الموضوع: ارجو المساعدة..المياة بتروح فين في الكورسا 2004؟؟؟؟

السلام عليكم...

للسادة اعضاء المنتدى..ارجو المساعدة،،

انا معايا كورسا 2004..شاريها مستعملة من 3 شهور وكانت عاملة 54000 ، مشكلتها في نقص مياة الردياتير، يعني كل اسبوع لازم املأ الاربة بالكامل...
روحت التوكيل اكثر من 5 مرات ، وعملوا كبس للمياة في كل مرة ومفيش اي تسرب للمياة من اي حته ، كل القفزان والخراطيم سليمة مع العلم بأن:

1. الheater مفصول عشان التكيف السخن كان بايز، ومسدود تماما يعني مش سبب لنقص المياة
2. قوع الترموستات مفصول ايضا ، كان الإعتقاد السبب منه لكن العيب مستمر
3.تم تغير غطاء الاربة ( مع اني الاحظ دائما صدأ حول الغطاء)
4. لا توجد اي بشاير انه يكون جوانات وش السلندر، لا يوجد عادم ولا يخلط الزيت مع المياة والعربية ماشية تمام.
5.متوسط حرارة السيارة بين 85 و90 والمروحة منتظمة. (لكن يوجد صهد غريب بيطلع من السيارة عند تشغيل التكييف).

انا في حيرة شديدة وكذلك التوكيل،،،فلو تكرم اي احد ويقولي على حلول بديلة لحل مشكلة نقص المياة اكون شاكر جدا لاني فعلا غلبت معاها...