كنت بسخن السيارة فى الصباحةبعد التسخين اردت اخذ اى غيار لكن لم استطع وقد حدثت معى مرتين فدوست على الدبرياج اكثر من مرة وبعدها اخذت الغيارات فهل هذا هو الحل
عرض للطباعة
كنت بسخن السيارة فى الصباحةبعد التسخين اردت اخذ اى غيار لكن لم استطع وقد حدثت معى مرتين فدوست على الدبرياج اكثر من مرة وبعدها اخذت الغيارات فهل هذا هو الحل
أيه أخبار زيت الدبرياج أو الفرامل (بينقص معاك )
وهل كشفت على وجود تسريب زيت من مساتر الدبرياج ( علوى وسفلى )
مستوى الزيت عند المستوى الطبيعى مابين max- min
أكشف بقه على مساتر الدبرياج
لو لقيت زيت فرامل على صدر الغرفه يبقى اللى فوق تعبان
لو لقيت زيت وراء جلدة الماستر التحتانى يبقى ده اللى تعبان
لو لقيتهم الأثنين تمام ....يبقى أنت داخل على عمرة دبرياج
في قطعة بلاستيك فيها ياي بيسموها طقم اصلاح دبرياج لو أوشك عمرها على الإنتهاء بتعمل كده وبتتغير بسهولة وتمنها مش فاكر 10 ولا 25 جنيه
لما كانت القطعة دي مقطوعة مكانتش بتاخد غيارات بسهولة غير في الصبح وهي باردة وطول اليوم شوية الغيارات تشتغل وشوية لأ
لما كانت مقطوعة عندي كنت باضغط بسرعة 4-5 مرات على دواسة الدبرياج علشان الغيارات تيجي
اتأكد من سلامتها عندك الأول وبعدين شوف.
اسناذ عياد ماهى عمرة الدبرياج وماهو المقصود بصدر الغرفه ماستر الديبرياج
عمرة الدبرياج ....يعنى تغيير الديسك والأسطوانه وبلية الدبرياج والكشف على وجه الحدافه (الفلام ) أو ال fly-wheelاقتباس:
اسناذ عياد ماهى عمرة الدبرياج
صدر الغرف يعنى الجدار اللى وراء الدركسيون من داخل غرفة المحرك وأنت فاتح الكبوتاقتباس:
وماهو المقصود بصدر الغرفه
ماستر الدبرياج ده عباره عن أسطوانه هيدروليك (بستم بالعمود - سوستة رد -شميز الأسطوانه ) زى نظام مساعد العربيه مع الفارق طبعااقتباس:
ماستر الديبرياج
وبيكون عندنا أثنين
1- علوى على صدر الغرفه وده ماستر الدبرياج الرئيسى
علشان لما ندوس على الدواسه نضخ زيت للماستر اللى جاى
2- سفلى وبيكون راكب على دعامه (براكت ) على الفتيس (صندوق التروس) من بره
وأسمه ماستر تحرير الدبرياج
بيشتغل بطريقه عكس التانى
بيروحله زيت مضغوط ....وبيتحول ضغط الزيت الى حركه ميكانيكيه لفصل أو تحرير الدبرياج ....علشان نعرف تنقل السرعات بعصاية الفتيس