اغيير رشاشات والا فى حل تانى
اولا انا باكتب فى الموضوع ده لان أ/ محمد ممدوح & م/ سمير عياد قد اشاروا على سابقا انى افحص الرشاشات ولهم جزيل الشكر على مجهوداتهم
روحت الى الميكانيكى بيتاعى فحكيت ليه ظواهر ومظاهر العطل
فاشار على ان فى انم تقطيعة الدوارة والرجة المصاحبة دى نتيجة الرشاشات مش كويسة
ولكنى رديت عليه ان اكل البنزين ولا يوجد اى عادم مصاحب لسير العربية والسحب ممتاز والحمد لله
وكمان العربية فى الصفيحة بتعمل 250 كيلو على الطوالى مع التكييف ومشكلتى انها بيحصل رجة خفيفة وبعدها العربية بتتنظم تماما حتى لو دورت 100 مرة بتدو من اتول تكة
المهم وصلنا العربية على الهاند هيلد يونيت الخاصة بدايو
ولقينا ان الرشاشات فيها الاتى
injection time : 1 ms
فى السلانسية وبداية الدوارة وبتتغير الى ساعات 8.4 ms وبترجع لحظيا الى 1 ms
فاميكانيكى قالى دا معناه ان الرشاشات بتهيس وبداه تبوظ
فهل دا الحل انى اغيير الرشاشات وكمان فى طريقة لحل المشكلة لانى خايف انى اغييرها وما تكونش هى المشكلة اللى مضايقانى حاليا وهى انى فى الدوارة بعد 4 ساعات من ركنة العربية بلاقى رعشة خفيفة فى بداية اول دوارة
واسف لانى طولت عليكم
واتمنى انى الاقى رد امشى وراه واصل لحل
اخوكم م/ احمد سعيد