · 07-01-2011 09:06 PM

اشترين من مدة حوالى 4 ل 5 شهور اكسسورات كورى من عند السجان اللى فى مول التوفيقية (طقم نواكل للابواب-طقم الفيميه اللى بيركب فوق الابواب) وكلهم كورى .

الميزة كانت بالنسبة لى انهم كورى ونضاف ويمكن سعرهم اغلى من الصينى حبتين.بس انا من انصار الغالى تمنه فيه.

مش عارف عنده حاجة للسيراتو او المازدا ولا لا.بس شفت عنده حاجات كتير لانواع كتير.

**ecybrarian** · 07-01-2011 09:08 PM

فين بالظبط مول التوفيقية دا؟؟؟؟

**Ayman-Ahmed** · 07-01-2011 09:19 PM

ادخل شارع التوفيقية من شارع رمسيس اودام السنترال من الشارع الصغير اللى فى وسط المحلات اللى على الشارع هيبقى المول على يمينك .او ادخل من اودام دار القضاء العالى وامشى جوة التوفيقية واول شمال مع المحلات والناس اللى فارشة وبعد حوالى 50 متر هتلاقى المول على شمالك.اسال على السجان هو تقريبا فى الدور التانى او التالت.

فيه تحت المول جراج لو عاوز تركن تحت بحوالى 5 او سبعة جنيه الساعة مش متذكر اوى.