باركولي يا جماعة اخيرااااااا جبت النترا زيرو

**amrnader** · 19-08-2009 02:01 AM

مبروك يا باشا،

انت بتسأل عن وحدات الرفع بتاعة الازاز. انا عندى موجودة فى موديل 2008 بس سمعت ان غبور شالها بعد كدة، فلازم انت اللى تركبهم لو عايز.

**Samah AbdAllah** · 19-08-2009 02:18 PM

الف مبروك وان شاء الله ربنا يباركلك فيها

**dr_abooody** · 19-08-2009 08:49 PM

المشاركة الأصلية كتبت بواسطة tefeamer

الف مبروك وربنا يكفيك شرها

انا معيا النترا 2008 فيها وحدات رفع ، بص يا استاذى غبور لما رخص العربية يعنى انا جبتها ب 96500 فلما رخصها شال منها الروافع اللى هيه مئوله عن رفع الزجاج لما تقفل العربية يعنى حب الا ايه يوفر شوية لكن انت ممكن تركبها عند السجان بشارع دمشق بمصر الجديدة ده لان الوافع والانذار بيتركبوا فى مصر يعنى العربية بتنزل من كوريا من غير انذار وروافع فغبور ركب الانذار لكن وفر الروافع ، ثانى حاجة حكايت النور بتاع العربية هو بيفضل شغال لغاية لما تقفل العربية وده وسيلة من وسائل الامان انه يعرفك بخلاف لمبة الباب اللى بتنور فى التبلوه وعاها النور فتعرف ان فيه باب مفتوح او اللى وراك يعرف انك واقف بتنزل حد مثلا وده مش عيب ده ميزة واسف على الاطاله

الله يبارك فيك

يا باشا مفيش اطالة و لا حاجة دة انت نورتنا

انا كان عندي سؤال بس في الانذار بتاع العربية

هو دلوقتي صوتة منخفض شوية دة غير انة حساس اوي لاي لمسة

اعمل اية عشان اعلية و اقلل الحساسية بتاعتة كمان

كمان في حاجة غريبة اني لما افتح العربية بالمفتاح عادي بتفضل تشغل انذار كأني حرامي بحاول افتحها يعني لازم افتح بالريموت عشان ما تعملش دوشة ؟

**M.Osman** · 19-08-2009 10:16 PM

ألف مبروووووك يا باشا... ربنا يديك خيرها و يبعد عنك شرها

**mido_919** · 20-08-2009 03:24 AM

الف مبروك وربنا يديك خيرها ويكفيك شرها

**tefeamer** · 20-08-2009 03:15 PM

المشاركة الأصلية كتبت بواسطة dr_abooody

الله يبارك فيك

يا باشا مفيش اطالة و لا حاجة دة انت نورتنا

انا كان عندي سؤال بس في الانذار بتاع العربية

هو دلوقتي صوتة منخفض شوية دة غير انة حساس اوي لاي لمسة

اعمل اية عشان اعلية و اقلل الحساسية بتاعتة كمان

كمان في حاجة غريبة اني لما افتح العربية بالمفتاح عادي بتفضل تشغل انذار كأني حرامي بحاول افتحها يعني لازم افتح بالريموت عشان ما تعملش دوشة ؟

استاذى الفاضل صوت الانذار فعلا منخفض ومالوش حل فى انك تعليه لكن مسالة الانذار بيشتغل ده الحساس بتاع الانذار عالى شفت بقى الحاجة اللى بنعملها فى مصر صوت الاذار منخفض مع انه المفروض عالى وحساس الانذار عالى مع انه المفروض يبقى منخفض عموما انت فى الصيانة فى التوكيل قلهم وهما يضبطوه او اى كهربائى لانه سهل وبعيد عن ضفيرة كهرباء العربية .
ثانى حاجة انت قفلت العربية بالانذار يبقى لازم تفتح بالانذار وده مش علشان الصوت بس ده لو حاولت تدور العربية بمفتاحها الاصلى مش هدور الا لما الانذار يفصل ولو عايز تفتح العربية بالمفتاح يبقى لازم تقفل بالمفتاح فقط من غير ما تستعمل الانذار لكن الانذار آمن واسهل واليك فوائده .
الضغط مرة واحدة على القفل يقفل العربية
الضغط مرة واحدة على الفتح يفتح العربية
الضغط مع الاستمرار على القفل يعطيك انذار وده لو انت راكن فى مكان مزدحم يساعدك على العثور على العربية بسرعة
الضغط مع الاستمرار على الفتح يتم فتح العربية مع فتح الشنطة وفى حالة ما لم يتم فتح اى باب يتم اعادة الغلق تلقياً