يا جماعة ايه سبب سخونة العربية انا مؤشر الحرارة عندى يوصل احيانا قرب النهاية بشرطة وده يكون في الزحمة احيانا ومعنديش اي فكرة عن السبب كمان هو العربية لما تسخن قوى كدة مفروض الواحد يتصرف ازاى؟ وهل ممكن السخونة تؤدي لاتلاف شيء بها ؟:_Alshmokh08[1]:
عرض للطباعة
يا جماعة ايه سبب سخونة العربية انا مؤشر الحرارة عندى يوصل احيانا قرب النهاية بشرطة وده يكون في الزحمة احيانا ومعنديش اي فكرة عن السبب كمان هو العربية لما تسخن قوى كدة مفروض الواحد يتصرف ازاى؟ وهل ممكن السخونة تؤدي لاتلاف شيء بها ؟:_Alshmokh08[1]:
طبعاً سخونة العربية ممكن تؤدى الى تلف الموتور نفسه....
و أسباب السخونة كتير قوى منها
1- نقص مياه التبريد ( مياه الردياتير ) و النقص نفسه ممكن يكون بسبب تسريب مياه مستمر و ده محتاج حد يشوف سببه ( ممكن الردياتير نفسه أو أحد خراطيم المياه ) أو نقص بسبب بخر المياه مع الوقت.
( تزويد مياه الردياتير لازم يكون و العربية باردة تماماً فى حالة أن الموتور مش شغال أو الموتور يكون شغال بس العربية مش فى درجة السخونة العالية اللى بتوصلها عندك )
2- ممكن الردياتير نفسه يكون مسدود و بالتالى يكون تبريده أقل من الطبيعى
3- ممكن مروحة الردياتير تكون أبتدت تبوظ....هى فى العادى بتشتغل سرعتين.....ممكن تشكون شغالة على السرعة البطيئة بس أو تكون شغالة السرعتين بس مش بنفس القوة المطلوبة.
هى العربية أيه بقى :)
انصحك أنك توديها لميكانيكى رينو فى أقرب فرصة.
العربية الكليو مؤشر الحرارة العادى فوق النص بشرطة كدة هيه طبيعية اما اذا كان بيعدى فوق المؤشر ده يعنى ان فيه ضعف فى التبريد وده ممكن يكون ناتج من عده اسباب منها ان يكون غطاء القربة بينفس ولازم يتغير او ان الميه ناقصة او زايده فى القربة لازم تكون عند الحد الموضح بالقربة او ان المروحة ضعيفة فحاولى استبعاد الاسباب الواضحة الاول
اخطر حاجة فى العربيه انها تسخن وفى الحاله دى لازم تقفى وتستنسى لما تبرد وبعدين تشوفى القربه فيها ميه ولا لآ لو نقصت زوديها وبصى تحت العربيه هل فى حاجة بتسرب او الردياتير مخروم لو مانقصتش امشى تانى وراقبى الم}شر لو رجع يزيد تانى يبقى اكيد سبب من الاسباب اللى الاخوة الافاضل اقترحوها
انا متشكرة ليكوا بس انا وديتها لاحمد عثمان اللي في المهندسين لوتعرفوه في وادى النيل وقالي انها كويسة بس موضوع الحرارة ده بيظهر عندي ويختفي من مدة لمدة ومش عارفة حله ايه؟
طيب الحاجات اللي انت قولتوها ديه نظامها ايه هتاخد وقت في التصليح ولا بسرعة وهتكلف كام احسن لسه قايمن من ضربة تانية : (
ياريت اللي يعرف حد كويس في صقر قريش اؤ مهندسين لانهم اقرب ليا واسهل
هي علي فكرة رينو كليو 2003
الحاجات اللى اتقالت بتاخد وقت فى تصلحها يعنى فك وتركييب ولحام الردياتير موش اقل من 3-4 ساعات لو خرطوم مقطوع يبقى سهله ماتخدش وقت
ارجوك ما تمشيش ب العربيه الا لما تصلح العطل اللي فيها
هي مش عالطول سخنة اوقات واوقات عشان كدة انا مش بقلق, بس لما بتسخن بخاف ومش بعرف اتصرف وعلي انا قلت للميكانيكى بتاعي قالي علي كذا حاجة منها ان
1-انظف العربية من الامام "الشبكة " لان ممكن تكون السربنتينة عليها تراب
2- قالي نتابع دورة تبرد السيارة "نضع مياة كل اد ايه؟"
3- في تسريب ولا لأ
4-في الاخر خالص نشوف المروحة "لانها غاليه زي ماقال" :((
وربنا يستر بقي
واضح إن حضرتك بتوديها لميكانيكي مش متخصص في الرينو
أنصحك توديها للميكانيكي بتاعي في الحرفيين....هو متخصص في الكليو والميجان بس :E_braces[1]:
لأ.........مظهرتش و أنا عنده
هى مش مشكلة قوى بس أنا عشان مهسهس شوية فى الأصوات و العفشة فتلاقينى أيدى فى العفشة و أى حاجة بتعمل صوت على طول :)
و أنا عنده كان فاكك فى ضفيرة كهرباء بتاعة ميجان و بيلعب فيها عشان تقريباً عملت قفلة و بعض أجزاء الضفيرة ساحت.......بس أيه ......العربية كانت متهانة أخر حاجة......وواضح جداً عليها عدم الأهتمام.
الحرفيين صعبة قوى وبعيدة موت
وكمان زاد وغطى الصوت اللي بقاله اسبعوين طالع عندى روحت لنفس الميكانيكي دة سببه الرولمان الامامي روحت ودوخت عقبال مالقيت الفرنساوى الاصلي وجبتهم وركبهم مفيش يوم وظهر الصوت تاني روحتله بردوه قالي العجلة الخلفية شمال محتاج يتغير الرولمان بلي بتاعها غيرناه كمان 3 ايام ويرجع الصوت قولت ده اكيد العجلة الرابعة غيرها بردوه مازال في صووووووووت انا بصراحة مش عارفة اعمل ايه بالصوت ده وببقي محرجة من العربية من الصوت العالي ده :(( انا زهقت من الموضوع ده يا جماعة وصرفت عليه فلوس ومفيش حل ياريت حد يقدر يفيدنى وانا هودى العربية تاني للميكانيكي النهاردة :((
واضح مع أحترامى للميكانيكى أنه مش قادر يشخص المشكلة كويس
أنصحك تروحى لحد تانى يكون بيفهم
لو ممكن تقولى أسم منطقة سكنك و أحنا نحاول ندلك على أقرب حد بيفهم فى رينو.
انا الاقرب ليا المعادى اؤ المهندسين لكن الحرفيين بعيدة وانا معايا اطفال فهيبقي صعب شوية
طيب كان فى واحد فى المعادى كويس كذا واحد من الشباب راحوله قبل كده......بس للأسف أنا مش فاكر أسمه
نداء الى أيمن مومو..........الراجل اللى فى المعادى أسمه أيه ؟؟؟
متشكرة قوىلاهتمامكم كلكوا ويارب تتحل المشكلة قبل رمضان وكل سنة وانتو طيبيين
ياجماعة افضل ماركة بلي عجل ايه؟ انا جبت الفرنساوى ال snr في احسن منه ولا ده هو الافضل ولا ايه؟
يعنى الاختيار كان صح الحمدلله
كل سنه وانتو طييبين انا عندى ملاحظه ياريت لو حد عندة رد يفيدنى انا معايا كليو 1200 الاسبوع اللى فات وانا كونت رايح الساحل مؤشر الحرارة كان اعلى من مكانه الطبيع حاجة بسيطه ( مكنتش مشغل التكييف ) المهم وانا راجع كان على مكانه الطبيعى ( على الشرطه اللى قبل النص او اعلى ملى بظبط) المهم محطش حكايه انه كان اعلى وانا رايح فى دماغى قولت يمكن الهواء كان فى وش العربيه الاسبوع دة وانا رايح كان مظبوط .......وانا راجع شغلت التكييف ( لمل بشغل التكييف سواء جوة البلد او برة بيكون على الشرطه اللى قبل النص اوعلى اخرها موش كدة ؟؟؟) المهم السكه كانت زحمه شويه فكنت ماشى على 80ك.م لقيت المؤشر وصل ل النص !!!!!!!!! ولما السكه فتحت ومشيت على 100 المؤشر رجع تانى لمكانه الشرطه اللى قبل النص هل دة عادى ولا ممكن يكون في حاجه ل طلمبه الميه انا عملت صيانه ال60000 ومغير تهاش
مش عارف بالظبط طرمبة المياه ممكن تعمل كده ولا لأ
بس فى أحتمال تانى....المروحة بتشتغل سرعة واحدة و بالتالى و أنت مهدى شوية مش بتعرف تبرد العربية كويس لكن لما بتمشى بسرعة الهوا اللى جاى فى وشك بيساعد على تبريد العربية.
و أنت بتعمل الصيانة ( لو عملتها فى التوكيل ) قالولك على تغيير الطرمبة ولا لأ؟
العبد لله شايف ان احمد سعيد في الرماية ( الهرم) حيكون افضل بالكتيير من جميع النواحي ... ومش حيعمل شغل والكلام دا ... ومن ناحية كفاءة الشغل علي مسئوليتي !!!!!!
طيب تعرف تحدد إذا كانت المروحة بتشتغل سرعتين و لا سرعة واحدة ؟؟؟
و أنت واقف بعد مشوار طويل شوية و مع التكييف أنزل من العربية و هى دايرة و ركز شوية مع المروحة و شوف سرعتها بتتغير ولا لأ.....و ممكن تعرف عن طريق صوتها كمان.
على فكرة أنا عندى نفس المشكلة بس المية عندى بتنقص رحت التوكيل فى المقطم وكشفت على دورة المياه قالى مفيش تسريب وقالى أنا كبست الضغط ومفيش تسريب وأنا المروحة عندى بتشتغل بسرعتين أنا بكش عليها كل أسبوع ونص أفتحها القيها نقصت شوية
وفى الزحمة بس مش دايما الثى الأمبير بعد الشرطة الى فى النص
مش عارف أعمل أية هل فى نوع مية موعين كويس أنا عندى المية حمرا
ياجماعة هي طبيعية الكليو يكون صوتها عالي شوية , كتير قالولي كدة وخصوصا اللي بيركني العربية في الجراج بيقولي كل الكليو المانيوال كدة دة صحيح؟؟
عشان كدة بسال ياريت لو حد معاه كليو 2003 يقولنا الموتور ليه صوت عالي شوية ولا لا وهي كدة طبعيتها