أنا سافرت شرم الشيخ يوم الثلات اللي فات وقلت أنا لازم أسافر بالعربية فرصة ماتتعوضش عشان أجرب كل الكلام اللي بيتقال عليها من ثبات وجري وكدة
وسافرت بيها كانت سواقتها بالسفر ممتعة والجري وحش كاسر وصلت قريب من 180 والعربية حاسسها عاوزة أدوس بنزين أكتر بس أنا بصراحة مش بحب الجري ودي أول مرة في حياتي أعدي ال 130 بس أنا كنت واثق من العربية وكمان موضوع الثبات كان هايل بالزات في الملفات
المهم خدت المشوار 500 كلم في حوالي 5 ساعات خلالها كان في إستراحات ونقاط تفتيش ومعظم السكة كنت بمشي على 140
المشكلة اللي كانت عندي لما أوصل ال 110 اغاية ال 120 الدريكسيون عندي بيبتدي يتهز أول ما أعدي ال 120 يرجع ثابت وزي الفل مش عارف دي مشكلة إيه؟
بالنسبة للإستهلاك كان حلو في أول الرحلة حوالي 38 لتر وقبل ما أوصل زودت تاني 32 لتر وصلت شرم كان عداد البنزين وكنت مشغل التكيف طول السكة وكمان كنا 4 في العربية غير الشنط اللي في شنطة العربية اللي طلعت واسعة جداً وخدت حاجات كتيرة وكمبيوتر الرحلات حاسبهالي حوالي 6.8 لتر لكل 100 كلم
وصلت شرم وهناك لقيت عربيات جين 2 كتيرة في البارك بتاع الفندق كان موجود 2 غيري واحدة منهم كانت لواحد من إدارة الفندق أنا كنت مبسوط لما بشوف أي عربية جين 2 ماشية أو راكنة
لما رجعت إمبارح الرحلة مانت ممتعة بالزات لما الشمس غابت وأنا في طريق السويس ماكنتش حاسس بالوقت أبداً والعربية بتجري معايا ماشاء الله زي الفل بين المقطورات والباصات والنصف نقل
المهم كانت تجربة مثيرة مشوقة ومفيدة قدرت أحكم على العربية بنفسي وفي الإخر الإزاز القداماني إتنقر نقرة صغيرة جداً بطوبة صغبرة من كمية الطوب الغير طبيعية اللي كانت موجودة في طريق السويس
المفضلات