التكنولوجيا الصينية

**PRO-DRIVE** · 25-10-2007 08:30 PM

المشاركة الأصلية كتبت بواسطة mat7oon

الصين حتي مقدمتش جديد في العالم دا جيبلي ابحاث او تطويرات حصلت في الصين

جيبلى انت يا باشا اللى مصر قدمته :D

و انا مقارنتش بمصر :?

انا قارنت بالدول اللي انتوا بتقارنوا الصين بيها و هي 0001

**ahmed1981** · 25-10-2007 10:53 PM

الصين تقدمت في جميع النواحي
وكلها سنتين ثلاثة ونلاقي ثلث العربيات في مصر صناعة صيني
والثلث الثاني ماركات عالمية مجمعة في الصين
والثلث الثالث كل ما هو غير صيني

**أبو عبدالله** · 25-10-2007 11:15 PM

مع احترامي الكامل لك يا بشمهندس ولكن المشكلة مش في صناعة الصين اد ما هي بتصنعلنا بكام وايه
يعني بمعنى اخر الصاروخ ده اكيد مصروف عليه فلوس عاليه وممكن تكون اكتر من الفلوس اللي صرفتها امريكا وروسيا
المشكلة مش كده خالص
الصين تعرف تعمل عربيه كويسه ولكن مش هتبقى منافسة لأن مبلغها هيبقى عالي جدا مقارنة بمثيلاتها من نفس الفئة

مصر تقدر تعمل دلوقتي عربيه ولكن تكلفتها مش هتبقى منافسه خالص فهيبقى بخسارة على المصنع اللي صنعها

المشكلة مش دلوقتي اني اعمل شئ ولكن المشكلة بكام
لأن حضرتك لو معاك فلوس ومستغني عنها هتقدر تجيب علماء وخبراء ومعدات وكل شئ وهتعمل مصنع وهتشتري كل التكنولوجيا اللي انت عاوزها كلها والخبرات كلها هتشتريها وكل شئ ولكن المشكلة هل الموضوع في الاخر هيبقى مربح علشان تقدم عليه وله بخسارة
وهي دي المشكلة
الصاروخ بتاع الصين ده ده مشروع قومي وليس تجاري يعني يتصرف عليه قوي لأن هما مش مستنيين ربح من خلفه

فالقياس في غير محله مع احترامي الكامل لك يا بشمهندس

**Ahmed Anwer** · 25-10-2007 11:44 PM

أيضا الصين هتنظم الدورة الأوليمبية القادمة
و اللي زار الصين أكيد هينبهر بالتطور الفظيع في البلد دي و ناطحات السحاب و النظافة و النظام
بخصوص حكاية الصناعة الصينينة ،،
مش في كل المجالات مبدأ علي قد فلوسك و ده عن خبرة
في الصناعات البسيطة أو الصناعات التجميعية زي الإلكترونيات بس لكن في الصناعات الميكانيكية مثلا ، بيقولك مقدرش
لأنه أساسا طلع عينه عشان يعرف يصنع الأجزاء الميكانيكية أو المكنة دي مش معقول يطلع عينه كمان عشان يرخصهالك
و أنا بقول كده عن خبرة لأننا كنا لما نيجي نستورد منهم اه في حاجات يقدر يقللك في المواصفات عشان تبقي رخيصة لكن حاجات تانية يقولك اسف
و عموما الأوربيين فعلآ بيعيطوا منهم و من منافستهم و في مجالنا مثلآ اكتشفنا حاجات كتير بنستوردها من إيطاليا بماركات إيطالية إنها صناعة صينية لصالح الشركات دي ،، و الإيطالين بينصبوا علينا و مابيقولناش عشان مش كل اللي لابسين برانيط و عينيهم زرقة ملائكة و مابيكدبوش ،،، الصين فيها نصابين و أوروبا فيها نصابين برده
و في الصين نفسها الإسم التجاري بيفرق لما كنت هناك كانت عايز اشتري حاجة سوني لاقيت مكتوب عليها صنع في الصين ،،، البياع قاللي sony is sony لكن اللي سعره رخيص و في الأرض و هما نفسهم بيتريقوا عليه الصناعة الصينية و الماركات الصينية و إن كنت اعتقد إنها مجرد مسألة وقت لحد ما هيمتلكوا الخبرات دي من الشركات العالمية اللي شغالة هناك

**eng_mkhalaf** · 26-10-2007 05:30 PM

المشاركة الأصلية كتبت بواسطة Hossam Hassan

الحمد لله كسبت الرهان، أصل انا راهنت نفسى ياباشمهندس لما شفت الخبر ده فى التليفزيون انك هتنقله فى خلال 24 ساعة :D :D :D :D :D :D

**eng_mkhalaf** · 26-10-2007 05:37 PM

يا جماعة علشان يطلقو صاروخ من على أرضهم ويعمل الشغل دة كلة ليس بالسهل ودة كلام متخصيصين - الناس دية عندهم تكنولوجيا وعندهم هدف عايزين يوصلو لية - دول تانية كتير بتنتج عربيات ومش قادرة تطلع أبرة خارج الغلاف الجوى وكلنا عارفين الكلام دة كويس ;) ;) ;)

**PRO-DRIVE** · 26-10-2007 06:35 PM

^^^^ طيب احنا ايه علاقتنا !!!

لما نحب نشتري صاروخ نشتريه صيني :mrgreen:

انما في العربيات لا ناخد من اللي بيفهموا في تصنيع العربيات

بعدين اي هي الدوله اللي بتصنع عربيات و مقدرتش تخرج برا الغلاف الجوي ؟؟

**tutankhamoun** · 26-10-2007 08:16 PM

المشاركة الأصلية كتبت بواسطة PRO-DRIVE

^^^^ طيب احنا ايه علاقتنا !!!
بعدين اي هي الدوله اللي بتصنع عربيات و مقدرتش تخرج برا الغلاف الجوي ؟؟

في بالفعل دول كثيرة تنتج سيارات و لا تخرج خارج الغلاف الجوي
زي دول أوروبا .......... و في دول بتخرج خارج الغلاف الجوي و منتجاتها غير منافسة لدول داخل الغلاف الجوي مثل روسيا ........
فمثلا السيارة اللادا لا تدخل في مقارنة بأي حال من الأحوال بأي سيارة أوروبي -ألماني فرنسي أيطالي و حتى التشيك --
علم السيارات شئ و علم الصواريخ شئ أخر .
طيب مصر بتصنع صواريخ ......... و دبابات ......... و طائرات هليكوبتر ....... بس كلها إنتاج محلي للاستهلاك المحلي
و السيارات الصيني مشكلتها أنهم عايزين ينافسوا في السوق فلا يوجد إلا عامل السعر لأنهم غير مشهورين بالجودة ....... فلذلك يستخدمون مواد خام رخيصة و غير قوية للنزول بالسعر و لكن أعتقد أن هذا المبدأ سيقل مع مرور الزمن و زيادة الإنتاج

**PRO-DRIVE** · 26-10-2007 10:45 PM

الدول الاوروبيه جميعا تبع وكاله فضاء واحده ESA

http://en.wikipedia.org/wiki/European_Space_Agency

اليابان عندها JAXA

http://en.wikipedia.org/wiki/Japanes...oration_Agency

و طبعا مش محتاج اتكلم عن امريكا ;)

مفيش تقريبا غير كوريا اللي معندهاش

**Ahmed Hassan** · 26-10-2007 11:09 PM

في بالفعل دول كثيرة تنتج سيارات و لا تخرج خارج الغلاف الجوي
زي دول أوروبا .......... و في دول بتخرج خارج الغلاف الجوي و منتجاتها غير منافسة لدول داخل الغلاف الجوي مثل روسيا .......

المفروض لأ لأن أي اقمار صناعيه او صواريخ اوروبيه بتكون صناعات مشتركه بين دول الاتحاد الاوروبي كلها... و ليست من انتاج دوله اوروبيه واحده.

و في دول بتخرج خارج الغلاف الجوي و منتجاتها غير منافسة لدول داخل الغلاف الجوي مثل روسيا ........
فمثلا السيارة اللادا لا تدخل في مقارنة بأي حال من الأحوال بأي سيارة أوروبي -ألماني فرنسي أيطالي و حتى التشيك --
علم السيارات شئ و علم الصواريخ شئ أخر .
طيب مصر بتصنع صواريخ ......... و دبابات ......... و طائرات هليكوبتر ....... بس كلها إنتاج محلي للاستهلاك المحلي
و السيارات الصيني مشكلتها أنهم عايزين ينافسوا في السوق فلا يوجد إلا عامل السعر لأنهم غير مشهورين بالجودة ....... فلذلك يستخدمون مواد خام رخيصة و غير قوية للنزول بالسعر و لكن أعتقد أن هذا المبدأ سيقل مع مرور الزمن و زيادة الإنتاج

+1

الموضوع: التكنولوجيا الصينية

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

سيتروين ds5 قمه التكنولوجيا الفرنسيه

بورش باناميرا........قمة التكنولوجيا

قمة التكنولوجيا اليابانية

صباح التكنولوجيا

التكنولوجيا اليابانية

الكلمات الدلالية لهذا الموضوع

المفضلات

المفضلات

ضوابط المشاركة