اختلاف بين مهندس التأمين والتوكيل (ارجو سرعة الرد)

**Walidghali** · 17-08-2009 12:33 PM

السلام عليكم ورحمة الله
الحمد لله عملت حادثة من يومين ربنا يبعد عنكم الشر وسؤالي هو دلوقتي انا ضايع بين مهندس التوكيل ومهندس التأمين مش عاوزين يتفقوا على تغيير بعض الحاجات وعلى اسعار المصنعيات
انا رحت لمركز اوتوموتيف في القصر العيني وعمل لي المقايسة وبتاع التأمين صلح فيها بعض الحاجات وهما بدورهم طبعا رفضوها ودلوقتي التأمين بيقول لي اعملها عند حد تاني او في الحرفيين المهم تجيب فاتورة
افيدوني افادكم الله ... هل من مشورات تخرجني من الدوامة دي والعربية ترجع تاني زى ما كانت
لانوس 2008 : آثار الحادث تغيير اكصدام كامل بالحديد - تغيير سربنتينة تكييف مع شحن فريون - تغيير الكبوت (اختلف الخبراء) - سمكرة الرفرفين الأماميين - تغيير فانوس امامي يمين
شكرا جزيلا

**faron525** · 17-08-2009 01:19 PM

قدر الله وما شاء فعل و الحمد لله علي سلمتك
الموضوع بسيط وممكن فعلا تروح الحرفيين تعمل كل الحاجات ده وهترجع العربية زي ما كانت بأذن الله

**samirayad** · 17-08-2009 02:48 PM

ودلوقتي التأمين بيقول لي اعملها عند حد تاني او في الحرفيين المهم تجيب فاتورة

أسمع كلام التأمين ....لأن التأمين اللى حيديك التعويض
وبرضه أعرض عليه قيمة المقايسه من المكان اللى حتصلح فيه
علشان ميجيش يتحجج تانى .............

**Walidghali** · 17-08-2009 03:08 PM

مانا بردو مش عارف هما بيتكلموا صح ولا غلط يعني التوكيل بيقول ان الخبطة في العظم بتاع الكبود واحسن يتغير والتأمين بيقول ممكن تتصلح وبعدين انا معرفش بردو اى ورش ممكن اتعامل معاها علشان تبقى ارخص
ياريت الافادة من المشاركين الله يكرمكم بمعلومات وافية عن الأماكن اللي ممكن أتعامل معاها غير التوكيل

**amr.elsayed** · 17-08-2009 03:28 PM

يا جماعة هو مش المفروض العميل ممكن هو اللى بيختار عربيته تتصلح فين مع دفع مبلغ بسيط من ثمن التصليح عايز اقول انه يدفع المبلغ دة ويصلح فى التوكيل احسن دى العربية 2008