اسكندرية

**Islam_galal** · 25-10-2007 11:43 AM

السلام عليكم

الحقيقة انا استفدت من اخوة كتير في المنتدي قبل السفر و كان لازم اقول تجربتي

البداية: اسكندرية الساعة 2 صباحا للصحراوي - المحور - كوبري 15 مايو (الوصلة دي بتوفيق الله فقط وبدون اي فهم للطريق)- كوبري 6 اكتوبر - طريق النصر.
وصلت السعة 4.20 عند جامع رابعة العدوية ، صليت الفجر و لقيت عجلة مريحة شوية دخلت بنزينة مصر للبترول -اول عباس العقاد- لقيت فيها 7 خرم و عمل اختبار لعجلة تانية كانت مريحة شوية لقي 6 خرم ، المهم دفعت 105 ج (زبون الفجر و ملاكي اسكندرية PDT_016 )

بعدين طريق السويس (دخلت السويس نتيجة لنصيحة خاطئة من زميل بأن نفق احمد حمدي لازم تدخله من جوة السويس ، المهم اخدت حوالي نصف ساعة علشان ارجع للطريق الرئيسي)
نفق احمد حمدي - طريق سيناء حتي شرم الشيخ - الوصول الي مسجد كبير في الهضبة (مش عارف اسمه) الساعة 11.40 ظهرا و صلاة الجمعة (19/10/2007)

ملحوظات:

- الطريق فردة واحدة بس معقول، بيتهيألي ليلا يبقي خطير خصوصا مع وجود النقل.
- فيه بنزينات 92 علي الطريق بالذات في بدايات و نهايات المدن الرئيسية مثل راس سدر - الطور - ابو زنيمة و كمان داخل شرم الشيخ نفسها.
- الاستراحات شكلها افضل داخل المدن الرئيسية علي الطريق لان اللي علي الطريق مباشرة شكلها مش مريح (انا مريحتش وبالتالي مجربتش Red_Colorz_PDT_23 )
- اللجان متعدش و كلهم اسطمبة واحدة و الحمد لله (الرخص - حمد لله علي السلامة).
- اللافتات علي الطريق جيدة و لكن المسافات ضاربة شوية يعني ممكن تلاقي يافطة (25 كم لمدينة ...) و بعد حوالي 30 كم (15 كم Yellozz_PDT_01 ).
- بعض الطرق الفرعية (غالبها لشركات البترول) ليس عليها اي يفط تدل علي انها طريق خاص

العودة : كانت البداية 12 ظهرا طريق شرم - النفق-طريق السويس - الدائري - المحور - الصحراوي (استراحة في ماكدونالدز داندي مول و التموين من موبيل اللي جنبها) - اسكندرية

ملحوظات:

- العودة كانت اريح لاني افتكرت و غطيت زجاج الابواب الخلفية و بالتالي التكييف كان ممتاز داخل السيارة في العودة عكس الذهاب.
- اللافتات اقل و فيه كتير ممسوح و ده خلاني قلقان حوالي ساعة الا ربع قبل راس سدر لغاية ملقيت يافطة.
- معايا خريطة لسيناء بالطرق و المسافات بالضبط سأرفعها ان شاء الله.

بشكل عام الرحلة كانت كويسة الحمد لله ، الاسعار في خليج نعمة مبالغ فيه و تخاطب الاجانب و علي ذلك المحلات الممكن الاكل فيها ماكدونالدز و بيتزا هت و كنتاكي و ممكن في الهضبة و فيه محل سمك جامد في السوق القديم اسمه نجمه سيناء

اجمالي الرحلة رايح جاي عملت 1500 كم :rock:

ارجو ان اكون افدتكم

**modux** · 25-10-2007 12:03 PM

شكرا للمعلمومات القيمة و الف حمدلله علي السلامة

**eng_mkhalaf** · 25-10-2007 12:12 PM

حمد للة على السلامة

**eng_mkhalaf** · 25-10-2007 12:26 PM

13 خرم - أنت كنت ماشى بيها أزاى :roll: :roll: :roll:

**اسلام المصرى** · 25-10-2007 10:21 PM

حمد للة على سلامتك يا اسلام :-) نورتنا تانى. على فكرة شكله كده عامل الكاوتش فى البنزينة كان له دور كبيررررر فى الأخرام اللى كانت عندك ذى ما أنت قولت زبون الفجر: زبون و الله اعلم :mrgreen: أنت كانت عينك عليه ولا سايبه يعيش حياته؟ المهم أنك روحت و رجعت بألف سلامة الباقى كله فداك :-) أخبار الرادار ايه فى الطريق بتاع شرم ؟

**hazem_khidr** · 26-10-2007 03:16 PM

حمد الله علي سلامتك يا باشا
بس فعلا زي ما اسلام المصري قال بالضبط عامل البنزينه كان ليه دوي في الاخرام الكتير دي كلها بس عموما الحمد لله انها جات علي قد كده و الف حمد الله علي السلامه

**Ashraf A.Kader** · 26-10-2007 03:33 PM

حمدالله علي السلامة اسلام باشا
المرة الجاية كلمني لما تروح شرم جايز اكون هناك وحتستمتع اكتر لما يكون حد معاك عارف شرم
بالمناسبة انا شبه مقيم في شرم (ظروف العمل) وانشالله اشوف حضرتك المرة الجاية
الرادار في الطريق من النفق الي شرم نادر جدا يا استاذ اسلام
اما جوه شرم خللي بالك كويس تقريبا معندهمش شغلة الا الرادار

**اسلام المصرى** · 26-10-2007 04:09 PM

الرادار في الطريق من النفق الي شرم نادر جدا يا استاذ اسلام

شكرا جزيلا على ردك يا أستاذ اشرف :-) و ربنا يكفينا شر الرادار , أنا مش من النوع اللى بيجرى بل بالعكس بلتزم بالسرعة القانونية و سافرت الغردقة فى 7 ساعات علشان كنت ماشى معظم الطريق 90 100 :mrgreen: صباح الملل طبعا بس فى المقابل بريح نفسى من موال سحب الرخصة و تجديد الوصل و مشاوير المرور اللى ماعنديش وقت ليها و لا طولة بال :-)